Efêsusemiunut 6:6 - Labrador Inuttitut Heritage Bible

⁶ Kivgartorneᴋ inuit takoane, inungnut idluarijaujomavluse, pinago; Kristusible kivgangititut pititse, ômamut Gûdib pijomajanga nâleklugo, ᴋunutuidluse.

Efêsusemiunut 6:6 Iomraidhean Croise

Jeremia 24:7

Tunidjivigijomavakkalo ômatinik ilitarᴋsiᴋovlugit uvamnik, uvanga Nâlagaugama; inuᴋotigijomavakkalo tâpkoalo Gudiginiarpânga; ômamut tamânut sâgiaromârmatta uvamnut.

Jeremia 3:10

Sullele tamakkoa pigaloartilugit, najanga tunganaitoᴋ Juda utersimangilaᴋ uvamnut ômamut tamânut, takkormôrdlunele, oᴋarpoᴋ Nâlagaᴋ.

Mattêuse 12:50

Atâtama ᴋilangmêtub pijomajanganik maliktok, tâmna nukarivara, najagivaralo, anânagivaralo.

Mattêuse 7:21

Ilûnatiungitok uvamnut oᴋartut: Nâlegak, Nâlegak! Nâlegauvingmut ᴋilangmêtomut iterniarput, Atâtamale ᴋilangmêtub perᴋojanginik nâlektut kissimik.

Markuse 3:35

Gûdible perᴋojanganik maliktoᴋ nukarivara, najagivaralo, anânagivaralo.

Rômiunut 6:17

Gûde ᴋujagijaule, ajornerub kivgarilaungmâse; mânale oᴋautsit ajoᴋertûtsinik maligaksapsingnik ômamut nâlekapsigik;

I Korintemiunut 7:22

Kivgautilugo ᴋaiᴋojaumajok Nâlekame, tâmna Nâlekab kivgaujungnaitipâ; taimâktauk kivgautinago ᴋaiᴋojaumajok Kristûsib kivgarivâ.

Galâtsiamiunut 1:10

Tagva inuillônêt Gûdiblônêt ᴋuviagijanganut mâna oᴋâlavîk? Inungnullônêt ᴋuviagijaujomavlungâ? Inungnut sulle ᴋuviagijaujomaguma, Kristusib kivgarinajatsangilânga.

Efêsusemiunut 5:17

Tamanna pivlugo silairgotoniarase, tukkisilerlusele Nâlekab pijomajanganik.

Filippimiunut 2:12

Taimaimat nagliktakka, sorlo nâletsainalaurapse, najorapse kissianeungitoᴋ, mânaletauᴋ anginersamik aglat apsimatilunga, piulijauniksase piniarsiuk kuksasukluse sajukluselo.

Kolossamiunut 1:9

Tamanna pivlugo uvaguttauk uvlormit taimangat tussaumalaurapta tamattominga, soraijunata tuksiarpogut pivluse, ᴋenuvlutalo, ilumertaukovluse ilitarsinermik pijomajanganik, ilisimavalliavluselo silatuvalliaᴋovluse taimainik anernilingnik.

Kolossamiunut 4:12

Salutipâse Epafrasib, ilapse ilangata, Kristûsib kivgangata; tâmna ilungertordlune tuksiatsainarpoᴋ pivluse, nâmakserᴋovluse aulajungnangerdluse ilumertauᴋovluselo Gûdib pijomajanginik tamainik.

I Tessalônikamiunut 2:4

Sôrlole Gûdemut nautsertortauᴋârluta sungertûtigijauvlutalo oᴋautsinik tussarnertunik oᴋâlaᴋojaugapta, taimâk oᴋâlavogut; inungnut idluarijaujomanata, Gûdemulle ômatiptingnik kiglisiniartomut.

I Tessalônikamiunut 4:3

Tamadja Gûdib pijomajanga: ivjornaituksaunise, assiniarneᴋ ulloreagivlugo.

Ebrêerinut 10:36

Kenuersârnermigle pijariaᴋarpose, Gûdib pijomajanganik atutsiarᴋovluse, angerutigijaumajomiglo illangiutititaulerᴋovluse.

Ebrêerinut 13:21

Tâpsoma idluarsarlise, ilûnâne ajungitulijungnarᴋovluse perᴋojangit piniarlugit, senalunelo ilupsingne ᴋuviagijaminik, Jêsuse Kristusikut; tâmna nâlengnarsile issoᴋangitomit issoᴋangitomut. Amen.

I Pêtrusib 2:15

Tamadja Gûdib pijomajanga, ilipse ajungitulinermut oᴋausiksairotitserᴋovluse inuit silaitut nelojoᴋsôninginik.

I Pêtrusib 4:2

Kingorngane inôniarnermine sulle uviningme, inuit ikliguninginu-ungitoᴋ, Gûdible pijomajanganut inôniarlune.

I Johannesib 2:17

Silaᴋsoarlo nungujomârpoᴋ allianarningillo: Gûdible pijomajanganik piniartoᴋ, issoᴋangitomut-itsomârpoᴋ.