Ebrêerinut 8:9 - Labrador Inuttitut Heritage Bible

⁹ Testamentitut taipsotunaungitoᴋ angerutigilauᴋtaptut angajoᴋânginut, uvlorme taipsomane, aggangit tigulaurapkit aulartilugit nunamit Egiptenemit. Testamentimne soᴋosijuilaungimatta, kamagijomalaungilakkatauᴋ, Nâlegaᴋ oᴋarpoᴋ.

Ebrêerinut 8:9 Iomraidhean Croise

Jeremia 31:32

Angiᴋatigêngnertut taipsotunaungitoᴋ angerutigilauᴋtaptut angajoᴋânginut, uvlorme taipsomane, aggangit tigulaurapkit aulartilugillo nunamit Egiptenemit; angiᴋatigêngnerale soᴋosijuitilaungilât, Nâlagaulauraloarama tâpkonunga, oᴋarpoᴋ Nâlagaᴋ.

Galâtsiamiunut 4:24

Tamakkoa oᴋautsit adsigêgutiksauvut. Tâpkonunga (taijaungmanik) Testamentik magguk; aipâ ᴋaᴋᴋamit Sinaimit pijoᴋ, kivgartortuksanik ernilijoᴋ; tagva Hagar.

Markuse 8:23

Tautungitorlo aggangitigut tiguvâ, tessiorlugolo iglugasait silatânut, ijîgiglo ᴋetserarlugik, aggangminullo aktorlugo aperivâ: Sumîk takovêt?

Apostelit Piniarningit 13:11

Mânalo ahâk, Nâlekab aggangita ᴋolangiarpâtit, tautugungnairtuksauvotit, seᴋinerlo akunit tautungniangilat. Tagvainarlo pujoksoamêlilarmelo (sorlo) târmiolerpok; maungatuinarlo ᴋenerialerpok tassiortiksaminik.

Apostelit Piniarningit 9:8

Saulusele makipok nunamit, uitaleramelo tautungilak sumik, aggangitigulle tiguvât, tasiorpâllo Damaskusemut.

Mâlaki 2:13

Amalo imailivose: Nâlekab tunerguservinga mattuvase ᴋugvinut, ᴋeanermullo, anersauminermullo, tunergutit nerᴋiksat kamagijungnairmagit, ᴋuviasuklunelo ilaliolungimagit aggapsingnit.

Amos 5:22

Ilâ, tunerguservigigaloarupsinga tunergutipsingnik ôtaksanik tunergutiniglo nerᴋiksanik, ilalioromangilakka; kamagijomangilakkalônêt tunergutise ᴋujalitiksat nergjutit ᴋoinijut.

Hesekiel 16:59

Imâk oᴋarmat Nâlegaᴋ Nâlegaujoᴋ: Piniarvigijomavagit sorlo igvit piniaravit, angermaringneᴋ naggogigangne angiᴋatigêngneᴋ uniorlugo.

Hesekiel 16:8

Sennerᴋogapkille takonârlutillo, ahâk, pinasuaraksaunît neliutisimalauᴋpoᴋ; uligalo issivilauᴋpara ilingnut, ussinganît uliklugo: ila, tunganartomik oᴋarvigilauᴋpagit angiᴋatigilutillo, oᴋarpoᴋ Nâlegaᴋ Nâlegaujoᴋ, perᴋutigilauᴋpagillo.

Jesaiase 63:9

Kappiasûtigijangit tamaita kappiasûtigivaittauᴋ, kênangatalo engelingata piulivait. Nagligigamigit nâpkigivlugillo, ᴋelluvait. Kiviklugillo erᴋsukpait uvlut tamaita itsaᴋsoarnit.

Jesaiase 40:11

Mianersijotut kattimajoᴋotine mianerivait. Saugârait kattitipait tallerminut sârdliarlugillo, saukkallo amâmaktitsijut tassiutsiarpait.

Imgerusersoak 8:5

Kinauva tâmna majorartok sunaᴋajuitomit, egangajorlo illanârijaminut? Nâppartub paungâluliksab attâne tuppaksarlaukpagit, anânavit ernivigilauktangane illingnik, erniarilauktivit ernivigilauktangane illingnik.

Imgerut 105:43

Taimak innugasaksoaᴋotine aularutivait ᴋuviasuklune, annerimajangillo erᴋiêrtorlune.

Imgerut 78:57

Tunnulaukpullo, nertornartaililutiglo atâtamiktut, katsungainatiglo, pittiksetut ᴋassungajotut;

Imgerut 77:20

Inugasasoaᴋotitit tassiulaukpâttit saukatitut kattimgajutitut Mosekut Aronekullo.

Hiobe 8:20

Taimaimat takkoit, Gûdib idluitailijut egilungimagit, kassêtullo aggangit najumilungimagit;

Deuteronomy 29:25

Oᴋartoᴋaromârpok tagva: ᴋemailaungmatta Nâlekab, atâtagijangita Gûdingata, angerᴋatigêngnerijanganik naᴋitertanganik tâpkonunga tikiutilaungmagit nunamit Egiptenemit;

Deuteronomy 29:12

Naᴋitsiᴋovlutit Nâlekab Gûdivît angerᴋatigêngnerijanganik nelautsimariktitanganik Nâlekab Gûdivît âᴋiksortanganik ilingnut uvlome;

Deuteronomy 29:1

Tamadja angerᴋatigêngnerûb oᴋausertangit, Nâlekab Mosesemut âᴋiksoraksauᴋojangata Israêlib ᴋitornganginut nuname Moabeme, angerᴋatigêngnerûb âᴋiksortanga tâpkonunga Hôrebeme aipanga.

Exodus 34:10

Oᴋarporlo: Ahâk, angeᴋatigêngnelioromavunga inuᴋotingnut tamainut, tatamnartulijomavungalo sorlo nunaksoarme ilûnâne inôᴋatigêksoarnelo nalliane piniartoᴋalauᴋsimangimat: inuillo ilûnnatik najortatit takojuksauvut Nâlekab sulianganik: ᴋoaksârnarmat suliarijomajara ilingne.

Genesis 19:16

Tuavilukatailingmalle, angutîk aggangitigut tiguvâk, Lote nuliangalo pannîgiglo, Nâlekab nâpkigingmago, aulartipâglo. Iglugasaksuille avatânêtilugo ᴋemakpâk.

Jesaiase 41:13

Uvanga Nâlegaugama Gûdit, tallerpikkut illingnik tigusijoᴋ oᴋarvigivlutillo: Sivoraniarnak, uvanga ikajorpagit.

Jeremiab Ogguarutigijangit 4:16

Nâlekab kênangata siamangatilaukpait, kamagijomairpaillo; opigosulaungimatta ajoᴋertuijunik, ilaliulaungimattalo angajoᴋaujunik.

Jesaiase 51:18

Kitorngame erniarijame illũnamatsiatik akkornganne tassiortiksaᴋangilaᴋ. Kitorngame inugoijame illũnamatsiatik akkornganne tigumiartuksaᴋangilaᴋ.

Exodus 32:8

Sangusaraidlarput apᴋomit apᴋutaurᴋojamnit tâpkonunga: kovimajomik nochangoaliorput nangminermingnut, tuksiarvigivâllo tunerguservigilâllo, oᴋarlutik: Tagga gûdise, Israêle, tikiutijise nunamit Egiptenemit.

Apostelit Piniarningit 7:36

Tâpsoma aulartipait, piniarlunelo tatamnartunik nalunaikutaniglo Egipteneme, imarbingmelo aupaluktame, inuᴋajuitomelo jârit 40 it nâvlugit.