Ester 4:16 - Labrador Inuttitut Heritage Bible

¹⁶ Ailerit Jûdillo Susanemêtut ilûnaita katterᴋokit nerritailijutigissingalo, nerriᴋonase immerᴋonaselo uvlune pingasune, uvlotillugolonêt unnuarmelonêt; uvanga uigasukotikkalo, nerritailijomavoguttauk taimâk. Taimâglo atannermut itteromavunga, perᴋojak akkerartorlugo; tokᴋotauniaruma, tagva tokᴋotauvunga.

Ester 4:16 Iomraidhean Croise

Genesis 18:19

Kaujimavara pitjutigilâllo, perᴋojerᴋovlugo ᴋitorngaminik inuᴋotiminiglo kinguvâksaminik, Nâlekab apᴋutiksaurᴋojanginik malerᴋovlugit, idluartulivlutik ajungitulivlutiglo, Nâlegaᴋ nâmaksititserᴋovlugo Abrahamut oᴋautigijaminik.

Genesis 43:14

Gûdible ajugaᴋangitub nâpkigijautilise angutib taipsoma sângane, ᴋatangutise Benjaminelo illaurᴋojauniartilugik illipsingnut! Uvangale ᴋitorngairutiguma, ᴋitorngairutivunga.

II Samuel 10:12

Mannigorit, pitsartulertalo innuᴋotivut Gudiptalo iglugasaksoangit pitjutigallugit; Nalegarle pinniarle namagijaminik.

II Atannit 7:4

Iglugasaksoarnut itterungnarasuginajaralloarupta, tagva kâviksoaᴋarpok iglugasaksoarne, tokojariakarajaralloarpogullo tagvane: ovanêtuarupta toᴋojariakarivogut. Taimak manna ᴋaileritse, Siriamiullo tangmarvinganut akpangerta. Innokopattigut, tagva innôvogut, toᴋopattigullo, tagva toᴋunganiarpogut.

II Kronika 20:3

Tagva Josafate sivuravok, kênanelo torartipa Nalegak ᴋenneromavlugo, nerritailineᴋarᴋojivorlo Judakune illunaine.

Esra 8:21

Tagvanelo kôngme Ahevametome nerritailinek akpautigijauᴋovara, nikkanarsarluta Gudipta sângane piᴋovluta, ᴋennerluta tapsomangat apᴋomik tammarnangitomik uvaptingnut ᴋittorngaptingnullo, perᴋutiptingnullo tamainut.

Ester 4:15

Esteriblo Mardachai kiojauᴋovâ:

Ester 4:17

Mardachailo aularpok, pinniarlunelo tamainik Esterib Pinniarᴋolauktanginik tapsomunga.

Ester 4:3

Nunanelo tamaine atanniub oᴋausingita perᴋojangitalo tikkivingine ârusutiksaᴋadlalerpok nerritailineᴋalarmelo, kiksadlarneᴋalunelo Jûdit akkorngane; unuktullo nellâvut pôksaijame arksamelo.

Ester 5:1

Uvlullo pingajuane Estere attitipok atannersiutinik, nangeriartorlunelo avaluliorsimajub atanniub iglunganêtub illuanut, atanniub iglungata akkianut. Atannerlo iksivavok iksivautaksoarmine atannersiume atanniub iglungane, iglûb upkoangata akkiane.

Ester 9:31

Uvlûk Purimemik atelîk nâkkiterlugik piᴋovlugit nelliutome nellonairtaumajome, sôrlo Mardachaib Jûdeôjub Esteriblo atanniub nellonairsivigilaungmattigik tamattominga, sôrlolo nangminek pivlutik, kinguvaᴋotitiglo pivlugit sokᴋosijuititsilaungmatta, nerritailinerub ᴋêanerublo pijoᴋarningangnik.

Jesaiase 22:12

Nalliutomelo taipsomane Nâlegaᴋ, ᴋilangmiugasaksuit Nâlegangat ᴋearᴋojijomârpoᴋ ogguarᴋojivlunelo, sallimajoᴋarᴋojijomârpoᴋ pôksajaniglo annorâᴋartoᴋarᴋojivlune.

Jeremia 36:9

Pijokarporlo Jojakimib, Josiab erningata, Judab ataningata jâringita tallimangane, taᴋᴋingita 9ingane, Jerusalemiut ilûnatik, inuillo ilûnatik Judab iglugasaksoanginit Jerusalemut tikisimajut nerritailiviksaᴋarᴋojingmatta Nâlakab sângane.

Daniel 2:18

Kilaub Gudinga ᴋinuvigivlugo nâpkigijaujomavlutik nalonadlartoᴋ tamanna pivlugo; Danieli ilangillo toᴋotauᴋonagit Babilonib ilisimajungit ilagivlugit.

Mattêuse 12:40

Sorlo Jônase uvlune pingasune unnuanalo pingasune arviub nânganêlaungmat; taimâktauk Inûb Erninga uvlune pingasune unnuanalo pingasune nunab iluanêtsomârpok.

Lukase 9:24

Inôserminik ivlersijomajub, assiojijomârpâ, inôserminigle assiojijub pivlunga, piulijomârpâ.

Johannese 19:22

Pilâtusib kiovait: Aglalauktakka aglagêrpakka.

Apostelit Piniarningit 10:7

Engelelo Kornêliusemut oᴋartok aularmat, kivgaminit magguk, sorsuktuksallo najortigivaktame ilangat, Gûdemik nâlektok, ᴋaiᴋovait,

Apostelit Piniarningit 20:24

Tamakkoale tamaita sivôragingilakka, inôseralo nangminek ivleringilara, ᴋuviasuklunga nunamênera nâniaromavlugo, kivgartorneralo Nâlekamut Jêsusemut perᴋojaumanera, oᴋautigivlugo Gûdib saimarsautâ oᴋautsinut tusarnertunut.

Apostelit Piniarningit 21:13

Paulusele kiovok: Kanok iliorᴋisê, ᴋugviudlarapse, ômatiga sêklugô? pijarêrsimagama ᴋelaksortauniarlunga kissianeungitok, toᴋotaulungale Jerusaleme Nâlekab Jêsusib atinga pivlugo.

Apostelit Piniarningit 27:33

Kaulermallo Paulusib nerreᴋolerpait tamaita, oᴋarlunelo: Uvlome uvlut 14 olerput, nerriungnermut nerrimaringinapse nerrimâlaunginapselo.

Apostelit Piniarningit 9:9

Uvlunelo pingasune tautugane narrinanelo imingilak.

Rômiunut 16:4

Tâpkua niaᴋoêrtautitsomalauᴋpuk inôsera piulijomavlugo, tâpkoa ᴋujagivâkka pitônangale, okpertulletauᴋ ilûnatik nalojunit pijut.

Filippimiunut 2:30

Kristusib piniarᴋojangit pivlugit toᴋo ᴋanidlalaungmago, inôtsine ivlerinikidlaramiuk, kivgartoromavlunga innangerdluse.

Josua 24:15

ᴋuviagijaungipalle illipsingnut, Nalegak kivgartorlugo, tagva uvlome annerosugitse kinamik kivgartoromangmangapse, Gudemik tapsominga, atâtagilauktapse kivgartorlauktanganik kôksuit akkiane, Amoriterillônet nunagijapse innungita Gudingoanginik. Uvangale iglomioᴋattimalo Nalegak kivgartoromavavut.

I Samuel 19:5

Innôtsinelo ivlerilaungila, Filisterelo ullimarlaukpa, Nalekablo piulijaunermik angijoksoarmik Israelitit illunaita pinniarvigilaukpait. Tamanna takkolaukpat, kuviasutigidlalaukpallo. Sôgle auk passijaksaungitok idluitullivigijomaviuk, Davide pitjuteᴋarnak toᴋᴋotsomagangne?