Efêsusemiunut 4:4 - Labrador Inuttitut Heritage Bible

⁴ Time atauseᴋ, anerneᴋ atauseᴋ, sorlotauᴋ ᴋaiᴋojaumagapse nerriugijaksaᴋarluse atautsemik ᴋaiᴋojaumanipsingnut.

Efêsusemiunut 4:4 Iomraidhean Croise

Imgerut 122:8

ᴋattangutikka illanârijakkalo pivlugit ullapirsauteᴋarᴋojomavagit.

Jeremia 14:8

Igvit, Israêlib nerriugijanga, piulijinga naliutome kapianartovingme, sôᴋ takorngartatut nuname ilingavêt, ingergajotullo sangujotut siniktartuinaromavlunê?

Jeremia 17:7

Piloridlarpoᴋ inuk sungertuteᴋartoᴋ Nâlakamik, nerriungneᴋartoᴋ Nâlakamik.

Mattêuse 28:19

Tamanna pivlugo aileritse, inuᴋatigêksuillo tamaita ajoᴋertorsigik, baptilugillo Atâtab, Ernerublo, Anernerublo ajunginerub atinganut;

Apostelit Piniarningit 15:11

Okperpogulle, piulijauniarapta Nâlekab Jêsusib Kristusib saimarsautânut, taipkotitunak.

Rômiunut 11:29

Gûdib tunergutine ᴋaiᴋojininelo ᴋaᴋialerutigingilait.

I Korintemiunut 10:17

Kaᴋᴋôjaᴋ atausiongmat, taimâk unuktôvluta timiovogut atautsemik; ᴋakᴋôjak atausek ilangiubvigigaptigo tamapta.

I Korintemiunut 12:20

Mânale avatit unudlarput, timele atausiovok.

II Korintemiunut 11:4

Tikitise Jêsusemik assianik oᴋâlakpat, oᴋâlatigilaungitaptingnik; assianiglônêt Anernermik pigupse, pilaungitapsingnik; assianiglônêt oᴋautsinik tussarnertunik, illaliulaungitapsingnik, taimaitoᴋ kamaginajartase ilâ!

Efêsusemiunut 1:18

Illisimanipsigut ijeᴋartitauᴋovluse ᴋaumarsarsimajunik, nelojungnairᴋovluse ᴋaiᴋojaumajut nerriugijaksanginik, kingormgutijaksaniglo ânanaudlartunik akluiniliksôjunik ivjornaitune,

Efêsusemiunut 2:16

Tamarmiglo saningajolikut ullapᴋoserdlugik Gûdemut timiotilugik atautsemik, ningarosungnerlo toᴋotinamiuk ingmigut.

Efêsusemiunut 2:18

Tâpsomûna tamapta apᴋotiksaᴋarapta Atâtamut anernerme atautseme.

Efêsusemiunut 2:22

Tâpsomane ilipsetauᴋ igloliangoᴋataulerpose, Gûdemut igluksauᴋovluse anernerme.

Efêsusemiunut 4:1

Tagva mâna kaiblarpapse, uvanga ᴋelaksugaujunga Nâlegaᴋ pivlugo, ᴋaiᴋojaumanise malitsiarlugo arvertarᴋovluse, taimak ᴋaiᴋojaugapse,

Efêsusemiunut 5:30

Tâpsoma timingata avatigingmatigut, uvininganit sauninganillo pijogut.

Kolossamiunut 1:5

Nerriugijaksak pivlugo, ᴋomergutaumajok ilipsingnut piksauvlune ᴋilangme, sivorngagut tussalauktase oᴋautsitigut tussarnertutigut mikseᴋârtutigut.

Kolossamiunut 3:15

Ullapirsaullo Gûdemit pijok ataniotênarle ômatipsingne, tamattomunga ᴋaiᴋojaumagivose atautsemik timeoᴋovluse ᴋujalivigitselo.

II Tessalônikamiunut 2:16

Nâlegaptale Jêsusib Kristusib (nangmineᴋ), Gûdiptalo Atâtapta, uvaptingnik nagligosuktub, saimarsainerminullo manigornartomik nâksaungitomik, nerriugijaksamiglo ajungitomik tunitjivigilauramitigut,

I Timôteusemut 1:1

Pauluse Jêsusib Kristûsib Apostelinga, Gûdib piulijipta, Nâlekablo Jêsusib nerriugijaksaᴋartitipta perᴋojanganut,

Titusemut 1:2

Nerriugilugo inôsek nâksaungitok, tamanna Gûdib saglotuitub angersimanerilauᴋtanga, silaᴋsoak pigiarᴋârtinago;

Titusemut 2:13

Nerriugijaksak piloringnartok, Gûdiviksûblo piulijipta Jêsusib Kristûsib sakᴋerniksanga ânanaudlartok utaᴋilugo;

Titusemut 3:7

Uvagut tâpsoma saimarsautânut idluartitaumalertogut, nerriungnermut kingormgujijuksauᴋovluta inôtsemik nâksaungitomik.

I Pêtrusib 1:21

Gûdible toᴋungajunit tupaktipâ, ânanaujoᴋsoangartilugolo, Gûdemut okperᴋovluse, tatteᴋarᴋovluselo.

I Johannesib 3:3

Naliat taimaitomik nirriungniᴋartoᴋ tâpsomunga, tâmna ivsornailiniarpoᴋ, sorlo tâmna ivsornaingmat.