Ester 2:9 - Labrador Inuttitut Heritage Bible

⁹ Tapsomalo uigâsuk tamna ânanaugiva, Esterelo napkiningneksivok sângane. Tuavilaukporlo pinnarnarsilugo, tunnitsivigilugolo nerᴋiksanginik, uigârsungniglo 7 nik ânanânik, atanniub iglunganit pijunik. Pitipâlo uigasukotingit illagilugit innemut nâmanerpâmut, arnat iglunganêtomut.

Ester 2:9 Iomraidhean Croise

Genesis 39:21

Nalekable aiparivâ pitsiarvigivlugo saimaneᴋsitilugolo parngnanairsimaviub angajoᴋângata sângane.

Genesis 39:4

Josefelo saimaneᴋsivoᴋ sângane kivgartorlugolo; pimaklertungortipâlo igluminik, perᴋutinelo tamaita pitipait agganginut.

I Atannit 8:50

Inuᴋotitillo isumagijungnaivigikit idluitullininginik illingnut, tappaninginiglo tamainik, tappajutigilauktanginik illingnik; napkiningneksilaulillo sâlagijimingne, napkiningniᴋovlugit tapᴋoninga.

Esra 7:6

Illisimatsiangolauktok aglangnik, Mosesib perᴋojanginik Nalekab Israelib Gudingata tunnilauktanginik. Attanniublo tunnitsivigiva tamainik pijomajanganik, Nalekab Gudingata aggangita ᴋollangiarninginut tapsominga.

Nehemia 2:8

Aglaniglo Assafemut atanniub pimaklertoᴋotinganut Kêjuᴋotinginik, tunnijiᴋovlugo uvamnut kêjungnik ikâksanut ilingajunik, igloksub Tempelib ᴋanitanganêtûb itterviksoanginut, iglugasaksuillo avaluksoanginut, iglomullo uvanga iglogijomajamnut. Atanniublo tunnitsivigivânga Gûdima aggangit ajungitut kollimnêtut malliklugit.

Ester 2:12

Uigâsuille nelliata nelliuninga nellonairsimajok ittertuksauvia atannermut Ahasverosemut nelliutilaukpat, arnat pinarnarsijauninganêlauᴋârdlune takᴋit 12 it nâlugit (pinarnarsijauningat taimâk akkunêrtigijôjariaᴋalaungmat, takᴋit pingasujortut nâlugit Mirrit orksunginut, takᴋillo pingasujortut nâlugit mingoarutiksanut tippitsiariktunut, assinginullo, arnat pinarnarsijaujutiksanginut illingajunut);

Ester 2:3

Atannerlo ᴋemmergojoᴋartitsilerle atanniovime nunangine ilûnaine, uigârsungnik inûsuktunik pinniarnartuniglo sunatuinarnik kattitsilutik âtsiᴋovlugit atanniub igloksoanganut Susanemêtomut, arnat iglunganut, Hegaib, atanniub pimaklertoᴋotingata, arnanik aulatsijub agganginut, pinarnarninginik tunnijiᴋovlugo tapkonunga;

Ester 5:2

Atanniublo Estere atannek takkungmago nangertillugo avalut illuane, saimaneksilerpok tapsoma ijikita sângangne. Atanniublo ajaupiane opigijautiksak Goldeôjok tigumiartane issautiva Esteremut. Tagva Estere ablorpok tagvunga, aktorlâlo opigijautiksab nuvua.

Imgerut 106:46

Nâpkigijautilaukpaillo illûnainut parngnanairsortinginnut.

Salomob Okâl 16:7

Nalliata apᴋotingit Nâlekamut ᴋuviagijaukpatta, tagva omigijingittauk nâmaksartipait tapsominga.

Daniel 1:9

Gudiblo Danieli saimaniᴋsitipâ naglingniᴋsitilugolo aipaitôᴋojaujut angajoᴋângata takoani.

Apostelit Piniarningit 7:10

Piulivlugolo kappiasungninginit tamainit, saimartilâllo silatutipâ Faraub Egiptenemiut ataningata sângane; tâpsoma angajoᴋângortipâ Egiptenemiunut, iglominêtunullo ilûnainut.