Efêsusemiunut 3:21 - Labrador Inuttitut Heritage Bible

²¹ Tâmna sorairatik illagêktut Kristuse Jêsusemêtut nertorlitsuk issoᴋangitomit issoᴋangitomut! Amen.

Efêsusemiunut 3:21 Iomraidhean Croise

I Kronika 29:11

Igvit, anginek, pitsartunerlo ânanaunerlo, sâlaᴋarnerlo, ussornarnarnerlo pigivattit. Ilûnaita ᴋilangmêtut nunamêtullo nangminerigangne. Igvit Nalegak nalegaunek pigivat, pôktojovaksôvotit angajoᴋaksoangolutillo ilûnainut.

Imgerut 115:1

Uvaguungitok Nâlegak, uvaguungitok, attîlle opigijauneartiuk, saimarviᴋarnît mikseᴋârnîllo pivlugik.

Imgerut 72:19

Nertortaule attinga ânanaudlartok issoᴋangitomut; nunallo illunaita nâmalerlit nertortauninganik, Amen, Amen.

Jesaiase 42:12

Tâpkoa Nâlegaᴋ opigilitsuk nertornarningalo oᴋautigivlugo ᴋikkertane!

Jesaiase 6:3

Kaigarsuvigijigêkpullo oᴋarlutik: Ivlernarpoᴋ, ivlernarpoᴋ, ivlernarpoᴋ ᴋilangmiugasaksuit Nâlegangat; nunat illũnatik illumertauvut tâpsoma nertornarninganik.

Mattêuse 6:13

Oktortaulungnermut pitinata. Piulitigulle ajortomit. Nâlegaunek, pitsartunerlo, ânanaunerlo pigigangne issoᴋangitomut. Amen.

Lukase 2:14

Gûde ᴋotsingnermêtok nakoridlartaule, ullapirsauteᴋarle nuname, inungnelo ᴋuvianartoᴋarle!

Rômiunut 11:36

Tâpsomangat, tâpsomûnalo tâpsomungalo ilûnamatsiatikingmatta. Tâmna nertortaudlarle issoᴋangitomut. Amen.

Rômiunut 16:27

Gûde tâmna silatujotôjoᴋ nertortaule Jêsuse Kristusikut issoᴋangitomut. Amen. Korinteme aglaktaumavut Rômiunut, Fêbiblo okpertôᴋatigênik Kenkreamiunuk kivgartortub naksarpait.

Galâtsiamiunut 1:5

Tâmna nakoridlartaule issoᴋangitomit issoᴋangitomut. Amen.

Efêsusemiunut 1:6

Saimarsautine ânanaujoᴋ nertortauᴋovlugo, tamattomunga ᴋuviagijautingmatigut erdlingnartome.

Efêsusemiunut 2:7

Naliutuksame pijomârtome sakᴋertitsomavlugo saimarsautime naleᴋangitub amigangininga, uvaptingnut ajungitulinerminut Kristuseme Jêsuseme.

Efêsusemiunut 4:1

Tagva mâna kaiblarpapse, uvanga ᴋelaksugaujunga Nâlegaᴋ pivlugo, ᴋaiᴋojaumanise malitsiarlugo arvertarᴋovluse, taimak ᴋaiᴋojaugapse,

Filippimiunut 1:11

Idluarnerub perortitanginik ilumertauluse, Jêsuse Kristusikut (ilupsingne) pijunik, Gûde nertortauᴋovlugo nakoridlartauᴋovlugolo.

Filippimiunut 2:11

Oᴋallo ilûnatik nalonaijaijuksaungmatta Jêsuse Kristusemik Nâlegaujomik, Gûdib Atâtab nitornautinganut.

Filippimiunut 4:20

Gûdivulle Atâtavullo nâlengnarsile issoᴋangitomit issoᴋangitomut. Amen.

II Timôteusemut 4:18

Nâlekablo piuliniarpânga ajortunit tamainit, ikajorlungalo nâlegauvingminut ᴋilangmêtomut. Tâmna nertortaule issoᴋangitomit issoᴋangitomut. Amen.

Ebrêerinut 13:21

Tâpsoma idluarsarlise, ilûnâne ajungitulijungnarᴋovluse perᴋojangit piniarlugit, senalunelo ilupsingne ᴋuviagijaminik, Jêsuse Kristusikut; tâmna nâlengnarsile issoᴋangitomit issoᴋangitomut. Amen.

I Pêtrusib 2:5

Ilipsetauᴋ ujarᴋatitut ômajutitut igloliangotitse, igloᴋsoangolerᴋovluse anernelingmik ajoᴋertuijuksaulerluselo ivsornaitunik; tunijijuksauᴋovluse tunergutinik anernilingnik, Gûdib idluarijanginik Jêsuse Kristusikut.

I Pêtrusib 5:11

Tâmna nertortaule pitsartunerôlunelo issoᴋangitomit issoᴋangitomut. Amen.

II Pêtrusib 3:18

Nâlegaptale Piulijiptalo Jêsusib Kristûsib saimarsautâne illitarsinermelo tâpsominga aglivalliatitse. Tâmna nertortaule tamattomane issoᴋangitomullo. Amen.

Jûdasib 1:25

Gûde tâmna, silatujotôjoᴋ, piulijivut, nertortaunermik pile, opigijaunermiglo, pitsartunermiglo, ajugaᴋanginermiglo, mâna issoᴋangitoᴋsoarmullo! Amen.