Efêsusemiunut 1:13 - Labrador Inuttitut Heritage Bible

¹³ Tâpsomûna ilipsetauᴋ oᴋauseᴋ mikseᴋârtoᴋ tussaumagapsiuk, tamadja oᴋautsit tussarnertut piulijauviksapsingnik; tâpsomûnatauᴋ okpilerapse, Anernermik ajunginermik angerutaumajomik naᴋititsiviovose.

Efêsusemiunut 1:13 Iomraidhean Croise

Imgerut 119:43

ᴋannimnillo mikseᴋârnerub oᴋausingit pêrniarnagittôk; idluarijattit nerriugigapkit.

Joel 2:28

Pijomarporlo tamattoma kingorngane, anernera kovijomârapko uvinilingnut tamainut; erniselo paniselo nelautaijomârput, ituselo sinnartomajomârput, inôsuktoselo takotitjutinik takojomârput;

Lukase 11:13

Ilipse ajoralloartose ᴋitorngase tunergutinik ajungitunik tunitjivigijungnarapsigik, piluardlune ilâ Atâtab ᴋilangmêtub tuksiarvigijine tunitjiviginiarpait Anernermik ajunginermik.

Lukase 24:49

Ahâglo, atâtama oᴋautigilauktanga ilipsingnut tilijomavara. Ilipsele iglugasaksoarne Jerusalemêtuksauvose, pângat pitsartunermik tunitsivioᴋârase.

Johannese 1:17

Perᴋojalle Môsesekut tunijauvut, saimanek mikseᴋârnerlo Jêsuse Kristûsekut pivuk.

Johannese 14:26

Manigoijuble, Anernerûb ajunginerûb, Atâtama tilijomârtangata atimne, tâpsoma ajoᴋertorniarpâse tamainik, erᴋaitiluselo tamainik oᴋauserilauktamnik ilipsingnut.

Johannese 15:26

Manigoijorle tikitsomârpat, tilijomârtara ilipsingnut Atâtamit, mikseᴋârnerûb anerninga, Atâtamit anijok: tâmna kigligiutsiniarpok uvamnik.

Johannese 3:33

Tâpsomingale illaliortub, tâpsoma naᴋiterpâ Gûdib mikseᴋârtôninga.

Johannese 6:27

Nerᴋiksamik nungusârtomik pinasuarase, inôtsemulle nungusuitomut itsainartomik, Inûb Erningata tuniniartanganik ilipsingnut; tâmna Gûdib Atâtab naᴋitjusilaungmago.

Apostelit Piniarningit 1:4

katersoramigillo, perᴋovait, Jerusalemit aularᴋonagit, Atâtable oᴋautigilauktanganik utakerᴋovlugit, tusalauktapsingnik uvamnit, oᴋarpok.

Apostelit Piniarningit 13:26

Ilipse angutit ᴋatangutigêt, Abrahab kinguvângita ᴋitorngangit, Gûdemiglo sivôrajut ilipsingne, oᴋautsit piulijaujutiksamik tamattominga tilikliutjauvut ilipsingnut.

Apostelit Piniarningit 2:33

Mâna Gûdib talerpiagut ᴋongmuartitaugame, Atâtablo angersimaninga Anernermik ajunginermik pilauramiuk, tâpsominga tagva kovisilaukpok takojapsingnik tusartapsingniglo.

Rômiunut 1:16

Oᴋautsit tussarnertut Kristusemik kangusûtiginginapkit; pitsartuniongmatta Gûdemit piloriktilugit ilûnaita okpertut tâpkununga, Jûdit sivorliovlutik Grîᴋillotauᴋ.

Rômiunut 4:11

Kipimanerle pivâ nalunaikutarilugo, naᴋitjutauᴋovlugo idluarsitisimanermut, okpernermit pijomut, okpernermit kipimalugane pigijarêrtaminit; taimailerdlune atâtaulerᴋovlugo okpertunut ilûnainut kipimangigalloartunut, tâpkoatauᴋ tamattominga idluarsititaujuteᴋarᴋovlugit.

Rômiunut 6:17

Gûde ᴋujagijaule, ajornerub kivgarilaungmâse; mânale oᴋautsit ajoᴋertûtsinik maligaksapsingnik ômamut nâlekapsigik;

II Korintemiunut 1:22

Naᴋisimavâtiguttauᴋ, Anernermiglo tunitsivigiluta nelunaikutaksaptingnik ômatiptingnut.

II Korintemiunut 6:7

Mikseᴋârtomik oᴋauseᴋarluta, Gûdemit pitsartuneᴋarluta idluarnerub pingit sakkogivlugit talerpiptigut saumiptigullo;

Galâtsiamiunut 3:14

Abrahâb saimautjauninga perᴋovlugo nelojunut Kristuse Jêsusikut, Anernermik angerutaumajomik peᴋarᴋovluta okpernermut.

Efêsusemiunut 4:21

Tâpsominga tussarluse tâpsomanelo ajoᴋertortaujomavluse pilaurupse: tagva, sorlo mikseᴋârneᴋ Jêsusemêngmat,

Efêsusemiunut 4:30

Gûdiblo Anerninga ajungineᴋ kiksartiniarasiuk, tâpsominga naᴋititsiviomagapse uvlormut piulijauviksamut.

I Tessalônikamiunut 2:13

Tamanna pivlugo uvaguttauᴋ sorairata Gûde ᴋujagivavut: Gûdib oᴋausinginik tussartapsingnik uvaptingnut ajoᴋertortaugapse, tamakkoa illaliulaurapsigik inûb oᴋausingititu-ungitoᴋ, Gûdible oᴋausingititut; sorlo mikseᴋârtôngmatta, pitsartujoᴋsôvlutiglo ilupsingne, ilipse okpertose.

II Timôteusemut 2:15

Pinasuatsialerille Gûdemut takotilutit idluartomik sanajotut passijaksaungitotut, mikseᴋârnerub oᴋausinginik ingmigôlingatitsijotut idluartomik.

II Timôteusemut 2:19

Gûdible tungavilianga sôngojok aulajungnangerpok, imaitomik nalunaikutalik; Nâlekab pine illitarivait; imaitomiglo: Kristûsib atinganik taisijok idluitulinermik atorungnairle.

II Timôteusemut 3:15

Sorusionernillo ᴋaujimagangne aglait hailigit, tâpkoa ajoᴋertortaujutigijungnarpatit, piulijauᴋovlutit okpernermut Kristûse Jêsusemut.

Titusemut 2:11

Gûdib saimarsautâ piulijaunartok sakᴋersimangmat inungnut tamainut;

Ebrêerinut 2:3

ᴋanoᴋ uvagut ᴋemâjungnarᴋitâ, piulijauneᴋ taimak angitigijoᴋ kamagingikuptigô? Tamanna Nâlekab oᴋautigiᴋâlaungmago, tamattominga tussartut ᴋaujijautipât uvaptingnut.

Jâkobusib 1:18

Issumaminik tâpsoma ernertârilaukpâtigut, mikseᴋârnerub oᴋausertanginut; sivorliojôᴋovluta pingortitanginit.

Jâkobusib 1:21

Taimaimat maᴋojungnartut ajornerillo tamaita pêjarniarsigik; akkerartoraselo ilaliorsiuk oᴋausek, ilupsingnut pititaujok, tarnipsingnik piloriktitsijungnartok.

I Pêtrusib 2:10

Ilipse sivorngane inuᴋatigêlaungitose; mânale Gûdib inuᴋotigivâse; itsarlo saimarsauteᴋangitose, mânale saimautjauvose.

Takotitaunermik 7:2

Engelillo tâpkoa assingat takogivara, nuilertok seᴋiniub nuilervinganit, Gûdib toᴋosuitub naᴋitjutânik peᴋartok; nippersoarmullo nipliadlarpok Engelinut sitamanut nuna imârbiglo aᴋᴋunarniarlugik perᴋojaumajunut.