Ester 2:23 - Labrador Inuttitut Heritage Bible

²³ Tamannalo nautsertortaulermat nachvârtaulaukpok Taimâk. Tammarmiglo ᴋimiktaulaukpûk napârtome, tamannalo aglaktaulaukpok atanniub pijoᴋarningita aglanginut.

Ester 2:23 Iomraidhean Croise

Genesis 40:19

Uvlut pingasut nâkpatta, Faraub niaᴋuit makitilârpâ illingnit pêrlugo, nivingatilutit ᴋejungmut; tingmitjallo uvinît nerrilârpât illingnit.

Genesis 40:22

Kaᴋᴋôjaliortille angajoᴋângat nivingartaurᴋovâ ᴋejungmut, sorlo Josefib nallonaijaivigingmagik.

Esra 4:15

Atâtagijavit pijoᴋalaungningita aglangine ᴋennertoᴋarᴋovlugo, tagva nachvarniarpotit pijoᴋalauktut aglangine tapkonane, tukkisiniarlutillo, iglugasaksuit tapkoa pikkablâjoksôngmatta, idluitoksôngmattalo attannernut, nunanullo, assitiglotauk nalagungnaisarpait itsaksoarmit; tamanna pivlugo iglugasaksuit tapkoa asserortaumalaurivut.

Ester 10:2

Sôngoningatale, pitsartuningatalo pinniarningit Ilûnaita, Mardachaiblo ânanaudlarninga, atanniub tunnilauktanga tapsomunga; ahâk tamakkoa aglaksimavut Medenemiut Persiamiullo atanningita aglaᴋotingine.

Ester 5:14

Tagva nulliangata Seresib oᴋautiva illanârijangatalo Ilûnatik: Nappârtomik sennajokarle tallitut 50 gitut pôktotigijomik, atannerlo ᴋaupat oᴋautsaulerle, Mardachai ᴋimiktauᴋovlugo tapsomane, tagva ᴋuviasuklutit atannek aiparellugo nerrimarviliarniarpotit. Hamanib tamanna nâmagiva, âkᴋiksortauᴋolugolo nappârtok.

Ester 6:1

Unnuarme taipsomane atannek sinnigungnarlaungilak, ᴋaitauᴋovaillo aglait, unipkautsit pijoᴋalauktunik, attuartaulaukpullo atanniub sângane;

Ester 7:10

Taimâk Haman ᴋimiktaulaukpok nappârtome sennalauktamine Mardachai pivlugo. Tagva atanniub ningarninga sorailaukpok.

Mâlaki 3:16

Tagva Nâlekamik sivôrajut oᴋaᴋatigêlerput: Nâlegarlo nâlakpoᴋ tusarlunelo, aglaillo erᴋaumajutiksat aglaktauvut tâpsoma sângane, Nâlekamik sivôrajut pivlugit, attinganiglo erᴋaijut pivlugit.

Josua 8:29

Aiemiullo attanningat nivingatauᴋova nappartomut unnuk tikkilugo. Seᴋᴋinerle nippijarêrmat, perᴋojivok timinga anernangêrtok akᴋartitauᴋovlugo nappartomik, egipâllo iglugasaksuit itterviksoanganut, ujarᴋallo unuktut perorliutivait ᴋânganut, uvlok tamanna tikkilugo tagvanetut.