Efêsusemiunut 3:9 - Labrador Inuttitut Heritage Bible

⁹ Tamaitalo illitarsitiniarlugit nalonalauᴋtub ilinganinganik, silaᴋsûb pigiarninganit ijersimajomik Gûdeme, tamaitaᴋsoarnik Jêsuse Kristusikut pingortitsijome;

Efêsusemiunut 3:9 Iomraidhean Croise

Imgerut 33:6

ᴋillait Nâlekab oᴋausinginut pingortitauvut, tamaitalo kattimgajoᴋotingit tâpsoma ᴋaningata annerninganut.

Jesaiase 44:24

Nâlegaᴋ piulijit, pairijit anânavit timinganit oᴋarpoᴋ imâk: Uvanga Nâlegauvunga, tamainik piniartunga; kissima ᴋilak issivipara nunamiglo nerrototitsivunga, ikajorteᴋarnanga.

Mattêuse 10:27

Tâᴋtome uvamnit tussartase oᴋautigisigik ᴋaumajome. Issibjutaujut tussartase, oᴋautigisigik iglut ᴋângine.

Mattêuse 13:35

Nalautaijub oᴋausingit nalautsilerᴋovlugit, oᴋarmat: Adsiujunik oᴋaromavunga, silab pigiarninganit nalonalauktut unipkautigivlugit.

Mattêuse 25:34

Tagva Nâlekab talerpingme tungânêtut oᴋautijomârpait: ᴋaititse, Atâtama nagliktangit, nâlegauvik kingormgutilersiuk, ilipsingnut pijarêrsimajok silaksûb pigiarninganit.

Mattêuse 28:19

Tamanna pivlugo aileritse, inuᴋatigêksuillo tamaita ajoᴋertorsigik, baptilugillo Atâtab, Ernerublo, Anernerublo ajunginerub atinganut;

Lukase 24:47

Oᴋâlaᴋojilunelo atermine ᴋaᴋialernermik issumagijaujungnainermiglo ajornernit inuᴋatigênut tamainut, Jerusalemiut pigiarᴋârlugit.

Johannese 10:30

Uvangalo Atâtalo atausiovoguk.

Johannese 5:17

Jêsusible kiovait: Atâtaga mânamut tikidlune piniarpok uvangalo piniarivunga.

Johannese 5:19

Tagva Jêsusib kiovait oᴋautivlugillo: Âhamarik, âhamarik oᴋaupapse: Ernek ingminik piniarungnangilak sumik, takojaminik Atâtamit kissênik; tâpsoma piniarutigijanga Ernerubtauk taimaluatsiak piniarutigivâ.

Apostelit Piniarningit 15:18

Gûdib piniarnine tamaita ᴋaujimavait silaksûb pigiarninganit.

Rômiunut 11:25

Katangutikka, nangminipsingnik silatunasugerᴋonase, naloᴋojomangilapse nalonartomik tamattominga: Israêlib kinguvângita illangit mangaitisimavut, nalojut (sâgiaromârtut) unurningit nâmakserᴋârtinagit,

I Korintemiunut 2:7

Gûdible ilisimaninga ijersimajok nelonartorlo oᴋautigivavut; tamanna Gûdib silaksoaᴋarᴋârtinago perᴋolaukpâ ânanausijaujutiksaptingnut.

Efêsusemiunut 1:4

Sorlo taipsomûna (Kristusikut) anerilaungmatigut, silaᴋsoaᴋ tunganilijauᴋârtinago, ivjornaiᴋovluta pidlaraksauᴋonatalo sângane naglingnerme.

Efêsusemiunut 3:2

Sorlo tussaumagapse kivgartornermik Gûdib saimarsautânik, tunijaumajomik uvamnut pivluse;

Efêsusemiunut 6:19

Uvangatauᴋ pivlunga, tunitsivioᴋovlunga oᴋâlanermik sivôrananga ᴋanera angmarlugo, oᴋautsit tussarnertut nelonarningat oᴋautigivlugo;

Kolossamiunut 1:23

Okpernerme tunganilivluse sôngolerupse sorairase, aulataililuselo oᴋautsit tussarnertut nerriugijauᴋojangine, tussaumajase, oᴋautigijaujut pingortisimajunut tamainut ᴋilaub atânêtunut; tamakkonunga uvanga Pauluse kivgaliarimajunga.

Kolossamiunut 1:26

Tamadsa nalonartok imna silaksûb pigiarninganit, kinguvângoᴋatigênullo pijoᴋalauktunut angigutjutaulauktok, mânale nalonairtisimavok ivjornaitoᴋotinginut.

Kolossamiunut 3:3

Toᴋomagapse, inôsiselo Kristûse ilagivlugo ijersimavoᴋ Gûdeme.

Kolossamiunut 4:3

Taimaktauk pivluta tuksiarmititse, Gûde upkuamik angmailerᴋovlugo oᴋautsinut, Kristûsib nalonarnersoanga oᴋautigijauᴋovlugo; tamanna pivlugo ᴋelaksugauvungatauk;

II Tessalônikamiunut 2:13

Uvagulle Gûdemik ᴋujalijutigijariaᴋatsainarpapse, Katangutivut, Nâlekab nagligijangit, kiglinganit Gûdib anerilaungmase piulijauᴋovluse, Anernerub ivsornaititsininganut, mikseᴋârnermiglo okpernermut:

I Timôteusemut 3:16

Akkerartortaujungnangitomik angijôvoᴋ Gûdemut okpernerub nalonarninga: Gûde uvingme sakᴋijârsimavok, idluartitauvlune anernermigut, takotilune Engelinut, oᴋautigijauvlune nelojunut, okperijauvlune nuname, ᴋongmuartitauvlune ânanaunivingmut.

II Timôteusemut 1:9

Tâpsoma piulilaungmatigut, ᴋaiᴋolutalo ᴋaiᴋojinermut ivsornaitomut, piniarnivut pitjutiginagit, issumasimanerminulle saimanerminullo tunitsivioniptingnut Kristûseme Jêsuseme silaksoak pigiarᴋârtinago;

II Timôteusemut 4:17

Nâlekable nangeᴋatigivânga nakoksitilungalo, oᴋausek tamanna nâmaktomik oᴋautigijauᴋovlugo uvapkut, nalojullo ilûnatik tussaumavât. Piulijauvungalo Loevib sigguanit.

Titusemut 1:2

Nerriugilugo inôsek nâksaungitok, tamanna Gûdib saglotuitub angersimanerilauᴋtanga, silaᴋsoak pigiarᴋârtinago;

I Pêtrusib 1:20

Tâmna sivorngagut issumaksarsiorutaumalauralloarpoᴋ silaᴋsoaᴋ tunganilijauᴋârtinago, saᴋᴋersimajorle neliunerit kingorlingine pivluse, tâpsomûna okpertose Gûdemut;

Takotitaunermik 13:8

Tuksiarvigivâllo nunaksoarmiut ilûnatik ateᴋartut aglaksimangitunik silaᴋsub pigiarninganit Saugârsûb toᴋotaujub aglangine ômanartune.

Takotitaunermik 14:6

Engelemiglo takogivunga ᴋilaub ᴋerᴋagut tingijomik, oᴋautsinik tussarnertunik soraingitunik pilingmik, oᴋautigijaksanik nuname nunaᴋartunut, nelojunullo, ingmigôlingajuniglo oᴋauselingnut, inungnullo tamainut;

Takotitaunermik 17:8

Nergjut takojat ilauktok itsungnairpok, ama anijomârpok netteᴋangitoksoarmit, aijomârlunelo asserortauvingmut; nunablo inungit, ateᴋartut aglaksimangitunik aglangne ômanartune silaᴋsûb pigiarninganit, tataminiaromârput, nergjut ilauktok itsungnairtorlo takogunitsuk sulle ingmat.

Takotitaunermik 4:11

Nâlegak, igvit nelopᴋotingivitôjotit pigilugit nertornarnerlo nâlengnarnerlo pitsartunerlo; igvit tamaitaᴋsuit pingortilaurangne; igvillo perᴋogangne, ilerput pingortisimavlutiglo.