Efêsusemiunut 5:20 - Labrador Inuttitut Heritage Bible

²⁰ Tamaitalo ᴋujalijutiginiarsigik sorairase Gûdemut Atâtamullo, Nâlegapta Jêsusib Kristusib attingane.

Efêsusemiunut 5:20 Iomraidhean Croise

Hiobe 1:21

Oᴋalarmelo: Ussingavlunga anânama timinganit pilaukpunga, ussingavlunga ingerarniarivunga tagvunga. Nâlekab tunnilaukpait, Nâlekab tiguvait; Nâlekab atinga nertortaule!

Imgerut 34:1

Nalegak nakorijomavara nalliutunne tamaine, nertortauninga ᴋanimnêtsainartuksauvok sorairane.

Jesaiase 63:7

Erᴋaumajomadlarpakka Nâlekab saimarsainingit Nâlekablo nertornautingit, idluarmattut Nâlekab piniarnerijangit pivlugit uvaptingnut, pitsiarnersoangalo, Israêlikkunut saᴋᴋijârtitanga nâpkigosumut saimanermullo angijoᴋsoamut.

Johannese 15:16

Anerilaungilapsinga, anerilauᴋpapsele, isumagivluselo, paungaᴋariartorᴋovluse, paungaᴋarniselo soᴋoserᴋonago; Atâta tuksiarvigigupsiuk atimne, tamattominga tunijerᴋovlugo ilipsingnut.

Apostelit Piniarningit 5:41

Kuviasuklutigle tagva kiglisiniartut kênanginit aularput, nikagijaunginamik mitautigijauvlutik Jêsusib atinga pivlugo.

Rômiunut 1:8

Sivorlermik Jêsuse Kristusikut Gûdimnut ᴋujalijutigivapse tamapse, okpernise oᴋautigijaungmat silaᴋsoarme ilûnâne.

I Korintemiunut 1:4

Gûdimnut ᴋujalijutigênarpapse, Gûdib saimarsautâ pivlugo, tunijaujok ilipsingnut Kristûse Jêsusikut;

I Korintemiunut 15:24

Tamattoma kingorngagut naggatiksak, nâlegauvik pititsomârpago Gûdemut Atâtamut nâlegaunerillo, ataniotinerillo pitsartunerillo tamaita atorungnairᴋojomârunigit.

Efêsusemiunut 5:4

Sumiglônêt oᴋauseluâlungmik, ᴋuksalainermiglo mitautiksanermiglo oᴋauseᴋarasetauᴋ; idluijutaungmatta, ᴋujalingârlusele pititse.

Filippimiunut 1:3

Gûde ᴋujagivara ilûnâne erᴋaumajarangapse,

Filippimiunut 4:6

Issumajârase sumiglônêt; ilûnainigle pijomajapsingnik Gûdemut nalonaijaileritse, tuksiarluselo ᴋenuvluselo ᴋujalivluselo.

Kolossamiunut 3:17

Tamaitalo piniarnise, oᴋarangapselônêt piniarangapselônêt, ilûnaita piniarsigik Nâlekab Jêsusib atingane, ᴋujalivluselo Gûdemik Atâtamiglo tâpsomûna.

I Tessalônikamiunut 3:9

Sunamik Gûde ᴋujagivlugo akkiniarungnarpitigô pivluse, ilipsingnit ᴋuviasûtigijavut tamaita pivlugit Gûdipta sânganê?

I Tessalônikamiunut 5:18

Tamainik ᴋujalititse: tamadja Gûdib pijomajanga ilipsingnut Kristûse Jêsuseme.

II Tessalônikamiunut 1:3

Gûde ᴋujagijariaᴋatsainarpavut pivluse, ᴋatangutivut, taimaglo idluarpoᴋ; okpernise angijomik aglivalliangmat, nagliktigêngnerlo ilûnapsingne atunit angijorolermat.

II Tessalônikamiunut 2:13

Uvagulle Gûdemik ᴋujalijutigijariaᴋatsainarpapse, Katangutivut, Nâlekab nagligijangit, kiglinganit Gûdib anerilaungmase piulijauᴋovluse, Anernerub ivsornaititsininganut, mikseᴋârnermiglo okpernermut:

Ebrêerinut 13:15

Sorairata tagva Gûde âtsivigilavut tunergutinik nertordleruinik tâpsomûna, tagva oᴋautsinik nertordlertunik ᴋangasinângnit pijunik, attinganik kigligiudsijunik.

I Pêtrusib 2:5

Ilipsetauᴋ ujarᴋatitut ômajutitut igloliangotitse, igloᴋsoangolerᴋovluse anernelingmik ajoᴋertuijuksaulerluselo ivsornaitunik; tunijijuksauᴋovluse tunergutinik anernilingnik, Gûdib idluarijanginik Jêsuse Kristusikut.

I Pêtrusib 4:11

Oᴋâlajoᴋarpat, Gûdib oᴋausingititut oᴋâlatigivlugit pile. Kivgartortoᴋarpat, Gûdib tunijanga ajungijutigilugo piniarle. Gûde piniarnernut ilûnainut nertortauᴋovlugo Jêsuse Kristusikut; tâmna nertortaule pitsartunerôlunelo issoᴋangitomit issoᴋangitomut. Amen.