Efêsusemiunut 4:22 - Labrador Inuttitut Heritage Bible

²² Inutoᴋaᴋ atorungnairsiuk piusiovalauᴋtut allarlugit, ikligunermut ingminik asseroijoᴋ tamarnartomut.

Efêsusemiunut 4:22 Iomraidhean Croise

Hiobe 22:23

Sâlerniaruvit ajugaᴋangitomut, tagva sanajauniarpotit; idluinerlo ungasiktiniarpet iglungnit.

Salomob Okâl 11:18

Gûdeᴋangitut sulliningit piksarsivut nellangaitunik; idluarnermigle karngasoijub, tapsoma akkilertauninga nellagôrpok.

Jeremia 17:9

Omate nalangaitoᴋsôluarpoᴋ assinginit tamainit, ᴋanimadlartoᴋsôvorlo; kia ilitarijungnarᴋaûk?

Jeremia 49:16

Erᴋsinarnît issumagilugo, ômativit piojoriningata uivêrisimavâtit, igvit ineᴋartotit imnat ᴋongnângine, ᴋaᴋᴋallo poᴋtoningine nunaᴋartotit; ublolioraloaruvit nektoraliktut poᴋtojome, kataktitsomavagit takpikangat, oᴋarpoᴋ Nâlagaᴋ.

Obadia 1:3

Omativît pingijainingata uivêrivâtit, igvit ineᴋartotit ᴋairtut ᴋongnângine, poᴋtojome ineᴋartotit; ômatingne oᴋartotit: kia nunamut kataktinajarᴋângâ?

Rômiunut 6:6

Kaujimavluta, tâpsoma inutoᴋavut kikiaktortauᴋatigingmago saningajolingmut, time, ajornerub pinga, atorungnairᴋovlugo, ajortomik kivgartorᴋonata kingorngane.

Rômiunut 7:11

Ajornerub perᴋojaᴋ kajungersautigivlugo uivêringmanga toᴋotilungalo tamattomunga perᴋojamut.

II Korintemiunut 11:3

Sivôravungale, sôrlo ᴋuglugiab pingitsertorlune Eva uivêridlalaungmago, taimâktauᴋ issumase asserorniarasugilugit issumalingasuernermit Kristûsemêtomit.

Galâtsiamiunut 1:13

Tussaumalaurapse iliornerilauᴋtamnik, taipsomane Jûdit ilusingit iluserilaurapkit, Gûdib illagêktoᴋotingit angnerpângojomik unangmidlalaurapkit, nungunasuarlugillo.

Efêsusemiunut 2:3

Tâpkoa akorngane uvaguttauᴋ mattoma sivorngagut taimailaurivogut ilûnata, uvinipta ikliguningit maliklugit, uvingublo pijomajanga erᴋarsautingillo nâleklugit; ingergaptalo ningautsib ᴋitorngarilauᴋpâtiguttauᴋ assiptitut.

Efêsusemiunut 4:17

Tamanna pivlugo oᴋarpunga; kigligiutigivlugolo Nâlekame, arvertarungnairᴋovluse nalojutitut assipsitut, piungitunik issumaᴋarlutik arvertartutitut;

Efêsusemiunut 4:25

Taimaimat sagluneᴋ iperarlugo mikseᴋârnermik oᴋauseᴋaritse, ilûnase atunit inuᴋatipsingnut; avatauᴋatigêkapta.

Efêsusemiunut 4:31

Kaningaumajârneᴋ, ômisungnerlo, ningarnerlo, nipliadlarnerlo mitauteᴋarnerlo tamât ilipsingnit ungasiktisigik, idluitulinerillo tamaita.

Kolossamiunut 2:11

Tâpsomanetauk kipimavose, kipijaunermut aggangnu-ungitok, time ajortolik uviningmêtok pêjarapsiuk, tagva Kristûsib kipititsininganut;

Titusemut 3:3

Uvaguttauk sivorngane silaitoksôlaungmigapta, tapatolaptalo, tamartudlarluta, ikligunerit kivgartorlugit, sunatuinarniglo alliadlarluta, ningarosungnermelo anerudjinermelo arvertarluta, ômigijigêklutalo.

Ebrêerinut 12:1

Tamanna pivlugo uvaguttauᴋ, kigligiutsijunik taimak unuktigijoksoarnik avatiptigut peᴋarapta: Ajornerit allarlavut uvaptingnut nipingatsainartut erᴋinautigijavullo, ᴋenuersârlutalo aᴋpangerta aᴋpalliuterᴋojauniptingne,

Ebrêerinut 3:13

Uvlulle tamaita nangminipsingnik kaiblainiaritse, sulle uvlomeotilugo; akunapsingne sittititaujoᴋarᴋonago ajornerub uivêriklerninganut.

Jâkobusib 1:21

Taimaimat maᴋojungnartut ajornerillo tamaita pêjarniarsigik; akkerartoraselo ilaliorsiuk oᴋausek, ilupsingnut pititaujok, tarnipsingnik piloriktitsijungnartok.

Jâkobusib 1:26

Akunapsingnêtoᴋarpalle Gûdemik kivgartorasugijomik, oᴋanelo atornerluktailitingikuniuk, ômatinele asserorlugo: tâpsoma Gûdemik kivgartorninga piutsangilak.

I Pêtrusib 1:18

Kaujimavluse nunguniartomit silberemullônêt goldemullônêt piulijaunginapse piusekullupsingnit atâtanut adsiunipsingnit;

I Pêtrusib 4:3

Tâvârutigigaptigo, inônipta anigorningane nelojut pijomajangit atutsainalauraptigik, arvertalaurapta illoᴋeudlarnerme, ikligunermelo, tallanermelo, nerriluadlarnermelo, imiluadlarnermelo, mamaitoâlungnelo, Gûdiungituniglo kivgartornerme.

II Pêtrusib 2:13

Idluitulinermingnut akkivioniksatik neksarpait. Issumamikut alliadlarput uvlut tamaita uviniub ᴋuviagijanganut inônermik, kangunartoᴋsôvut maᴋojungnadlalarmiglo, ᴋuviasuktoᴋsôvut uivêriklernermingne, nerreᴋatigijarangamise;

II Pêtrusib 2:7

Lotelo idluartoᴋ piulivlugo, kappiasuktitaujoᴋ angijomik inuluâluksuit illôᴋeudlartut piniarninginut;

I Samuel 1:14

Oᴋautivalo: Kannok akkunêrtigijomik tallangajomavît? Weine illungnêtok annikoleruk illungnit.