Efêsusemiunut 5:2 - Labrador Inuttitut Heritage Bible

² Naglingnermelo arvertaritse, sorlotauᴋ Kristusib nagligilaungmatigut, ingminiglo tunilaungmat pivluta, tunergutiksaujomavlune toᴋotaksamik, Gûdemut tipitsiariksautiksamik.

Efêsusemiunut 5:2 Iomraidhean Croise

Genesis 8:21

Nâlekablo naimavâ tippitsiariktoᴋ, ômamigullo oᴋarpoᴋ: Kingorngane nuna ominarsititsomairtara inuit pitjutigivlugit; inub ômatingata kajungilarningit ajortoᴋsôngmatta sorusioninganit, kingornganelo ômajut tamaita nungutitsomairtakka, sorlo pisimagama.

Exodus 29:18

Angusâloklo ilûnât ôtitaksarivat tunerguservingme: tunergutiksauvok ôtaksak Nâlekamut: tamadja tipigiksautauvok, tunergut ôtâk Nâlekamut.

Exodus 29:25

Tigujaksarivatillo agganginit ôtilugillo tunerguserviub ᴋângane tunergutautilugillo ôtaksamik, tipigiksautiksautilugit Nâlekab sângane: tunergutauvok ôtâᴋ ikomakut Nâlekamut.

Leviticus 1:13

Erᴋaville niullo ergortoraksarivait imermut: ajoᴋertuijûblo tunergutigijaksarivâ ilûnât, ôtilugolo tunerguservingme: tunergutauvok ôtâk, tunergut ikomakut, tipitsiariktoᴋutaujok Nâlekamut.

Leviticus 1:17

Isarokullo ᴋopijaksarivâ avgornagole: ajoᴋertuijûblo ôtitaksarivâ tunerguservingme, ᴋejuit ikomamêtut ᴋângane: tunergutauvok ôtâk, tunergut ikomakut, tipitsiariktoᴋutaujok Nâlekamut.

Leviticus 1:9

Erᴋavingille niungillo ergortoraksarivait imermut; ajoᴋertuijûblo ôtitaksarivâ ilûnât tunerguservingme, tunergutautilugillo ôtaksamik, tunergut ikomakut, tipitsiariktoᴋutaujok Nâlekamut.

Leviticus 3:16

Ajoᴋertuijûblo ôtitaksarivait tunerguservingme: nerᴋiksauvok tunergusertaujok ikomakut tipitsiariktok: tunnok ilûnât Nâlekab pigivâ.

Amos 5:21

Uvloᴋsiorvise ômigilugillo naggogivakka, katimaniksaselo kuksasungnartut ᴋuviagingilakka.

Numbers 7:21

Tuktuvangmik inôtsungmik atautsemik, saugarmik Angusâlormik atautsemik, saugârsungmik angutimik atautsemik, jârelingmik atautsemik, tunergutiksamik ôtaksamik;

Mattêuse 20:28

Sorlo Inûb Erninga tikingimat, kivgartortaujomavlune, kivgartoriartorlunele, inôserminiglo tunijivlune unuktut piulijaujutiksanganik.

Johannese 13:34

Mânalo oᴋautivapse: Perᴋojaktâmik tunitjivigivapse, nagliktigêrᴋovluse, sôrlo nagligilaurapse, nagliktigêlerᴋovluse.

Johannese 6:51

Uvanga ᴋakᴋôjauvunga ômanartok, ᴋilangmit tikitok. ᴋakᴋôjamit tamattomangat nerriniartok, inôniarpok isoᴋangitomut. ᴋakᴋôjarlo tuniniartara, uvinigivara, tuniniartara, silaᴋsoarmiut inôᴋovlugit.

Rômiunut 15:16

Jêsuse Kristusemik kivgartortuksaugama nalojut akorngane, Gûdib oᴋausingit tussarnertut oᴋâlatigivlugit, nalojut tunergutauᴋovlugit ᴋuviagijaujomik Gûdemut, ivjornaititauᴋovlugillo Anernermut ajunginermut.

Rômiunut 4:25

Tâmna tunijaumavoᴋ ajornivut pivlugit, tupaktitaungmijorlo idluarsijutiksaptingnut.

Rômiunut 8:3

Perᴋojab ajortanga, uviningmut ajulertitaumangmat, tamanna Gûdib pivâ, Ernine tiligamiuk, uviningmut ajortolingmut adsioᴋovlugo, tunergutiksauᴋovlugolo ajornerit pivlugit, ajortorlo uviningmioᴋ erᴋartorpâ;

Rômiunut 8:37

Tamakkoale tamaita atorlugit ajugauluarpogut uvaptingnik nagligosuktokut.

I Korintemiunut 16:14

Piniarnise tamaita naglingnermut piniarutigisigik.

I Korintemiunut 5:7

Taimaimat pudjusautetoᴋak pêjarsiuk, sanaugaktut nutaujotut pudjusauteᴋangitotut ilerᴋovluse, sôrlo nelâgut inapse. Saugârsuk ᴋângerviksiutiksavut tunergutaumajarêrmat, tagva Kristûse.

II Korintemiunut 2:14

Gûdele ᴋujagiviktaule! ajugautitsainarmatigut Kristuseme, tâpsominga illitarsineᴋ tippigiktotut ᴋaujitingmago nunane tamaine, uvagut atorluta.

II Korintemiunut 2:15

Kristûsib tippigiksautigingmatigut Gûdemut, piulijaujomârtunelo assiojomârtunêlô:

II Korintemiunut 8:9

Nâlegapta Jêsusib Kristûsib saimarsautâ ᴋaujimagapsiuk, akluitoᴋsôgalloardlune aklulilaungmat pivluse, akluninganut akluititauᴋovluse.

Galâtsiamiunut 1:4

Tâmna ingminik tunilauᴋpoᴋ ajornivut pivlugit, piulijomavluta silamit mattomangat ajortomit, Gûdib Atâtapta pijomajanga maliklugo.

Galâtsiamiunut 2:20

Inôvunga, uvangaungitorle, Kristusele ilumne inôvoᴋ. Mânale uviningme inôsera inôserivara okpernerme Gûdib erninganut, nagliktimnut, ingminiglo tunijomut pivlunga.

Efêsusemiunut 1:4

Sorlo taipsomûna (Kristusikut) anerilaungmatigut, silaᴋsoaᴋ tunganilijauᴋârtinago, ivjornaiᴋovluta pidlaraksauᴋonatalo sângane naglingnerme.

Efêsusemiunut 3:17

Okpernermut Kristuse ineᴋarᴋovlugo ômatipsingne, amâtsiortaulerᴋovluselo tunganilijaulerᴋovluselo naglingnerme;

Efêsusemiunut 3:19

Illitarsilerᴋovluselo Kristusib naglingninganik illisimanernit tamainit anginerpângojomik; ilumertaulerᴋovluse Gûdib pitaᴋaloringninginik tamainik.

Efêsusemiunut 4:15

Uvagulle naglingnerme nalâgôrniarta, aglivalliavlutale ilûnaine tâpsomunga niaᴋôjomut, tagva Kristusemut.

Efêsusemiunut 4:2

Piojorijuiluse tamât, ᴋenuêluselo kamangitsertorluselo, ningarijigêktailititselo naglingnerme.

Efêsusemiunut 5:15

Tagva mâna kamatsiaritse arvertarnipsingnik, silaitutitut pinase: silatujutitulle pititse.

Efêsusemiunut 5:25

Ilipse angutit, nuliase nagligisigik, sorlo Kristusib illagêt nagligilaungmagit, ingminglo tunivlune tâpkoa pivlugit,

Deuteronomy 27:6

Nâlekab Gûdivît tunergutiviksanga senajaksarivat ujarᴋanut iluitunut; tunergutiniglo ôtaksanik tunergusertuksauvotit tâpsomane Nâlekamut Gûdingnut;

Filippimiunut 4:18

Tamainigle peᴋarpunga, peᴋaluarlunga aglât; ununârviovlunga neksartitaunipsingnik pigama Epafroditusemit, tamadja tipitsiariksautiksaᴋ, tunergut takominartoᴋ, ᴋuvianartorlo Gûdemut.

Kolossamiunut 3:14

Tamakkoale tamaita ᴋângitigut atiniarsiuk naglingnek, tagva nâmaksinerub ᴋelaksûtâ.

I Tessalônikamiunut 4:9

Naglingnermigle ᴋatangutinik aglagvigijariaᴋangilapse, nangmineᴋ Gûdemut ajoᴋertortaugapse nagliktigêrᴋovluse.

I Timôteusemut 2:6

Ingminik tunilauktok piulijiksaujomavlune ilûnainut, tamanna oᴋâlatigijauᴋovlugo neliuningane.

I Timôteusemut 4:12

Inôsungnernik nachojoᴋarniarane! Igjaraksaunialerille okpertunut, oᴋautsemullo inôniarnermullo nagligosungnermullo anernermullo okpernermullo ikliguktailinermullo.

Titusemut 2:14

Ingminik tunnilauktub pivluta, piulijomavluta idluitunit tamainit, ivsornaititsijomavlunelo nagminek inoᴋutiksaminik, ataruilijinik piniarnernut ajungitunut.

Ebrêerinut 8:3

Ajoᴋertuinerôjulle atunit perᴋojauvut tunerguserᴋovlugit piliutinik tunergutiniglo; taimaimat tâmnatauᴋ piksaᴋartuksauvoᴋ, tunerguserungnarᴋovlugo.

Ebrêerinut 9:14

Anginersavaksôjomik tagva Kristusib aungata (ivsornartoᴋarane ingminik Gûdemut tunigame, Anerneᴋ ajungineᴋ issoᴋangitoᴋ pitsartutigilugo) epᴋêjarpait issumavut piniarnernit toᴋonartunit, Gûdemik ômajomik kivgartorᴋovluta.

Ebrêerinut 9:23

Taimaimat ᴋilangmêtunut adsigêgutaujut epᴋêjartaujariaᴋalauᴋput tamakkutigûna; ᴋilangmêtulle nangmineᴋ tunergutinik, tamakkonangat anginersaujunik, pijariaᴋarput.

Ebrêerinut 9:26

Taimaikune âniatitauᴋattarajalauᴋpoᴋ silaᴋsûb pigiarninganit. Mânale silaᴋsûb naggatâne atausiardlune saᴋᴋerpoᴋ, ajornerit pêjariartorlugit, ingminik tunivlune.

I Pêtrusib 4:8

Tamanna pivlugo silatuleritse erᴋomavluselo tuksiaritse. Tamainille anginerpângojomik, nagliktigêgitse ilungertordluse; naglingnerub ajornerit unuktoᴋsôningit mattungmagit.

I Johannesib 3:16

Tamattomangat naglingiᴋ nalojungnairpavut, inôtsiminik tunijilaungmat pivluta. Uvaguttauᴋ inôsivut tunijaksarigivavut ᴋatangutit pivlugit.

I Johannesib 3:23

Tâpsomalo piᴋojanga tamadja, Erningata Jêsusib Kristusib attinganut okperᴋovluta nagliktigêrᴋovlutalo; taimak perᴋungmatigut.

Takotitaunermik 1:5

Jêsusemillo Kristûsemit; tâmna nertornartôvlune kigligiutsijôvok, toᴋungajunillo erniangoᴋârtok, nâlegaunerôjorlo atanivingnut nunamêtunut; tâpsoma nagligilaukpâtigut ubvarlutalo ajorniptingnit aungminut,

Takotitaunermik 5:9

Imgerumiglo nutâmik imgerput oᴋâlavlutiglo: Igvit nelopᴋotingivitôvotit aglait tigulugit, naᴋitjutingillo angmarlugit; igvit toᴋotaugavit, aungnullo pisiarilauraptigut, Gûdemut perᴋutiksautiluta, sunatuinarnit kinguvârênit, oᴋauselingnillo, inugasaksoarnillo, nelojunillo;