Efêsusemiunut 5:15 - Labrador Inuttitut Heritage Bible

¹⁵ Tagva mâna kamatsiaritse arvertarnipsingnik, silaitutitut pinase: silatujutitulle pititse.

Efêsusemiunut 5:15 Iomraidhean Croise

II Samuel 24:10

Davidiblo omattinga tiglilerpok innugatsuit kittitaulauᴋârtillugit. Davidelo Nalekamut oᴋarpok: Angijoksoarmik idluitullilaukpunga, tamattominga pinnialaurama; mannalo Nalegak kivgavit idluitullininga pêjalauruk, sillaidlartomik pinniarlaurama.

Hiobe 2:10

Tâpsomale oᴋautivâ: Oᴋarpotit sôrlo arnat sillaitut oᴋarmatta. Ajungitomik pilauktogut Gûdemit idluitoktauk illalioraksaringipittigô? Tamakkonane tamaine Hiobe idluitullilaungilak kangasinângminut.

Imgerut 73:22

Tagva sillaitôlaukpunga, ᴋaujimalaungilangalo sunamik; ômajotun-ilaukpunga sângne.

Exodus 23:13

Tamaitalo oᴋauserijakka ilipsingnut nâlaksigik: gûdillo asima atingit erᴋaumaniarasigik, ᴋanernillônêt tusartauniaratik.

Salomob Okâl 14:8

Tamânna silatôjub ilisimajutigiva, udsertorame apᴋotiminik; tamanâle silaitut silaijutigivat, uiveriklernermut ilingatuinaramik.

Salomob Okâl 15:21

Silaitub silainek ᴋuviagiva; angulle silatojok apᴋome idluartomêtuatsainarpok.

Mattêuse 10:16

Ahâk, saukatitut tilivapse amarᴋut akornganut; tamanna pivlugo silatutsiaritse ᴋuglugiangojârtutitut, nalangainaselo taubititut.

Mattêuse 25:2

Tâpkoale tallimat silaitut, tallimallo silatujut.

Mattêuse 27:24

Pilâtusele takogame sulinginerminik, uivêlivalliatuinarmattale, imermik tigusivok, agganalo ubvarpait inuit takoane, oᴋarlunalo: Pasijaksaungilanga idluartub tâpsoma aunganut; ilipse pijase.

Mattêuse 27:4

Oᴋarlunalo: Idluitulilaukpunga, auk pasijaksaungitok pitinapko.

Mattêuse 8:4

Jêsusiblo oᴋautiva: Udjertulerit, assingnut tamattominga oᴋarniarnak; ainiarille ajoᴋertuijomullo takotilutit; tunergutiksarlo, Môsesib tunerᴋojanga tunivlugo, nalojungnairᴋovlugit kalagungnainernik.

Lukase 24:25

Oᴋautivaglo: Ilisimaitotik, ômatiptikut erᴋeasuktotik tamakkoninga tamainik okperlutik, nelautaijut oᴋauserilauktanginik.

I Korintemiunut 14:20

ᴋatangutikka, sorutsititut silatuneᴋarniarase; ajortomulle nutakᴋatitun-ititse, inersimajutitulle silatuneᴋaritse.

Galâtsiamiunut 3:1

Silaitoksôjose ilipse Galâtsiamiojose! kia angakovigilauᴋpâse mikseᴋârnermik nâlegungnaitilusê? Ilipse sâpsingne Kristuse Jêsuse oᴋâlanikut adsiliorsimavoᴋ akunapsingne kikiaktortauvlune sorlo.

Galâtsiamiunut 3:3

Taimak angitigijomik silaitoᴋsôvisê? Anernerme pigialertose, uviningme mâna nâjiniaromavisê?

Efêsusemiunut 5:2

Naglingnermelo arvertaritse, sorlotauᴋ Kristusib nagligilaungmatigut, ingminiglo tunilaungmat pivluta, tunergutiksaujomavlune toᴋotaksamik, Gûdemut tipitsiariksautiksamik.

Efêsusemiunut 5:33

Ilipsetauᴋ, ilûnase atunit, angutib nuliane nagligiliuk ingmitut. Uiliuble uine atanerilugo pile.

Filippimiunut 1:27

Arvertaritsele Kristusib oᴋausingit tussarnertut malitsiarlugit; tikigumalônêt takoluse, apsimalungalônêt tussarᴋovlunga, sôngolernipsingnik atautseme anernerme, atautsemik tarneᴋarluse sorsugiaᴋatigilutalo okperneᴋ oᴋautsinut tussarnertutnut pivlugo.

Kolossamiunut 1:9

Tamanna pivlugo uvaguttauk uvlormit taimangat tussaumalaurapta tamattominga, soraijunata tuksiarpogut pivluse, ᴋenuvlutalo, ilumertaukovluse ilitarsinermik pijomajanganik, ilisimavalliavluselo silatuvalliaᴋovluse taimainik anernilingnik.

Kolossamiunut 4:5

Silatujomik taipkoa ilagingitase inôᴋatigisigik; atutsiarlugolo neliutok.

I Tessalônikamiunut 5:15

Udjertoritse idluitulijoᴋ akkiniartautailitilugo ajortomik, ajungitomigle pinasuatsainaritse, illapsingnullo ilûnainullo.

I Timôteusemut 6:9

Akluitsomajulle ôktortaulungnermut nikkanullo katangniarput, unuktunullo silainartunut asserornartunullo kajungilârnernut; taimaitut inuit kivitipait kappianartomut erᴋartortaunermullo.

Ebrêerinut 12:25

Udsertoritse, oᴋâlajomik tapatoᴋonase, Taipkoa, nuname oᴋâlatilugo tapatôlauᴋtut, ᴋemâjungnalaungimatta, tagva uvagut piluartomik ᴋemâjungnangilagut ᴋilangmit oᴋâlajoᴋ tapagiguptigo.

Jâkobusib 3:13

Kina akunapsingne illisimavlunelo silatuvâ? Tâmna ajungitulinerminik nalonaijaile inôtsiarnerminut, ᴋenuêlunelo silatolunelo.

I Pêtrusib 1:22

Tarniselo sujungaitisigik mikseᴋârneᴋ nâleklugo Anernermut, ᴋatangutinik nagligosoᴋovluse takkormôjuidluse; ômamullo ivjornaitomut nagliktigêvigitse!

Takotitaunermik 19:10

Itiganginullo pâmakterpunga tuksiarvigijomavlugo. Oᴋautivângalo: Udsertorit, taimailiornak! kivgauᴋatigivarma, ᴋatangutivîllo, Jêsusemik kigligiutjuteᴋartut (kivgauᴋatigivânga). Gûde tuksiarvigiuk. (Jêsusemigle kigligiutsinek tagva nelautainerub anerninga.)