Efêsusemiunut 5:3 - Labrador Inuttitut Heritage Bible

³ Assiniarnermigle maᴋojungnartullo nalênik, pijomatudlarnermiglo oᴋautauniarase, ivjornaitut taimâk pijariaᴋarmatta.

Efêsusemiunut 5:3 Iomraidhean Croise

Imgerut 10:3

Gûdeᴋangitok uivênerminik nertuteᴋarmat ingminik, illipaujublo Nâlegak oᴋarnerlutigilugolo nachogivâ.

Imgerut 119:36

Omattiga ᴋajungertilauruk kigligiutsinernut, pijomatudlarnermuungitorlo.

Exodus 18:21

Taimagletauk inuit ilûnnatik akornganit ᴋenertuksauvotit angutinik ᴋaᴋiarnaitunik, Gûdemik sivôrajunik, angutinik nalâgôrtunik, pijomatudlarnermik omisuktunik; angajoᴋângortilugillo tâpkonunga, angajoᴋautilugit 1,000nut, angajoᴋautilugit 100nut, angajoᴋautilugit 50nut, angajoᴋautilugillo 10nut.

Exodus 20:17

Inôᴋativit iglunganik pijomajuksaungilatit, inôᴋativit nulianganik, kivganganiglo angumik, kivganganiglo arnamik, tuktuvaᴋotinganiglo, siuterᴋortojoᴋotinganiglo, sunatuinarniglônêt inôᴋativit perᴋutinginik pijomajuksaungilatit.

Exodus 23:13

Tamaitalo oᴋauserijakka ilipsingnut nâlaksigik: gûdillo asima atingit erᴋaumaniarasigik, ᴋanernillônêt tusartauniaratik.

Salomob Okâl 28:16

Atannek silatuneᴋangikune, idluitomik Pinniarᴋattarpok; torᴋoinermigle omisuktok akkunêrtomik inôjomârpok.

Jeremia 22:17

Ijîkigle ômatillo ilingatuinarput pijomatudlarnermut, kovisinermullo aungmik pasijaksaungitomik, oᴋumaiksartitsinermullo, aksorotjinermullo, taimaitut suliarijomavlugit.

Jeremia 6:13

Ilûnamasiatik mikinerpâmit anginerpâk tikidlugo pijomatudlartôvut; nalautaijomillo ajoᴋertuijoᴋ tikidlugo nalâgôngitomik piniarput.

Jeremia 8:10

Taimaimat nuliangit tunijomavakka takorngartanut, perorsêvingillo sâlagijinginut; ilûnamasiatik, mikinerpâmit anginerpâk tikidlugo, pijomatudlartôngmatta; nalautaijomillo ajoᴋertuijoᴋ tikidlugo nalâgôngitomik piniarmatta.

Hesekiel 33:31

Ilingnôrpullô inugiartoᴋsuit iluserijangat maliklugo, ingipullo sângne sorlo inuᴋotikka, tusarpullo oᴋauserijarnik, piniarnagille; ᴋanermingnut saᴋᴋêgamik unganersoarmik, ômatingille pijomatudlarnermut torârput.

Leviticus 15:18

Arnarlo, angutib tutiktanga, ipaktaukpat tâpsoma kenakoanut, tamarmik ubvartuksauvuk imermut, ivsornarniarlutiglo unnuk tikidlugo.

Migga 2:2

Perorsêvingnik uningârput, arᴋtautigilugillo; igluniglo, aᴋsârnigarilugillo; oᴋumaiksartitsivullo inungmik iglungalo tigulugo, kinatuinaᴋ taimailivât kingormgutijangalo.

Numbers 25:1

Israelikulle nunaᴋalerput Sittimeme, inuillo Moabekut paningit assiniaᴋatigilerpait;

Mattêuse 15:19

Omamit erᴋarsautikulluit pingmatta, inuarnerlo, nuliarêngnermik asserorsainerlo, assiniarnerlo, tiglingnerlo, sagluterᴋarnerlo, mitauteᴋarnerlo.

Lukase 12:15

Oᴋautivaillo: Akluitsomanermik udjertoritse; inûb perᴋutivaksuit inôgutigingimagit.

Lukase 16:14

Tamakkoa tamaita Farisêerit pijomatudlartut tussaramigit, mitautigivât.

Apostelit Piniarningit 15:20

Aglagvigilugille Gûdeungitut salumainarninginik perᴋonagit, arnaniarᴋonagillo anguniarᴋonagillônêt; ipimajomiglo aungmiglo nerriᴋonagit.

Apostelit Piniarningit 20:33

Silberemik goldemiglônêt pigijapsingnik annorâpsingniglônêt ᴋenulaungilanga.

Rômiunut 1:29

Idluitunik tamainik tattadlutik, ikligudlarnermiglo, uivêdlarnermiglo, pijomatudlarnermiglo, ningarnermiglo, ômisungnermiglo tattadlutik inuarosungnermiglo, annâtôtisungunermiglo, terliaᴋatainermiglo, kigguitojoᴋsôlarmiglo;

Rômiunut 16:2

Ilipsingnut illaliortauᴋovlugo Nâlekame, sorlo ivjornaitut iluseᴋartuksaungmatta, ikajorsiuglo suliaksangine tamaine, ikajortaujariaᴋarninga ilipsingnut issumagilugo. Tâmnatauᴋ unuktunik ikajulaungmat, uvamniktauᴋ.

Rômiunut 6:13

Avatisetauᴋ pitiniarasigik ajortomut, sakkugitaililugit idluitomut; Gûdemulle ilipsingnik tunititse, toᴋungajunit ômartutitut; avatiselo Gûdemut tunisigik sakkuᴋovlugit idluartomut.

I Korintemiunut 10:8

Assiniaratatauk, sorlo taipkoa ilangit assinialaungmatta, 23,000 illo toᴋolaukput uvlorme atautseme.

I Korintemiunut 5:1

Ilûnâne tussaumajaudlarpose, ajortulijoᴋarpogôk akunapsingne, ajortulinermiglo taimaitomik aglât nalojullônêt ᴋaujimangitanganik, ilangata atâtame nulianga nuliaringmago.

I Korintemiunut 6:13

Nerᴋiksat ilingavut natjangnut, natjaglo ilingavuk nerᴋiksanut. Gûdible tâpkoa tamaita atorungnairᴋojomârpait. Timele ajortulinermut ilingajuksaungilak, Nâlekamulle, Nâlegarlo timemut.

I Korintemiunut 6:18

Assiniarnek uloreagisiuk. Inûb idluituliningit ilûnatik timingata avatâne pivut, assiniartorle ajortulivok timiminik asseruidlarlune.

II Korintemiunut 12:21

(Sivôravungalo) piuluatangititauniarama pivluse, tikingmiguma, kiksartuksauniarlungalo unuktut idluitulilauᴋtut pivlugit, ᴋaᴋialilaungitullo maᴋojungnartulinerilauᴋtatik, assiniarnerilauᴋtatiglo illoᴋeudlarnerilautatiglo pivlugit.

Efêsusemiunut 5:12

Sagvangitome piniartangit taivlugit aglât kangunadlarpoᴋ.

Efêsusemiunut 5:5

Kaujimagapsiuk tamanna, assiniartoᴋ, maᴋojungnartulijorlênêt, pijomatudlartortorlônêt (Gûdeungitunut kivgartortorteogame) Kristusiblo Gûdiblo nâlegauvinganik kingormgujijuksaungimatta.

Filippimiunut 1:27

Arvertaritsele Kristusib oᴋausingit tussarnertut malitsiarlugit; tikigumalônêt takoluse, apsimalungalônêt tussarᴋovlunga, sôngolernipsingnik atautseme anernerme, atautsemik tarneᴋarluse sorsugiaᴋatigilutalo okperneᴋ oᴋautsinut tussarnertutnut pivlugo.

Kolossamiunut 3:5

Tamanna pivlugo avatise nunamêtut toᴋoniarsigik, imaitut: assiniarnek, maᴋojungnartulinek, kangunartomik êgiangusâdlarnek, ikligunek, pijomatudlarnerlo, Gûdiungitunik kivgartorniojok tamanna.

I Tessalônikamiunut 4:3

Tamadja Gûdib pijomajanga: ivjornaituksaunise, assiniarneᴋ ulloreagivlugo.

I Tessalônikamiunut 4:7

Ivsornartomut Gûdib ᴋaiᴋolaungimatigut issornaitomulle.

I Timôteusemut 2:10

Arnalle, Gûdemik nâlektut, pijariaᴋarningititut, ajungitulinermut.

I Timôteusemut 3:3

Vainetuluadlarane, ileranartaililune, nachonartomik perᴋutiniarasuartaililune, inôtsiarlunele, ningarosuktaililune, pijomatudlarane;

I Timôteusemut 6:10

Pijomatudlarnek amângongmat ajortunut tamainut. Tamanna ilangita ikligilauramitsuk, okpernek tamaigivât, kappianartoksoarniglo ingmingnut pititsivut.

II Timôteusemut 3:2

Inuᴋaromâlermat ingmingnik piojorijoᴋsoarnik, pijomatudlartunik, nertortaujomajunik, pimariutertunik mitauteᴋadlartunik, angajoᴋâmingnik nâlengitunik, ivjornartunik,

Titusemut 1:11

Taipkoa ᴋaningit simiklugit pijariaᴋarpok; iglomioᴋatigênik ilûnainik mumiktitsingmatta, idluangitunik ajoᴋertûserijaksaungitunik pivut, kangunartunik perᴋutiniaromavlutik.

Titusemut 1:7

Ajoᴋertuinerôjok passijaksausuertuksaungmat, Gûdib iglunganik pairsijotut; ingminênâᴋijomanane, ningarosuksâranelo, vainetuluadlarane, ileranaromanane, nachonartomik perᴋutiniarasuarane;

Titusemut 2:3

Taimaktauk ningiut ivsornaitutitut inôniarᴋovlugit, terliaᴋataisuerlutik, vainetuluadlaratik, ajungitomik ajoᴋertuivlutik.

Ebrêerinut 12:16

Assiniartoᴋarᴋonagolo, Gûdemut issumaᴋangitoᴋarᴋonagolônêt Esauetut-itomik; tâpsoma nerᴋiksaᴋ atausênaᴋ pivlugo erniangoᴋârnine niorvgutigigamiuk.

Josua 7:21

Aksarnigaujat akkorngane takkolaukpunga ullingmik pivianartomik Babelemiomik, Silberemiglo Sekelenik 200 dinnik, oᴋangoamiglo Goldemik Sekeletut 50 gitut oᴋumaitigijomik, tapkoninga ikligulaukpunga tigusilungalo. Ahaglo saumavlutik ijersimavut nuname tuppimne, Silberelo akkornganepok.

I Pêtrusib 5:2

Kristusib inuᴋotingit perᴋojaumajut ilipsingnut pairiniarsigik udsertorlugillo; ᴋununermut pinase ᴋunutuidlusele; kangunartomik perᴋutiniaromanermut pinase, ômamulle ilungertortomut,

II Pêtrusib 2:10

Sugaluluartomik uvinik maliklugo inôjut, ivsornartunik ikliguktut, nâlekaniglo nachojut, inungmik silasiujuitut, ingmingnik piojoridlartut, sajugatiglo atanionerit mitautigilugit;

II Pêtrusib 2:14

Ijeᴋarput angijomik illoᴋeudlartunik, ajortulinermik soraijunatik, kajumiksarpait ᴋuksalaitut tarningit, ômateᴋarlutik pijomatudlarnermik ilumersimajunik, inuit ôminadlartut.

II Pêtrusib 2:3

Pijomatudlarnermullo ilipsingnit perᴋutiniarasuaromârput, oᴋautsinut mikseliungitunut piniarlutik. Taipkoa pidlartautiksangit oᴋautauᴋammerungnairtut noᴋᴋarniangilat, erᴋartortautiksangillo sininginivut.

Takotitaunermik 2:14

Mikijomigle erᴋartuijutiksaᴋarpunga ilingnut, tagvane inuᴋoteᴋaravit Balaamib ajoᴋertûtânik nâlektunik; tâpsoma Balake ajoᴋertormago, Israêlib ᴋitornganginut aporviksarsiorᴋovlugo, nerrerᴋovlugit Gûdeungitunut tunergutinik, assiniarᴋovlugillo.

Takotitaunermik 2:21

Piviksaᴋartilaukparalo ᴋaᴋialerᴋovlugo anguniarnerminik, ᴋaᴋialingilarle.

Takotitaunermik 21:8

Maggogusertulle, okpingitullo, maᴋojungnartullo, inuartullo, assiniartullo, angakôjullo, Gûdeungituniglo kivgartortut, saglojullo ilûnatik, tâpkoa pijaksaunerijomârtangit ᴋôrᴋumêput orᴋsorutelingmik ikomaᴋsoalingme; tamadja toᴋub aipanga.

Takotitaunermik 22:15

Silatânêpulle ᴋingmît tôrngijut, ajortulijullo, inuartullo, gûdingoaniglo kivgartortut, ilûnatiglo saglunermik ivlersijut, saglovlutiglo pijut.

Takotitaunermik 9:21

Kaᴋialingilallotauk inuarnermingnit, Angaᴋonermingnillo, assiniarnermingnillo, tiglingnermingnillo.

I Samuel 8:3

Ernigigle agvertarlaungilâk tapsoma apᴋotigijangane, sangulerpugle pijomatudlarnermut, tigusilutiglo pilliusianik, idluarsainerlo attornerlukpâk.