Biblia Todo Logo
Bìoball air-loidhne

- Sanasan -




Efêsusemiunut 6:19 - Labrador Inuttitut Heritage Bible

19 Uvangatauᴋ pivlunga, tunitsivioᴋovlunga oᴋâlanermik sivôrananga ᴋanera angmarlugo, oᴋautsit tussarnertut nelonarningat oᴋautigivlugo;

Faic an caibideil Dèan lethbhreac




Efêsusemiunut 6:19
34 Iomraidhean Croise  

Paulusele Barnabaselo sivôranatik oᴋâlavuk: Gûdib oᴋausingit oᴋautigerᴋârdlugit ilipsingnut pijariaᴋalaukpok; mânale ajaktorapsigik nangminipsingniglo pijuksaungitinapse inôtsemik nâksaungitomik, nalojunut tagva sâlerpogut.


Tagvanêlerpuk akunit, sivôranatiglo oᴋâlavuk Nâlekamik; tâpsoma oᴋautsit saimanerminik okpernartipait, nalunaikutaniglo tatamnartuniglo pivok tâpkoa aggangitigut.


Tâmna sivôranane oᴋâlalerpok katimavingme. Akvilable Prisillablo tusaramikko, ingmingnut pitipâk ajoᴋertorluarlugolo Gûdib ajoᴋertûtanik.


katimavingmullo iterpok, oᴋâlavlunelo sivôranane takᴋinik pingasunik, kajungersarlugillo ajoᴋertorpait Gûdib nâlegauvinganik.


Ilûnatiglo ilumertaulerput Anernermik ajunginermik, oᴋâladlalerpullo oᴋautsinut tusarngartanut, sorlo Anernerub oᴋâlajungnartingmagit.


Gûdib nâlegauvinganik oᴋâlavlune, Nâlekamiglo Jêsusemik ajoᴋertuivok (inungnik) sivôranane inertertaunanelo.


Pêtrusiblo Johannesiblo sivôrajuinîgik takovakit, tataminiarpullo, ᴋaujimatsiaramik, tâpkoa aglangnik ilisimatsiangimanik, ilinnialaungimaniglo, nâmaktomiglo illitarivakittauk, Jêsuse ilagilaungmakko.


Mânalo Nâlegak, silungninginik takusarit, kivgatillo sivôranatik oᴋâlatikit oᴋausernik.


Tuksiarmattalo, iglo katimavigijangat aulavok, ilûnatiglo Anernermik ajunginermik ilumertauvut, Gûdiblo oᴋausinginik oᴋâlavut sivôranatik.


Barnabasible ingminut pitipâ, âlâllo Apostelinut, unipkautivlugillo, ᴋanok Paulusib Nâlegak takolaungmago, tâpsomalo oᴋautilaungmago, ᴋanorlo sivôranane oᴋâlalaungmat Jêsusib atinganik Damaskuseme.


Oᴋâlavlunelo apersoᴋatigivait Grîkit; tâpkoale toᴋonasualerpât.


Kaiblarpapsele, ᴋatangutikka, Nâlegavut Jêsuse Kristuse pivlugo, Anernerublo naglingninga pivlugo, ikajoᴋatigisinga ilungertorluse tuksiarudlunga Gûdemut;


Ilipsingnigle sôngotitsijungnartoᴋ, oᴋautsinut tussarnertunut oᴋautigijamnut Jêsuse Kristusemik, (tamakkutigûna nalonalauᴋtoᴋ nalonairpoᴋ, silaᴋsûb pigiarninganit oᴋautaulaungitoᴋ;


Tâpsomunga akluititaugapse tamainik, ajoᴋertûtsinik tamainik, illisimanerniglo tamainik.


Gûdible ilisimaninga ijersimajok nelonartorlo oᴋautigivavut; tamanna Gûdib silaksoaᴋarᴋârtinago perᴋolaukpâ ânanausijaujutiksaptingnut.


Inuit ilûnatik imâk issumaᴋarvigilitigut, Kristûsib kivgaringmatigut, pimaklertôgaptalo Gûdib pinginik nalonartunik.


Tuksiutjinipse pivluta ikajorninganuttauᴋ; tunergut saimanartoᴋ unuktut tuksiutjininginut ᴋaitaumajoᴋ uvaptingnut pitjutigilugo, ᴋujalidlartoᴋarᴋovlugo unuktunik pivluta.


Taimaitomik tatteᴋarapta, sivôrajuidlarluta oᴋâlavogut,


Korintemiut okoᴋse! ᴋanivut angmadlarput ilipsingnut, ômativut issiviput.


Sivôrajuimariklunga oᴋâlavigivapse, angijomik nertôtigivapse, manigortaunermik ilumertauvunga, angijoᴋsoarmik ᴋuviasuklunga, siorniorniptingne ilûnaine.


Sôrlole tamainik akluinapse, okpernermiglo, oᴋautsiniglo, illisimanermiglo, piniatsiarnermiglo, naglingnermiglo uvaptingnut; taimaktauᴋ kamatitse ajungitulinermik tamattominga akluilerᴋovluse.


Kaujitilaungmatigut pijomajame nalonarninganik, ᴋuviagijaminut, taimâk issumasimagame,


Tamaitalo illitarsitiniarlugit nalonalauᴋtub ilinganinganik, silaᴋsûb pigiarninganit ijersimajomik Gûdeme, tamaitaᴋsoarnik Jêsuse Kristusikut pingortitsijome;


Omatingit ᴋaiblartauᴋovlugit ᴋelaksortigêrᴋovlugillo naglingnikut, akluilerᴋovlugillo ilisimajutiksanik tamainik nakimarninangitunik, Gûdemik Atâtamiglo Kristûsemiglo nalonartok illitarilerdlugo.


Taimaktauk pivluta tuksiarmititse, Gûde upkuamik angmailerᴋovlugo oᴋautsinut, Kristûsib nalonarnersoanga oᴋautigijauᴋovlugo; tamanna pivlugo ᴋelaksugauvungatauk;


Imaimalle: sivorngagut kappiasuktitaujogut mitautigijaudlalaptalo Filippime, (sôrlo ᴋaujimagapse,) taimaigalloardluta Gûdivut tattigivlugo sivôralaungilagut oᴋautsit tussarnertut oᴋautigivlugit ilipsingnut, angijomik akkerartortaugalloardluta.


ᴋatangutikka, tuksiarutiniartigut.


Tagvale ᴋatangutivut, tuksiarutitigut, Nâlekab oᴋausingit ingergarniarᴋovlugit nertortauᴋovlugillo, sorlo ilipsingne;


Akkerartortaujungnangitomik angijôvoᴋ Gûdemut okpernerub nalonarninga: Gûde uvingme sakᴋijârsimavok, idluartitauvlune anernermigut, takotilune Engelinut, oᴋautigijauvlune nelojunut, okperijauvlune nuname, ᴋongmuartitauvlune ânanaunivingmut.


Tamanna illavlugo siniktarviksamnik pinialerit; nerriukama tuksiarnise pitjutigivlugit tunijauniartunga ilipsingnut.


Tuksiarutitigut. Uvagut manigornivut imaipoᴋ, passijaksaungitomik issumaᴋarapta, idluartomiglo inônasuarapta ilûnâne.


Lean sinn:

Sanasan


Sanasan