Efêsusemiunut 1:7 - Labrador Inuttitut Heritage Bible

⁷ Tâpsomane piulijauviksaᴋarapta aunganut, tamadja ajornernit issumagijaujungnainermik, saimarsaumik akluiningagut;

Efêsusemiunut 1:7 Iomraidhean Croise

Hiobe 33:24

Tagva saimarviginiarpâ, oᴋarniarlunelo: Piuliuk, Unnungarᴋonnago asserornartomut; ullapᴋosênermik Sakᴋêvunga.

Imgerut 130:4

Illingne issumagijaujungnaineᴋarmat, sivôragijauᴋovlutit.

Imgerut 130:7

Israelitit Nâlegak nerriugilitsuk; Nâlekame saimarveᴋarmat, piulijauneᴋarlunelo angijomik tâpsomane.

Imgerut 86:5

Igvit Nâlegak ajunginavit illanaksârlutillo; saimarveᴋarlutit angijomik, illûnainut nipliavigijingnut.

Exodus 34:7

Naglingnermik soᴋosertailitsijok tausendeoᴋatartunut, idluitulinernik tappatonerniglo ajornerniglo isumagijungnainiktok, pidlartailitsingitorle ᴋaᴋialerneᴋangitunik; atâtat idluitulininginik pidlarniktok ᴋitorngane, ᴋitorngallo ᴋitorngangine, ernerêt kingorlerêt pingajungit sitamangillo tikidlugit.

Jesaiase 43:25

Uvanga, uvanga idluinitit pêjarpakka uvanga pivlunga, idluitullinitillo issumagijungnairpakka.

Jeremia 31:34

Naliatalo inûᴋatine ᴋatangutinelônêt ajoᴋertoriaᴋaromângilâ oᴋarlunalo: Nâlagaᴋ ilitariniaruk! Ilûnatik ilitarijomârmanga mikinerpâmit anginerpâk tikidlugo, oᴋarpoᴋ Nâlagaᴋ; idluituliningit issumagijungnairomârapkit, ajorningillo erᴋaumajungnairomârapkit.

Daniel 9:19

Nâlegaᴋ, tusalaurit; Nâlegaᴋ, issumagijungnainilaurit; Nâlegaᴋ, naipitolaurit piniarlutillo; akunêdlarnak; nangminît pivlutit, Gudiga, iglugasaksoaᴋotitit inuᴋotitillo taijaungmatta attinut.

Daniel 9:9

Nâlekab Gudipta nâpkiningniᴋ issumagijungnainingnilo pigivâk; uvagulli tâpsomunga oᴋautsarêdlarpogut;

Jona 4:2

Tuksiarporlo Nâlekamut, oᴋarlune: Atso ilâ, Nâlegaᴋ, nelautsingilâᴋ oᴋauserilauᴋtara nunamêtilunga sullê? Tamanna pivlugo erinesuavlunga ᴋemâlauᴋpunga Tarsisimut; ᴋaujimagama Gudeogavit saimarsaijoᴋ ilapsudlartorlo, ningarsaraingitoᴋ nâpkigosudlartorlo, idluitorlo ᴋaᴋialerutigisârangne.

Migga 7:18

Kina iliktut Gudeovâ, issumagijungnainiktoᴋ idluitunik, kingormgutijamelo amiakungita idluitulininginik anigoijôᴋ? Soraijuitomik ningarnine tigumianginalungilâ, nâpkiningneᴋ ᴋuviagigamiuk.

Saggaria 13:1

Uvlorme tâpsomane Dâvidekunut Jerusalemiunullo puilavik matoêrtaujomârpok ajortoêrutiksak ivsornairutiksarlo.

Saggaria 13:7

Saviksoak tupalerit, mianersijiga pâvigilugo, angullo inôᴋatigijara, oᴋarpok Nâlegak Zebaot, mianersijoᴋ annauleruk, saukallo siamartitaulârput; aggakkalo sâtitsomârpakka piarangnut.

Saggaria 9:11

Igvillo ômât, auk ilingnut angerutaulauktok pitjutigilugo parngnanairsortaumajoᴋotitit aulartitsomârpakka itsarmit imeᴋangitomit.

Mattêuse 20:28

Sorlo Inûb Erninga tikingimat, kivgartortaujomavlune, kivgartoriartorlunele, inôserminiglo tunijivlune unuktut piulijaujutiksanganik.

Mattêuse 26:28

Tagva auga, Testamentitâb (aunga), kovijauniartok unuktut pivlugit, ajornerit issumagijaujungnairutiksanginut.

Mattêuse 6:12

Idluinivut issumagijungnaikit, sorlo uvagut idluitulivigijivut issumagijungnaivigigaptigik.

Markuse 14:24

Oᴋautivaillo: Tagva auga, Testamentitâb (aunga) kovijauniartoᴋ unuktut pivlugit.

Lukase 1:77

Inuᴋotingillo illitarsitilugit puilijiksamik, ajornermingnit issumangnarungnaitomik,

Lukase 24:47

Oᴋâlaᴋojilunelo atermine ᴋaᴋialernermik issumagijaujungnainermiglo ajornernit inuᴋatigênut tamainut, Jerusalemiut pigiarᴋârlugit.

Johannese 20:23

Isumagijungnaitase ajorninginit, isumagijaujungnaineᴋarput; isumagijungnainiangitaselo ajorninginit isumagijaujungnaineᴋangilat.

Apostelit Piniarningit 10:43

Tâmna nalautaijut ilûnatik kigligiutigivât, okpertut tâpsomunga ilûnatik tâpsoma atinganut isumangnarungnaitomik ajorninginit pilârmatta.

Apostelit Piniarningit 2:38

Pêtrusib oᴋautivait: Kaᴋialeritse, baptitaulerluselo ilûnase Jêsusib Kristusib atinganut, ajornerit isumagijaujungnairutiksanginut; Anernerub ajunginerub tunergutânik pilârpose tagva.

Apostelit Piniarningit 20:28

Tagva mâna udsertoritse ilipsingnik ilagêktuniglo ilûnainik, Anernerub ajunginerub ajoᴋertuijungortilaungmase tâpkoninga, Gûdib ilagêktitangit pairilugit aungminut pisiarilauktangit.

Apostelit Piniarningit 3:19

Tagva mâna ᴋaᴋialeritse sâgiarluselo, ajornise pêjartauᴋovlugit.

Rômiunut 2:4

Ubvalo akluininga pitsiarnermik ᴋenuersârnermiglo kamangitsertornermiglo nachogiviûk? ᴋaujimangilatît, Gûdib pitsiarningata tassiormatit ᴋaᴋialernermût?

Rômiunut 3:24

Akkeᴋangitomiglo idluarsititaulerput tâpsoma saimarsautânut, piuliklernermut, Kristusib Jêsusib pijanganut;

Rômiunut 3:25

Tâmna Gûdib saᴋᴋertilauᴋpâ saimauservioᴋovlugo okpernermut tâpsoma aunganut, idluarneᴋ sâmine nâmagijaujoᴋ nalonairomavlugo, issumagijungnairamigit ajornerit sivorngagut pilauktut, Gûde ᴋenuêsertortilugo;

Rômiunut 9:23

Nalonairomavlugo ânanaunime angidlarninga iluleᴋutine nâpkinartune, sivorngagut âᴋiksimajamine ânanaunermut.

I Korintemiunut 1:30

Tâpsomûnale ilipse Kristûse Jêsusemêpose; tâmna Gûdib illisimajutiksangortipâ uvaptingnut, idluarsijutiksangordlugolo, ivjornaijutiksangordlugolo, piulijaujutiksangordlugolo.

II Korintemiunut 8:9

Nâlegapta Jêsusib Kristûsib saimarsautâ ᴋaujimagapsiuk, akluitoᴋsôgalloardlune aklulilaungmat pivluse, akluninganut akluititauᴋovluse.

Efêsusemiunut 1:14

Tâmna kingormgutijaksaptingnut nalunaikutarivavut, inuᴋotingita piulijauviksangat tikidlugo, ânanauninga nertortauᴋovlugo.

Efêsusemiunut 1:18

Illisimanipsigut ijeᴋartitauᴋovluse ᴋaumarsarsimajunik, nelojungnairᴋovluse ᴋaiᴋojaumajut nerriugijaksanginik, kingormgutijaksaniglo ânanaudlartunik akluiniliksôjunik ivjornaitune,

Efêsusemiunut 1:6

Saimarsautine ânanaujoᴋ nertortauᴋovlugo, tamattomunga ᴋuviagijautingmatigut erdlingnartome.

Efêsusemiunut 1:8

Tamattominga angijomik pititaujogut sunatuinarnik illisimatitauvluta silatutitauvlutalo.

Efêsusemiunut 2:4

Gûdible nâpkininingnermik akluitub naglingnersoarminut nagligilauramitigut,

Efêsusemiunut 2:7

Naliutuksame pijomârtome sakᴋertitsomavlugo saimarsautime naleᴋangitub amigangininga, uvaptingnut ajungitulinerminut Kristuseme Jêsuseme.

Efêsusemiunut 3:16

Tâpsomunga tunitsivioᴋovluse pitsartunermik ânanauningata amigangidlarninga maliklugo, sangijôtitauvluse Anerninganut ilupsigut,

Efêsusemiunut 3:8

Uvanga ivjornaitunit tamainit mingnerpângojunga, saimarsaumik tamattominga tunitsiviovunga, nalojunut oᴋâlaᴋovlunga Kristusib akluininganik inornartomik;

Filippimiunut 4:19

Gûdimale tunitsivigilise ajoᴋsarungnairutiksapsingnik tamainik, akluinerminut ânanaunerme, Kristuse Jêsusikut.

Kolossamiunut 1:14

Tâpsomane piulijauviksaᴋarapta aunganut, tamadja ajornernit issumagijaujungnainermik.

Kolossamiunut 1:27

Gûdib nelonaijaivigijomangmagit nelonartub tamattoma inornadlarninganik nelojune, tâgva Kristûsemik ilupsingnêtomik, ânanâvaksônermik nerriugutiksaujomik.

Kolossamiunut 2:13

Ilipsetauk ajornipsingne uvinipselo kipimanginingane toᴋungajose, ômartilaukpâse tâmna ilagilugo, ajornise tamaita issumagijungnairamigit,

Kolossamiunut 2:2

Omatingit ᴋaiblartauᴋovlugit ᴋelaksortigêrᴋovlugillo naglingnikut, akluilerᴋovlugillo ilisimajutiksanik tamainik nakimarninangitunik, Gûdemik Atâtamiglo Kristûsemiglo nalonartok illitarilerdlugo.

I Timôteusemut 2:6

Ingminik tunilauktok piulijiksaujomavlune ilûnainut, tamanna oᴋâlatigijauᴋovlugo neliuningane.

Titusemut 2:14

Ingminik tunnilauktub pivluta, piulijomavluta idluitunit tamainit, ivsornaititsijomavlunelo nagminek inoᴋutiksaminik, ataruilijinik piniarnernut ajungitunut.

Titusemut 3:6

(Gûdib) kovilauktangata uvaptingnut amigangitomik Jêsuse Kristûsikut piulijiptigut;

Ebrêerinut 9:22

Ilûnakasatiglo epᴋêjartaulerput aungmut, perᴋojat maliklugit. Aublo kovijauninganut kissianut issumagijaujungnaineᴋarpoᴋ.

I Pêtrusib 2:24

Tâpsoma nangmineᴋ ajornivut timimine pitipait ᴋejungmut, idluitulinermit toᴋungalerᴋovluta, idluarneᴋ inôniarvigilugo. Tâpsoma ikkinginut inûlijauvose.

I Pêtrusib 3:18

Kristusetauᴋ atausiardlune âniatitaungmat ajornivut pivlugit, idluartoᴋ idluitut pivlugit, pititsomavluta Gûdemut, uviningmigullo toᴋotauvlune, anernermigulle ômartitauvoᴋ.

I Johannesib 2:12

Aglavigivapsi ᴋitorngârsukka, ajornisi issumagijaujungnairmatta, tâpsoma attinga pitjutigilugo.

I Johannesib 2:2

Tâmnalo ullapirsautauvoᴋ ajornivut pivlugit; ajornivulli kissêtaungitut, silaᴋsoarmiullitauᴋ ilûnatik ajorningit pivlugit.

I Johannesib 4:10

Naglingniᴋ tamadja: uvagut Gûde nagligigaptigoungitoᴋ, tâpsomali naglingmatigut, Erninelo tililaungmago, ullapirsautauᴋovlugo ajornivut pivlugit.

Takotitaunermik 14:4

Tâpkoa tagga, arnanut ipeᴋtotisimangitut; uigasôgamik, Saugârsuglo namut pijarangat malikpât. Tâpkoa pisiangovut inungnit sivorlerpângovlutik Gûdemut Saugârsungmullo.

Takotitaunermik 5:9

Imgerumiglo nutâmik imgerput oᴋâlavlutiglo: Igvit nelopᴋotingivitôvotit aglait tigulugit, naᴋitjutingillo angmarlugit; igvit toᴋotaugavit, aungnullo pisiarilauraptigut, Gûdemut perᴋutiksautiluta, sunatuinarnit kinguvârênit, oᴋauselingnillo, inugasaksoarnillo, nelojunillo;