Efêsusemiunut 2:14 - Labrador Inuttitut Heritage Bible

¹⁴ Tâmna ullapirsautigigaptigo, tamarmik atausingortilaungmagik, upko agviarutaujoᴋ serᴋomidlugo, uviningminut ningarosungneᴋ atorungnaitingmago;

Efêsusemiunut 2:14 Iomraidhean Croise

Ester 3:8

Hamanelo atannermut Ahasverosemut oᴋarpok: Inûᴋattigêksoaᴋarpok siamarsimajunik, avilerpullo Inûᴋattigêksuit atanniovît nunanginetut ilûnatik akkornganut, malligaksangillo inûᴋattigêksuit assingita malligaksangititut-ilungilet, atanniublo malligaksauᴋojangit malliklugit pinniarlungilet; atannermullo nâmalungilak taipkoa taimailingatsainarᴋolugit.

Migga 5:5

Tâmnalo ulapirᴋsautigilârpavut; Assiriamioᴋ tikipat nunaptingnut, iglutsiavullo tullerarpagit, makitilârpavut mianersijut 7it angutillo erᴋanartut 8it tâpsomunga.

Saggaria 6:13

Tâmnaluatsiak igloliolârpok Nâlekab katimaviksoanganik; ânanausijaulârporlo, iksivalârporlo aulatsilunelo iksivautaksoamine; ajoᴋertuijoᴋsoaᴋalârporlo iksivautaksoangane; ulapirᴋsauteᴋaᴋatigêgomârpuglo.

Lukase 1:79

Sakᴋertuksauvlune taipkonunga tâᴋtomêtunut, toᴋublo tachalininganêtunut, itigavullo torârtilugit apᴋomut ullapirsartauvionartomut.

Lukase 2:14

Gûde ᴋotsingnermêtok nakoridlartaule, ullapirsauteᴋarle nuname, inungnelo ᴋuvianartoᴋarle!

Johannese 10:16

Sule asinginik saugaᴋuteᴋarpunga iglomit tamattomangat pingitunik. Tâpkoalo tamaunga pititsariaᴋarpakka, nipigalo tusaromârpât, atautsimêlutiglo katimgajomârput, atautsemiglo mianerijeᴋarlutik.

Johannese 11:52

Inûᴋatigêllo kisêtaungitok; Gûdible ᴋitornganginik siamangajunik katersoerᴋovlugo.

Johannese 16:33

Tamattominga oᴋautilaukpapse, ulapirsauteᴋarᴋovluse uvamne. Silaksoarme kappiasungneᴋarpose; manigoritsele, silaksoak sâlagivara.

Apostelit Piniarningit 10:28

Oᴋarvigivaillo: Nalungilase, idluangimat Jûdit ilangata takorngartat ilagikpagit, pulâriartorpagillônêt: Gûdible ᴋaujitilaukpânga, inuit naliallônêt taijaksaungimat nachonartomik maᴋojungnartomiglônêt.

Apostelit Piniarningit 10:36

Oᴋautsit taipkoa Gûdib tilikliutigilauktangit Israêlib ᴋitornganginut ᴋaujimavase, oᴋautjauᴋongmagit ulapirsaumik Jêsuse Kristusekut, ilûnatik Nâlegangatigut.

Rômiunut 5:1

Tagva okpernermut idluarsititaugapta, Gûdemut ulapirsauteᴋarpogut Nâlegaptigut Jêsuse Kristusikut.

Galâtsiamiunut 3:28

Tagvane Jûdillônêt Grîᴋillônêt, tagvane kivgallônêt kivgaungitullônêt, tagvane angutillônêt arnallônêt adsigêngitoᴋangilat; ilûnase atausiogapse Kristuse Jêsuseme.

Efêsusemiunut 2:15

Tamadja, perᴋojat pêrlugit iluserᴋortoᴋojijut; ingmine tâpkoa magguk inuktângordlugik atautsemik, ullapirsailunelo.

Efêsusemiunut 2:17

Tikisimagivoᴋ, oᴋautsinut tussarnertunut ullapirsaumik oᴋâlavlune ilipsingnut, ungasiktomêlauᴋtose, ᴋanitomêlauᴋtunullo.

Efêsusemiunut 3:15

Atâtaujotôjoᴋ tamainut ᴋitornganik taijaujunut ᴋilangmelo nunamelo.

Efêsusemiunut 4:16

Tâpsomangat time iluitoᴋ katisimavoᴋ, navgoallo ilûnatik ingmingnut nablisimavut, ikajortigêngnermut; avatillo ilûnatik ingmikôrlutik atornermingnut time aglivalliatipât idluarsarlugo; naglingnermelo tamakkoa tamaita pivut.

Kolossamiunut 1:20

Tâpsomûnalo ilûnaita ullapᴋosertauᴋovlugit ingminut nunametullo ᴋilangmêtullo, saningajolingme aunganut, saimarsaijomavlune nangminerminut.

Kolossamiunut 2:20

Tagva Kristûse ilagivlugo silaksûb inungita ilusioᴋojanginit, toᴋolerapse, sôk oᴋumaititaulerpisê ilusioᴋojaujunut, sorlo silaksoarme sulle inônajarupsetût?

Kolossamiunut 3:11

Tamattomane pitsangilat Grîᴋillo, Jûdillo, kipimajullo, kipimangitullo, Grîᴋiungitullo, Skitillo, kivgallo, kivgaungitullo: Kristûsele tamaitaksoarnik tamaine pitôvok.

Kolossamiunut 3:15

Ullapirsaullo Gûdemit pijok ataniotênarle ômatipsingne, tamattomunga ᴋaiᴋojaumagivose atautsemik timeoᴋovluse ᴋujalivigitselo.

Ebrêerinut 13:20

Gûdible ullapirsaijub, toᴋungajunit anititsijub Nâlegaptingnik Jêsusemik, saukat mianerijersoanganik, Testamentib issoᴋangitub aunganut,

Ebrêerinut 7:2

Tâmnalo Abrahab tunitsivigivâ perᴋutime ilûnatik tellimaujoanik. Attinga imâk nelonairtauvoᴋ: atanivik idluarnilik. Amalo Sâlemib atanivinga, imaipoᴋ: atanivik ullapirsaijoᴋ;