Efêsusemiunut 4:1 - Labrador Inuttitut Heritage Bible

¹ Tagva mâna kaiblarpapse, uvanga ᴋelaksugaujunga Nâlegaᴋ pivlugo, ᴋaiᴋojaumanise malitsiarlugo arvertarᴋovluse, taimak ᴋaiᴋojaugapse,

Efêsusemiunut 4:1 Iomraidhean Croise

Genesis 17:1

Abrale jâreᴋarmat 99nik, Nâlekab saᴋᴋervigivâ oᴋautilâlo: Uvanga Gûdeovunga ajugaᴋangitoᴋ, saᴋᴋamne arvertarit pidlaraksausuerlutillo.

Genesis 5:24

Hênog Gûde aiparivlugo arvertarpoᴋ; saᴋijârungnaiporlo, Gûdib tigungmago.

Jeremia 38:20

Jeremiale oᴋarpoᴋ: Pitilulângilâtit. Nâlalauruktôᴋ Nâlakab nippinga, makkonane oᴋautigijamne ilingnut; idluarᴋutigilârangne, tarnîllo inôjomârpoᴋ.

Apostelit Piniarningit 9:31

Ilagêktut mâna unangmijaujungnairput Jûdêame ilûnâne, Galilêamelo Samâriamelo, sôngosivalliavlutiglo, Nâlegarlo nâleklugo inôvut, Anernerublo ajunginerub manigoininganik ilumertaulaukput.

Rômiunut 11:29

Gûdib tunergutine ᴋaiᴋojininelo ᴋaᴋialerutigingilait.

Rômiunut 12:1

Taimaimat kaiblarpapse, ᴋatangutikka, Gûdib nâpkiningninga pivlugo, timise tunisigik tunergutiksatut ômajotut, ivjornaitotut Gûdemullo ᴋuviagijaujotut; taimailiorupse, Gûde tukkeᴋartomik kivgartutsiarpase (anernerme.)

I Korintemiunut 4:16

Taimaimat kaiblarpapse: uvamnik malikteoniaritse!

II Korintemiunut 10:1

Uvangale Pauluse kaiblarpapse Kristûsib ᴋenuêninganut kamangitsertorninganullo, uvanga takupsingne nikanarsârtunga apsimanimnele ilerasungitunga ilipsingnut.

II Korintemiunut 5:20

Taimaimat tilijaumajôvogut Kristûse simerdlugo, Gûdib uvaptigut kaiblarmase, tagva ᴋenuvogut mâna Kristûse simerdlugo: Gûdemut ulapirsartauleritsetôᴋ.

II Korintemiunut 6:1

Uvagulle piniarᴋattaugapta kaiblarpapsetauᴋ Gûdib saimarsautânik sulinase pilerᴋonase.

Galâtsiamiunut 4:12

Katangutikka, ᴋenuvigivapse: Uvaptun-iniaritse, ilipsituninama. Idluitulivigilaungilapsinga.

Efêsusemiunut 2:10

Sanamajigigaptigo, pingortitauvluta Kristuse Jêsuseme ajungitulerᴋovluta, Gûdib sivorngagut âᴋiksulaungmatigut, taimailiorᴋovluta.

Efêsusemiunut 3:1

Tamanna pivlugo uvanga Pauluse ᴋelaksugaujunga, Kristusib Jêsusib kivgaringmanga ilipse nalojose pivlugit.

Efêsusemiunut 4:17

Tamanna pivlugo oᴋarpunga; kigligiutigivlugolo Nâlekame, arvertarungnairᴋovluse nalojutitut assipsitut, piungitunik issumaᴋarlutik arvertartutitut;

Efêsusemiunut 4:4

Time atauseᴋ, anerneᴋ atauseᴋ, sorlotauᴋ ᴋaiᴋojaumagapse nerriugijaksaᴋarluse atautsemik ᴋaiᴋojaumanipsingnut.

Efêsusemiunut 5:2

Naglingnermelo arvertaritse, sorlotauᴋ Kristusib nagligilaungmatigut, ingminiglo tunilaungmat pivluta, tunergutiksaujomavlune toᴋotaksamik, Gûdemut tipitsiariksautiksamik.

Filippimiunut 1:27

Arvertaritsele Kristusib oᴋausingit tussarnertut malitsiarlugit; tikigumalônêt takoluse, apsimalungalônêt tussarᴋovlunga, sôngolernipsingnik atautseme anernerme, atautsemik tarneᴋarluse sorsugiaᴋatigilutalo okperneᴋ oᴋautsinut tussarnertutnut pivlugo.

Filippimiunut 3:14

Torârviksaᴋ torârvigidlarasuartara, pivianartoᴋsoaᴋ pijomavlugo, tamattomunga Gûde ᴋilangmit ᴋaiᴋojingmat Kristuse Jêsuseme.

Kolossamiunut 1:10

Idluartomik arvertarᴋovluse Nâlekamut ᴋuviagijauvluse ilûnâne, pivalliarᴋovluselo ajungitulinerne tamaine;

Kolossamiunut 2:6

Tagva sorlo Kristûse Jêsuse ilaliulaurapsiuk, arvertarniaritse tâpsomane.

Kolossamiunut 4:12

Salutipâse Epafrasib, ilapse ilangata, Kristûsib kivgangata; tâmna ilungertordlune tuksiatsainarpoᴋ pivluse, nâmakserᴋovluse aulajungnangerdluse ilumertauᴋovluselo Gûdib pijomajanginik tamainik.

I Tessalônikamiunut 2:12

Kigligiutjigaptalo Gûdib nâmagijanganut arvertarᴋovluse, ᴋaiᴋojilauᴋtub ilipsingnik nâlegauvingminullo ânanauvingminullo.

II Tessalônikamiunut 1:11

Tamannalo pivlugo tuksiarutitsainarpapse Gûdiptingnut, pijungnarsititauᴋovluse ᴋaiᴋojauneᴋ tamanna malitsiarungnarlugo, (ilipsingnullo) ajungituliningit tamaita, ᴋuviagijangillo, okpernerublo piniarninga nâmaksititauᴋovlugit pitsartuninganut.

II Timôteusemut 1:9

Tâpsoma piulilaungmatigut, ᴋaiᴋolutalo ᴋaiᴋojinermut ivsornaitomut, piniarnivut pitjutiginagit, issumasimanerminulle saimanerminullo tunitsivioniptingnut Kristûseme Jêsuseme silaksoak pigiarᴋârtinago;

Titusemut 2:10

Augigutsinatik, ilûnânele nertornarlutik ajungilarmiglo sakᴋerlutik; Gûdib piulijipta ajoᴋertûtânik nertornarsititserᴋovlugit ilûnâne.

Ebrêerinut 13:21

Tâpsoma idluarsarlise, ilûnâne ajungitulijungnarᴋovluse perᴋojangit piniarlugit, senalunelo ilupsingne ᴋuviagijaminik, Jêsuse Kristusikut; tâmna nâlengnarsile issoᴋangitomit issoᴋangitomut. Amen.

Ebrêerinut 3:1

Tamanna pivlugo ilipse ᴋatangutigêktose ivjornaitose, ᴋaiᴋojaumaᴋataujose ᴋaiᴋojinermut ᴋilangmit pijomut. Apostele taimna ajoᴋertuinerôvlunelo oᴋautigijavut, Kristuse Jêsuse ullernaigisiuk;

I Pêtrusib 2:11

Nagligijaujose ᴋatangutit, takorngartaujose nunagingitapsingnêtoselo inerterpapse: Uviniub ikliguninginik atortailititse, taipkoa tarne akkerartormatsuk;

I Pêtrusib 3:9

Ajorneᴋ ajortomut akkiniartaililugo, suagosungnerillônêt suangnermut; ajungitulititsele, ᴋaujimagapse, ᴋairᴋojaumagapse, saimanartolingmik kingormgutijaksaᴋarᴋovluse.

I Pêtrusib 5:10

Gûdible saimanartunik tamainik perᴋutitaliksûb, uvaptingnik ᴋairᴋojijub ânanaunersoarminut issoᴋangitomut Kristuse Jêsusikut, tâpsoma nangmineᴋ âᴋiksorniarpâse nâmaktomik, nakoᴋsitiluselo, pitsartutiluselo tunganilitiluselo, ilipse anikitomik kappiasuktitaujose.

II Pêtrusib 1:3

Tâpsoma Gûdib pitsartuningata tunitsivigingmâtigut tamainik inôtsiarnermut arvertarnermullo Gûdib idluarijanganut ilingajunik, illitarsinermut tâpsominga uvaptingnik ᴋairᴋojijomik ânanaunerminut ajunginerminullo;

II Johannesib 1:5

Mânalo ᴋenuvigivagit, arnaᴋ, (perᴋojamik nutâmik sorlo aglagvigingilagit, pigiarninganille pigijaptingnik) nagliktigêktuksaugapta.