Ester 5:14 - Labrador Inuttitut Heritage Bible

¹⁴ Tagva nulliangata Seresib oᴋautiva illanârijangatalo Ilûnatik: Nappârtomik sennajokarle tallitut 50 gitut pôktotigijomik, atannerlo ᴋaupat oᴋautsaulerle, Mardachai ᴋimiktauᴋovlugo tapsomane, tagva ᴋuviasuklutit atannek aiparellugo nerrimarviliarniarpotit. Hamanib tamanna nâmagiva, âkᴋiksortauᴋolugolo nappârtok.

Ester 5:14 Iomraidhean Croise

II Samuel 16:21

Ahitofelelo oᴋarpok Absalomemut: Atâtavit pannervgangit, ᴋemalauktangit paiᴋovlugit iglomik, uviniᴋattigikit; tagva Israelitit illunamasiangit tussarniarput atatait tippeluktilaurangne, illunatiglo aggangit illingnêtut nangiartuinersaulerniarput.

I Atannit 21:25

Pittaᴋalaungilak Ahabetut ingminik niorvgotigijomik idluitullilune Nâlekab sângane; nulliangata Isebelib uiveringmago taimailiorᴋovlugo.

I Atannit 21:7

Tagva nullianga Isebele oᴋarpok tapsomunga: Taimailiorlutit atanniotivit Israelitinut? Makkitit, ᴋakᴋojaktorlutillo, maksoaniarlutillo. Uvanga Nabotib Jesreelemiub perorsêviᴋotinga Weineliksalik nangminerijautitsomavara illingnut.

Ester 6:4

Atannerlo oᴋarpok: Kina avaluliorsimajub illuaneᴋâ? (Haman avaluliorsimajub illuanut, atanniub iglungata sânganêtub ittersimalaurame, atannek oᴋautitsomavlugo, Mardachai ᴋimiktauᴋolugo nappârtome, tapsoma akiksorlauktangane taimna pivlugo.)

Imgerut 37:14

Gudeᴋangitut saviksoak amuarpât, pittiksitiglo ᴋellumivât, pattangajok aklujorlo ochotitsomavlugit, toᴋᴋotsomavlugillo arvertartut apᴋosinerne ajungitunne.

Imgerut 37:32

Gûdeᴋangitub idluartok uttakkivâ toᴋᴋoniarasugivâlo.

Imgerut 9:15

Nallojut kivisimavut ittersame sannalauktamingne; ittiggangit pijauvut nullutjannut ningitilauktamingnut.

Salomob Okâl 1:18

Taimâktauk akkonermingne aungmingnik uttaᴋiutivut, pijugautiluglo.

Salomob Okâl 4:16

Sininginamik, idluitullilauᴋâratik, merngoêrsinginamiglo ᴋanoêtoᴋartitsilauᴋârlutik.

Rômiunut 1:32

Taipkoa Gûdib idluarninganik ᴋaujimagalloarlutik (taimailiortut toᴋotaksaungmatta,) nangmineᴋ taimailiortuinangilat assitigle taimailiortut ᴋuviagivait aglât.

Rômiunut 3:15

Itigangit sukalidlarput aungmik kovisijomavlutik.

Takotitaunermik 11:10

Nunamelo nunaᴋartut ᴋuviasûtigijomârpakit serrilutiglo, tunergutiniglo tujortigêgomârput kigligiutsijûk tâpkoa maggûk kappiasuktilaungmatikik nuname nunaᴋartut.