Efêsusemiunut 5:29 - Labrador Inuttitut Heritage Bible

²⁹ Uvingminik nangminerminik ômisuktoᴋalauᴋsimatsangimat, nerritilugolo pairivâ, sorlotauᴋ Nâlekab illagêt pairingmagit.

Efêsusemiunut 5:29 Iomraidhean Croise

Genesis 2:23

Tagva inuk oᴋarpoᴋ: Atso illâ, sauneᴋ saunima illanga, uviniglo uviningma illanga. Angutib aipanganik taijaksauvoᴋ una, angumit tigujaugame.

Salomob Okâl 11:17

Angut naglingniktok timiminut ajungitullivok; takopsoajuitorle kiksartitsivok uviniminik.

Okaluktok 4:5

Sillaitub aggait pattaktorpait nerrilugolo uvinine (anerutjinermut).

Jesaiase 40:11

Mianersijotut kattimajoᴋotine mianerivait. Saugârait kattitipait tallerminut sârdliarlugillo, saukkallo amâmaktitsijut tassiutsiarpait.

Hesekiel 34:27

Napârtorlo naternamêtoᴋ paungatâlârpoᴋ, nunalo saᴋᴋêlârpoᴋ perortuminik, inuillo nunatik nunagilârpait terliklutik; ᴋaujijuksaulârpullo uvangaugama Nâlegaᴋ, nangmautât navgorêrupko, piulilugillo kipalotitingita agganginit.

Mattêuse 23:37

Jerusalem, Jerusalem, nalautaijunik toᴋotsijotit, ilingnullo tilijanik ujarᴋanut milorniktotit! ᴋitorngatit katititsomaᴋattalauralloarpakka, sorlo arnaungub piarᴋane katitingmagit esarᴋominut; pijomalaungitosele.

Mattêuse 6:26

Tingmitjat ᴋilaub atânêtut nautsertorsigik: karngasuingilat, perorsianiglo katersingilat ᴋematulivingnut; taimaigallorartilugit, Atâtapse ᴋilangmêtub nerritipait. Taipkonangat anernarnersaungilasê?

Rômiunut 1:31

Silaitoᴋsôlarmiglo, okpernaitoᴋsôlarmiglo, naglingitoᴋsôlarmiglo saimajuitoᴋsôlarmiglo, takupsoajuitoᴋsôlarmiglo.

Efêsusemiunut 5:28

Taimaktauᴋ angutit nuliatik nagligijaksarivait, sorlo timitik nangminitik. Nuliaminik naglingniktoᴋ, nangminerminik naglikpoᴋ.

Efêsusemiunut 5:30

Tâpsoma timingata avatigingmatigut, uvininganit sauninganillo pijogut.

Efêsusemiunut 5:31

Taimaimat angutib atâtanelo anânanelo ᴋemangniarpak, nuliane ungagivlugo, tâpkoalo magguk uvinioniarpuk atautsemik.