Ester 2:5 - Labrador Inuttitut Heritage Bible

⁵ Anguteᴋalaukporle Jûdeôjomik iglugaseksoarne Susaneme atanniub igloᴋarvigijangine, Mardachaimik atelingmik, Jairib erninganik, Sîmeonib erningata, Kisib erningata, Benjaminekut illanganik,

Ester 2:5 Iomraidhean Croise

II Samuel 16:5

Attannerle Davide tikkimat Bahurim tikkilugo, ahâk tagva angut tagvangat annilerpok, Saulib iglungata kinguvânganit pijok, Simeimik attelik, Gerab erninga, tamna annilerpok oᴋarnerluklunelo.

II Atannit 24:12

Jojachinele Judakut atanningat annivok Babelemiut atanninganut, anânane, kivgakotinelo, angajoᴋakotinelo, aulatsijoᴋotinelo ilagillugit. Babelemiullo atanningata tiguva atannionime Jâringita 8 ingane;

II Atannit 24:15

Aularutivâlo Jojachin Babelemut, atanniublo anânanga, atanniublo nulliangit, angajoᴋakotingillo; tapᴋoalo ilaliudlugit sôngojut nuname parngnanaigutsauvlutik aularutikassiutivait Jerusalemit Babelemut.

Ester 1:2

Iksivavlune atannionime iksivautaksoangane, igloksoarme sôngojome iglugaseksoarnetome Susanemik atelingne,

Ester 10:3

Mardachai Jûdiôjok tugliolaungmat atannermut Ahasverosemut, angijôlunelo Jûdit akkorngane, ᴋuviagijaulunelo ᴋatangutime unnurninginut, ᴋennerlauktok inûᴋotime idluarkutiksanganik, oᴋalauktorlo nâmanerpângôjomik kinguvakotine ilûnaita pivlugit.

Ester 2:3

Atannerlo ᴋemmergojoᴋartitsilerle atanniovime nunangine ilûnaine, uigârsungnik inûsuktunik pinniarnartuniglo sunatuinarnik kattitsilutik âtsiᴋovlugit atanniub igloksoanganut Susanemêtomut, arnat iglunganut, Hegaib, atanniub pimaklertoᴋotingata, arnanik aulatsijub agganginut, pinarnarninginik tunnijiᴋovlugo tapkonunga;

Ester 2:4

Uigasuillo nelliat atannermut ânanaugijaujok, tamna annerijaule Vasthi innangêrlugo aipauᴋovlugo atannermut. Atanniublo tamanna nâmagivâ, taimailiorlunelo.

Ester 5:1

Uvlullo pingajuane Estere attitipok atannersiutinik, nangeriartorlunelo avaluliorsimajub atanniub iglunganêtub illuanut, atanniub iglungata akkianut. Atannerlo iksivavok iksivautaksoarmine atannersiume atanniub iglungane, iglûb upkoangata akkiane.

I Samuel 9:1

Anguteᴋalaukporle Benjaminib kinguvânginit Kisemik attelingmik, Abielsib erningata, Zerorsib erningata, Bechoratsib erningata, Apiab erningata, Jeminib erningata erninganik, tamna angutaulaukpok erᴋinaitok.