Efêsusemiunut 2:1 - Labrador Inuttitut Heritage Bible

¹ Ilipsetauk toᴋungatiluse tapatonermullo idluitulinermullo;

Efêsusemiunut 2:1 Iomraidhean Croise

Genesis 8:21

Nâlekablo naimavâ tippitsiariktoᴋ, ômamigullo oᴋarpoᴋ: Kingorngane nuna ominarsititsomairtara inuit pitjutigivlugit; inub ômatingata kajungilarningit ajortoᴋsôngmatta sorusioninganit, kingornganelo ômajut tamaita nungutitsomairtakka, sorlo pisimagama.

Mattêuse 8:22

Jêsusible oᴋautivâ: Malinga, toᴋungajullo toᴋojiatik iluveriartorlitigik.

Lukase 15:24

Ernera tâmna toᴋolauralloardlune ama ômarmingmat; assiosimalauralloarpok, nagvârtauvorlo. ᴋuviasulerpullo tâva.

Lukase 15:32

Serrilutillo ᴋuviasuktuksaugalloarpotit; nukat una toᴋungalauktok ama ômarmingmat; assiosimalauktorlo nagvârtaumingmat.

Johannese 10:10

Tigliktok ᴋailerpangilak, kisiane tiglingnigomavlune, toᴋotsijomavlunelo, aseroijomavlunelo.

Johannese 14:6

Jêsusib oᴋautivâ: Apᴋutauvunga mikseᴋârniovlungalo inôgutauvlungalo; Atâtamut pijoᴋangilak, uvapkut kisiane.

Johannese 5:21

Sôrlo Atâtab toᴋungajut tupaktingmagit, ômartilugillo, taimâk Erningatauk ômartitsivok pijomajaminik.

Johannese 5:25

Âhamarik, âhamarik oᴋaupapse: Stûnde neliutsomârpok, neliutijarêrporlo, toᴋungajut Gûdib Erningata nippinganik tussarvingat; tamattomingalo tussartut inôniarput.

Rômiunut 8:2

Anernerub ômartitsijub Kristuse Jêsuseme perᴋojangita kivgaujungnaitimanga ajornerub toᴋublo perᴋojanginit.

I Korintemiunut 15:45

Sorlo aglaksimangmat: Inuk sivorlerpâk Adame pingortitaulaukpok timeᴋardlune ômajomik tarnilingmik (uvinilingmik); Adamelo kingorlek anerneliotitauvok ômartitsijomik.

II Korintemiunut 5:14

Kristûsib naglingningata taimâk kajungertingmatigut. Issumaᴋarapta imâk: Atauseᴋ tamaita pivlugit toᴋungmat, ilûnatiktagva toᴋovut.

Efêsusemiunut 4:18

Tarningit tâᴋtoᴋsôvut, inôtsemullo Gûdemit pijomut takorngartautitauvut, nalojoᴋsônermut ilumingnêtomut, ômatimiglo sitijoᴋsôninginut.

Efêsusemiunut 5:14

Taimaimat oᴋarpoᴋ: Tupalerit siniktotit, makilutillo toᴋungajunit, tagva Kristusib ᴋaumarsarniarpâtit.

Kolossamiunut 2:13

Ilipsetauk ajornipsingne uvinipselo kipimanginingane toᴋungajose, ômartilaukpâse tâmna ilagilugo, ajornise tamaita issumagijungnairamigit,

I Timôteusemut 5:6

Uviniuble ᴋuviagijanganut inôjok inôvlune toᴋungavok.

I Johannesib 3:14

Kaujimavogut, toᴋomit inôtsimut pigapta, ᴋatangutit nagligigaptigik. Katangutimik naglingitoᴋ toᴋomêtsainarpoᴋ.

Takotitaunermik 3:1

Illagêllo Sardusemiut Engelingat aglagvigiuk Gûdib: anerninginik 7 nik, uvlorianiglo 7 nik peᴋartok imâk oᴋarpok: Piniarnitit ᴋaujimavakka, ômanerartaugavit toᴋungavlutillo.