Efêsusemiunut 1:22 - Labrador Inuttitut Heritage Bible

²² Tamaitaᴋsuillo tâpsoma itigangita atânnut pitilauᴋpait, tamainelo niaᴋôtilauᴋpâ illagênut,

Efêsusemiunut 1:22 Iomraidhean Croise

Genesis 3:15

Akkerartortigêktitsomavapse igvillo arnarlo, kinguvâksat kinguvângalo; tâpsoma niaᴋut tullidlaromârpâ igville kingmingagut kêjomârpat.

Imgerut 110:1

Nalegak oᴋalaukpok Nâlekamnut: Tallerpingma tungânut ingitit, ômigijingnik illijerᴋârtinanga ittikavît ikovranganut.

Imgerut 91:13

Loevillo ᴋuglugiarâluillo pissugviginiarpattit, Loeviarᴋâllo Drachillo tullerarniarpattit.

Mattêuse 16:18

Oᴋaupagillotauk: Pêtruseovotit, ᴋairtomullo mattomunga illagêktoᴋotikka tungatitsomavakka, taᴋtoksûblo pitsartuningata sâlaginiangilait.

Apostelit Piniarningit 20:28

Tagva mâna udsertoritse ilipsingnik ilagêktuniglo ilûnainik, Anernerub ajunginerub ajoᴋertuijungortilaungmase tâpkoninga, Gûdib ilagêktitangit pairilugit aungminut pisiarilauktangit.

I Korintemiunut 11:3

ᴋaujimaᴋovapsele, angutit naliatalônêt Kristûse niaᴋoringmago, arnable angut niaᴋorivâ, Kristûsible Gûde niaᴋorivâ.

Efêsusemiunut 3:21

Tâmna sorairatik illagêktut Kristuse Jêsusemêtut nertorlitsuk issoᴋangitomit issoᴋangitomut! Amen.

Efêsusemiunut 5:23

Arnab uine niaᴋoringmago, sorlotauᴋ illagêt Kristuse niaᴋoringmatsuk; tâmna piuliklertiogivoᴋ timiminut.

Kolossamiunut 1:18

Tâmnalo niaᴋorivâ timib, tamadja ilagêt; tâmna pigiarniovlune erniarngoᴋârtôvok toᴋungajunit, nâlegauᴋovlugo tamainit sivorliovlune.

Kolossamiunut 1:8

Uvaptingnik ᴋaujititsilaungmijok naglingnipsingnik Anernermit pijomik.

Kolossamiunut 2:10

Ilipselo nâmaksivose tâpsomane, nâlegauvîllo pitsartunerillo ilûnamatsiatik niaᴋorijangane.

Kolossamiunut 2:19

Ataviginago niaᴋok; tâpsomangat time iluitok navgoanut nukkingnullo ikajortauvok nukkeᴋarlerdlune, katitaularmelo, aglivalliavlunelo Gûdib aglivalliatitsininganut.

I Timôteusemut 3:15

Mullulerumale, ᴋaujimaᴋovlutit iliortuksaunernik Gûdib iglungane; tamadja Gûdib ômajub ilagêktitangit, mikseᴋârnerub sukanga tungavingalo aulajungnangertok.

Ebrêerinut 2:8

Tamaita pitilauᴋpatit itigangita atânnut. Tamaita tâpsoma atânnut pitinamigit, sumik kikitaᴋarᴋojingilaᴋ, tâpsominga nâlegaᴋangitomik; sullele takungilavut tamaita tâpsoma atânut pititaumangmatta.