Efêsusemiunut 3:17 - Labrador Inuttitut Heritage Bible

¹⁷ Okpernermut Kristuse ineᴋarᴋovlugo ômatipsingne, amâtsiortaulerᴋovluselo tunganilijaulerᴋovluselo naglingnerme;

Efêsusemiunut 3:17 Iomraidhean Croise

Jesaiase 57:15

Kotsiktomẽtoᴋ Nâlegaviksôjorlo, soᴋosijuitomik inneᴋartoᴋ, atteᴋartorlo ivsornaitoᴋsôjomik imâk oᴋarmat: Kotsiktome ivsornaitovingmelo inneᴋarpunga, taimaktauᴋ õmateᴋartune serᴋomisimajunik nallopᴋotijuniglo, nallopᴋotijut anerningat nakoᴋsititsomavlugo serᴋomisimajullo ômatingat nakoᴋsititsomavlugo.

Mattêuse 13:6

Seᴋinerle nuingmat, kunorlersârput, amâᴋanginamiglo pannilerput.

Lukase 6:48

Adsigivâ inuk igloliortok; tâpsoma nuna itersaliorlugo illutujomik tungavilerpâ ᴋairtomut. Imerle kutjermat, kôb iglo supivigivâ, aulatjarungnarnagolo, ᴋairtomut tungalermat.

Johannese 14:17

Mikseᴋârnerub Anerninga, silaksoarmiut pijungnangitangat; takunginamitsuk ilitaringinamitsuglo. Ilipsele ilitarivase, ilagitsainarmase, ilipsingnêniarmallo.

Johannese 14:23

Jêsusib kiovâ oᴋautivlugolo: Uvamnik nagliktub oᴋausikka malingniarpait; Atâtamalo nagliginiarpâ, tikiniarpavuglo inigijartorlugo.

Johannese 17:23

Tâpkonanêdlunga, igvillo uvamnêdlutit; atausemariolerᴋovlugit, silaksoarmiullo ilitarsilerᴋovlugit, tililauramga, nagligigangnelo, sôrlo nagligigamga.

Johannese 6:56

Uvinimnik nerrijok, aumniglo imertok uvamnêtsainarpok, uvangalo tâpsomanêpunga.

Rômiunut 5:5

Nerriungnerle kangusuktitsiniangilaᴋ. Gûdib naglingninga kovimangmat ômatiptingnut, Anernermut ajunginermut tunergusiarijaptingnut.

I Korintemiunut 3:6

Uvanga (perorsiaksanik) ilijilaukpunga, Apolluse imermik kovisilaukpok, Gûdele perortitsilaukpok.

I Korintemiunut 8:1

“Gûdeungitunulle tunergutit pivlugit ᴋaujimavogut, ilûnnata illisimagapta.” Illisimanek pijorititsivok, naglingnerle âᴋiksiovok.

II Korintemiunut 13:5

Nautsertoritse nangminipsingnik okpernermêngmângapse, kiglisiniaritse ilipsingnik. Ubvalo nangminipsingnik illitaringilasê, Jêsusib Kristûsib ilupsingnêninga maluginagô? Atungitutitunilungikupse.

II Korintemiunut 6:16

ᴋanorlo Gûdib iglunga Gûdiungitullo atausiksauvâk? Ilipsele Gûdib ômajub iglogivâsê, Gûde imâk oᴋarmat: Inigijomavakka arvertarlungalo ilungine, Gûdeojomavlungalo tâpkonunga, inuᴋotiginiarpakkalo.

Galâtsiamiunut 2:20

Inôvunga, uvangaungitorle, Kristusele ilumne inôvoᴋ. Mânale uviningme inôsera inôserivara okpernerme Gûdib erninganut, nagliktimnut, ingminiglo tunijomut pivlunga.

Galâtsiamiunut 5:6

Kristuse Jêsuseme kipimanerlônêt kipimanginerlônêt atungimanik; okpernerle naglingnikut piniarnernik saᴋᴋertitsijoᴋ.

Kolossamiunut 1:23

Okpernerme tunganilivluse sôngolerupse sorairase, aulataililuselo oᴋautsit tussarnertut nerriugijauᴋojangine, tussaumajase, oᴋautigijaujut pingortisimajunut tamainut ᴋilaub atânêtunut; tamakkonunga uvanga Pauluse kivgaliarimajunga.

Kolossamiunut 1:27

Gûdib nelonaijaivigijomangmagit nelonartub tamattoma inornadlarninganik nelojune, tâgva Kristûsemik ilupsingnêtomik, ânanâvaksônermik nerriugutiksaujomik.

Kolossamiunut 2:7

Amâtsiortaulerluselo igloliangomaleritse tâpsomane, okpernerme aulajungnangerdluse, sorlo ajoᴋertortaumagapse, angijomiglo tamattominga ᴋujalivigitse.

I Johannesib 4:16

Gûdiblo naglingninga uvaptingnut ᴋaujimavlugo okpirivavut. Gûde naglingniovoᴋ, naglingnimêtsainartorlo Gûdemêtsainarpoᴋ, Gûdelo tâpsomanêpoᴋ.

I Johannesib 4:4

Kitorngârsuit, Gûdemit pivosi, taipkoningalo sâlaᴋarposi; ilupsingnêtoᴋ anginisaungmat silaᴋsoarmêtomit.

Takotitaunermik 3:20

Ahâk, upkuamêpunga avilortarlungalo. Nippimnik tussartokarpat upkuêrlunelo, tâmna iterviginiarpara, Kommunionemiglo nerreᴋatigivlugo, tâpsomalo nerreᴋatigivlunga.