Efêsusemiunut 1:17 - Labrador Inuttitut Heritage Bible

¹⁷ Nâlegapta Jêsusib Kristusib Gûdinganut, ânanaunerub Atâtanganut, tunitjivioᴋovluse Anernermik illisimanartomik nalonaititsijomiglo, tâmna (Kristuse) illitaritsiarlugo.

Efêsusemiunut 1:17 Iomraidhean Croise

I Kronika 29:11

Igvit, anginek, pitsartunerlo ânanaunerlo, sâlaᴋarnerlo, ussornarnarnerlo pigivattit. Ilûnaita ᴋilangmêtut nunamêtullo nangminerigangne. Igvit Nalegak nalegaunek pigivat, pôktojovaksôvotit angajoᴋaksoangolutillo ilûnainut.

Hiobe 42:5

Tussarᴋauvagit siutimnut, ijimalo takkogivâtit mânna.

Imgerut 24:10

Kinauva attannek nâlengnartok taimna? Tagva Nâlegak Zebaot, tâmna attanniôvok nâlengnartok! Sêla.

Imgerut 24:7

Upkoaksuit nerrotosigik, upkoello sillaksoarme pôktosisigik, attannek nâlengnartok itterᴋovlugo!

Imgerut 29:3

Nâlekab nippinga imaksuit ᴋângine ingergavok; Gûde opinartok ᴋallerpok, Nâlegak imaksuit ᴋângine.

Exodus 28:3

Tamaitalo ilisimajunik ômatelît, illumertitakka anernermik ilisimatitsijomik, oᴋarvigijaksarivatit annorâliorᴋovlugit Aronemut ivsornaitoᴋutautitaurᴋovlugo, ajoᴋertuijônerme kivgartorᴋovlugo uvamnut.

Salomob Okâl 18:15

Omat silatôjok ilitarksinermik piksarsivok, ilisimajullo siutingit ᴋenerput tamattominga.

Salomob Okâl 2:5

Tagva sivôranek Nâlekamik tukisilârpet, (timerolârpet) ilitarksinerlo Gûdemik nachvârniarpet.

Jesaiase 11:2

Tâmnalo Nâlekab anerningata tupvigijomârpâ: anernerub sillatunartub illisimanartublo, anernerub issumagiktitsijub pitsartutitsijublo, anernerub illitarsititsijub sivoratitsijublo Nâlekamik.

Jeremia 2:11

Inôᴋatigêksuit tauᴋsêlauᴋsimavât gudingoamingnik gudeolungikaloartunîk? Inuᴋotimale opigijaksarijatik ânanaujoᴋ tauᴋsiutisimavât idluarᴋutiksaungitunut.

Jeremia 24:7

Tunidjivigijomavakkalo ômatinik ilitarᴋsiᴋovlugit uvamnik, uvanga Nâlagaugama; inuᴋotigijomavakkalo tâpkoalo Gudiginiarpânga; ômamut tamânut sâgiaromârmatta uvamnut.

Jeremia 31:34

Naliatalo inûᴋatine ᴋatangutinelônêt ajoᴋertoriaᴋaromângilâ oᴋarlunalo: Nâlagaᴋ ilitariniaruk! Ilûnatik ilitarijomârmanga mikinerpâmit anginerpâk tikidlugo, oᴋarpoᴋ Nâlagaᴋ; idluituliningit issumagijungnairomârapkit, ajorningillo erᴋaumajungnairomârapkit.

Jeremia 9:24

Nertôtijomajuble imaitoᴋ nertûtigiliuk, tukkisigame ilitarᴋsigamelo uvamnik, Nâlagaugamalo piniarneᴋartunga pitsiarnermik, idluarsainermiglo, ajunginermiglo nuname; tamakkoa ᴋuviagigapkit, Nâlagaᴋ oᴋarpoᴋ.

Daniel 10:1

Koresib, Persiamiut ataningata, jâringita pingajuani oᴋausiᴋ nalonaijartauvoᴋ Danielimut, Beltesasarimik atsirataujomut; oᴋausilo miksiᴋârtôvoᴋ, tamadja sorᴋsungnisoarmik; tâpsomalo oᴋausiᴋ tukkisilugo takotitjut ipaksigivâ.

Daniel 5:11

Angutiᴋarpoᴋ ataniovingni gudit ivsornaitut anininganik ilumilingmik; atâtavillo uvlungani ᴋaumarsartauniᴋ, issumatoniᴋ, ilisimanilo, gudit ilisimaningititut, naipitaulauᴋput tâpsomani, ataniublo Nebukadnezarib atâtavit angajoᴋângortilauᴋpâ ilisimajunut, angakonullo, Kaldêarinullo, uvloriaᴋsiortinullo; taimak ataniᴋ atâtait piniarpoᴋ;

Mattêuse 11:25

Taipsomane Jêsuse oᴋalerpok: Atâtak, ᴋilaublo nunablo nâlegangak, nakorivagit, ilisimajunut silatujunullo tamanna angigutjutigigangne, nutaᴋᴋatitun-itunullo nalojungnaitijutigigangne.

Mattêuse 11:27

Tamaita Atâtab tunilaukpait uvamnut. Ernermiglo ilitarsijokangilak, Atâtab kissime ilitarivâ; Atâtamiglo ilitarsijokanginivok, Ernerub kissime, Ernerublo nalojungnaititsomajangita ilitarivât.

Mattêuse 16:17

Jêsusiblo kiovâ oᴋautivlugolo: Pilorikpotit, Sîmon, Jônasib erninga; uvingub aublônêt mattominga nalojungnaitingilâtit, Atâtamale ᴋilangmêtub.

Mattêuse 20:33

Kiovâk: Nâlegak, ijivuk uititauᴋovlugik.

Mattêuse 6:13

Oktortaulungnermut pitinata. Piulitigulle ajortomit. Nâlegaunek, pitsartunerlo, ânanaunerlo pigigangne issoᴋangitomut. Amen.

Lukase 12:12

Anernerub ajunginerub ajoᴋertorniarmase stundeme taipsomane oᴋauseᴋariaᴋarniksapsingnik.

Lukase 2:14

Gûde ᴋotsingnermêtok nakoridlartaule, ullapirsauteᴋarle nuname, inungnelo ᴋuvianartoᴋarle!

Lukase 21:15

Uvanga ᴋanermik ilisimanermiglo tunitjivigijomavapse, ômigijise ilûnaita kionermik akkerartornermiglo ilipsingnut sapilertilugit.

Johannese 14:17

Mikseᴋârnerub Anerninga, silaksoarmiut pijungnangitangat; takunginamitsuk ilitaringinamitsuglo. Ilipsele ilitarivase, ilagitsainarmase, ilipsingnêniarmallo.

Johannese 14:26

Manigoijuble, Anernerûb ajunginerûb, Atâtama tilijomârtangata atimne, tâpsoma ajoᴋertorniarpâse tamainik, erᴋaitiluselo tamainik oᴋauserilauktamnik ilipsingnut.

Johannese 16:3

Taimailiorvigijomârpâse, Atâtagalônêt uvangalônêt ilitaringinamitiguk.

Johannese 17:3

Tamadjauvorle inôgut nungusuitok: ilitarsilune ilingnik, kisivit nelâgut Gûdeogavit tililauktarniglo Jêsuse Kristûsemik.

Johannese 20:17

Jêsusib oᴋautivâ: Aktorniarnanga, takpaungarsimanginama sule Atâtamnut. Ailerille ᴋatangutimnut oᴋautilugillo: Takpaungarniarpunga Atâtamnut Atâtapsingnullo, Gûdimnut Gûdipsingnullo.

Apostelit Piniarningit 6:10

Sillatuningalo anernerlo oᴋâlajutigijanga akkerartorungnangilaᴋit.

Apostelit Piniarningit 7:2

Oᴋarporle Stefanuse: Angutiojose, ᴋatangutigêktose atâtaujoselo, nâlagitse! Gûde ânanaujotuak takotipok ingminik atâtaptingnut Abrahamut, sule Mesopotâmiamêtilugo, Haraneme nunaᴋalauᴋârtinago.

Rômiunut 1:28

Sorlo Gûde illitarivlugo pijariaᴋarasugilaungimatta, Gûdibtauᴋ allarivait kataktidlugit erᴋarsautiâlungnut, mamainartulerᴋovlugit;

Rômiunut 15:6

Kajusimaᴋatigêkmarikluse ᴋanermut atautsemut (sorlo) nertordlerᴋovluse Gûdemik Nâlegaptingnik, Jêsusib Kristusib Atâtanganik.

I Korintemiunut 12:8

Ilangat illisimanartunik oᴋauseᴋarlune tunitjiviovoᴋ Anernermut; ilangalle ilitarsinermik oᴋauseᴋarlune, Anernermut tapsomungainak.

I Korintemiunut 14:6

Tagvale ᴋatangutikka, oᴋâlajartoruma ilipsingnut, oᴋautsit tussarngartat atorlugit, suksaunajarᴋîk ilipsingnut, oᴋâlavigingikupse, sakᴋijâtsiartullônêt, illisimanartullônêt, tukkeᴋartitsinerlônêt, ajoᴋertûserlônêt atorlugît?

I Korintemiunut 2:10

Uvaptingnulle Gûdib nellonaitilaukpâ Anernerminut. Anernerub kiglisiniarmagit tamaita, nalonartuttauk Gûdib itiningit aglât.

I Korintemiunut 2:8

Silaksûb mattoma angajoᴋângita, atautsiblônêt, tamanna illitarilaungilât; illitarilaurunitsuk, Nâlegak ânanaujoksoak kikiaktorajalaungilât saningajolingmut.

II Korintemiunut 12:1

Nertôtinek atornangigalloarpoᴋ uvamnut, takotitjutille nelonarungnaititaunerillo Nâlekamit pijut oᴋautigijomavakka.

Efêsusemiunut 1:3

Nertortaule Gûde Nâlegaptalo Jêsusib Kristusib Atâtanga, saimausermatigut anernilingnut saimanartunut sunatuinarnut, ᴋilaub pinginik illangiutitiluta Kristuseme.

Efêsusemiunut 3:5

Tamanna itsaᴋ ᴋaujijautitaulaungilaᴋ inûb ᴋitornganginut, sorlo nalonairsimangmat mâna Apostelinginut nalautaijoᴋotinginullo ivjornaitunut Anernikut;

Efêsusemiunut 4:13

Ilûnata tikitsiariluta okpernermut atautsemut illitarsinermullo Gûdib erninganik, angutemariolerdluta Kristusib aglisimaringninga tikidlugo.

Filippimiunut 3:15

Nelivut tagva nâmaksijogut taimâk issumaᴋalerta; sumiglo assianik issumaᴋarupse, tamanna Gûdib saᴋᴋijârtiliuk ilipsingnut.

II Timôteusemut 2:25

Tapatojullo inerterungnarlugit, (neriuklune,) Gûdib taipkua sukutsiane tunitsiviginiarmangâgit ᴋaᴋialernermik, mikseᴋârnek illitarijungnarlugo;

Titusemut 1:1

Pauluse, Gûdib kivganga, Jêsusible Kristusib Apostelinga, Gûdib anerijangita okperningit pivlugit, illitarijauᴋovlugolo mikseᴋârnek Gûdemik nâleᴋojijok,

Jâkobusib 2:1

ᴋatangutikka, issumaniarase, okpernek Jêsuse Kristûsemut, ânanaunerub Nâleganganut, inûb kinausinganik kamaᴋojingmat.

II Pêtrusib 1:3

Tâpsoma Gûdib pitsartuningata tunitsivigingmâtigut tamainik inôtsiarnermut arvertarnermullo Gûdib idluarijanganut ilingajunik, illitarsinermut tâpsominga uvaptingnik ᴋairᴋojijomik ânanaunerminut ajunginerminullo;

II Pêtrusib 3:18

Nâlegaptale Piulijiptalo Jêsusib Kristûsib saimarsautâne illitarsinermelo tâpsominga aglivalliatitse. Tâmna nertortaule tamattomane issoᴋangitomullo. Amen.

Takotitaunermik 7:12

Oᴋarlutiglo: Amen, nakorijaunerlo, nâlengnarnerlo, silatunerlo, ᴋujanarnerlo, nertornarnerlo, pitsartunerlo, ajugaᴋanginerlo Gûdipta pigiligit issoᴋangitomit issoᴋangitomut. Amen.