Ebrêerinut 2:9 - Labrador Inuttitut Heritage Bible

⁹ Tâmnale anikitomik Engelinit mingnersautitaujoᴋ, Jêsusiongmat takovavut, toᴋub ânernadlarningagut niaᴋôsersimajoᴋ nertornarnermik nâlengnarnermiglo, Gûdib nâpkiningninganut toᴋomik ôksiniarᴋovlugo tamaita pivlugit.

Ebrêerinut 2:9 Iomraidhean Croise

Genesis 3:15

Akkerartortigêktitsomavapse igvillo arnarlo, kinguvâksat kinguvângalo; tâpsoma niaᴋut tullidlaromârpâ igville kingmingagut kêjomârpat.

Jesaiase 11:1

Nutaijortomik nuijoᴋaromârpoᴋ Isaib kippanganit, akkeromiglo perortoᴋaromârpoᴋ amânganit.

Jesaiase 7:14

Taimaimat Nâlekab nangmineᴋ nallunaikutamik tunitjivigijomârpâse. Ahâk, uigasuk singaivoᴋ ernermiglo ernijomârpoᴋ, tâmna Imânuelemik (imaipoᴋ: Gûdib illagivâtigut) atseraromârpâ.

Mattêuse 16:28

Âhamarik oᴋautivapse: Nangertut ovane ilangita toᴋo ôngniangilât, Inûb Erninga nâlegaunermine aggertok takoᴋârnago.

Mattêuse 6:28

Sôklo annorât siaklerutigivisigîk? Paunaujaujârtut naternamêtut, ᴋanok perortut takunârsigik; sanangilat, pergaingilallônêt.

Markuse 9:1

Oᴋautivaillo: Ahamarik, oᴋautivapse, nangertut ovane illangita toᴋo ôngniangilât, Gûdib nâlegauvinganik pitsartovlune tikitomik takoᴋâratik.

Lukase 9:27

Âhamarik, oᴋautivapsele: Nangertut ovane ilangita toᴋo ôngniangilât, Gûdib nâlegauvianik takoᴋaratik.

Johannese 1:29

Uvlub aippangane Johannesib Jêsuse nelipsariartortine takovâ oᴋarlunelo: Ahâk tagga Gûdib saugârsunga silaᴋsoarmiut ajorninginik nangmartok!

Johannese 10:17

Tamanna pivlugo Atâtama nagligivânga, inôsera tunigapko, ama tiguserᴋovlunga tamattominga.

Johannese 12:32

Uvangalo ᴋangatartitauniaruma nunamit, ilûnnaita amuaromavakka uvamnut.

Johannese 3:16

Imâk Gûdib silaᴋsoarmiut nagligivait, Ernetuane tunilugo, ilûnnatik okpertut tâpsomunga asioᴋonagit, nungusuitomigle inôguteᴋarᴋovlugit.

Johannese 8:51

Âhamarik, âhamarik oᴋaupapse: Oᴋausimnik maliktub, toᴋo takoniangilâ isoᴋangitomut.

Johannese 8:52

Tagva Jûdit oᴋautivât: Mâna nelojungnairpogut Sâtanaseᴋaravit. Âbraha toᴋolauᴋpok, nelautaijullo; oᴋarpotillo: Oᴋausimnik maliktub toᴋo ôngniangilâ isoᴋangitomut!

Apostelit Piniarningit 2:33

Mâna Gûdib talerpiagut ᴋongmuartitaugame, Atâtablo angersimaninga Anernermik ajunginermik pilauramiuk, tâpsominga tagva kovisilaukpok takojapsingnik tusartapsingniglo.

Apostelit Piniarningit 3:13

Abrahab Isaablo Jâkoblo Gûdingata, atâtagijapta Gûdingata, ᴋitorngane Jêsuse ânanausitilaukpâ, unertujutigilauktase misiarutigilauktaselo Pilatusemut, taipsoma aularᴋojomagalloarmago.

Rômiunut 5:18

Taimaimat, sorlo atautsib idluitulininganut sutainartoᴋ inungnut tamainut pingmat, taimaktauᴋ atautsib idluarninganut inuit ilûnaita idluarsititaulerput inôniarlutik.

Rômiunut 5:8

Taimaimat Gûdib naglingnine uvaptingnik nalonaijarpâ, Kristuse pivluta toᴋolaungmat, sulle ajortoᴋsôtiluta.

Rômiunut 8:3

Perᴋojab ajortanga, uviningmut ajulertitaumangmat, tamanna Gûdib pivâ, Ernine tiligamiuk, uviningmut ajortolingmut adsioᴋovlugo, tunergutiksauᴋovlugolo ajornerit pivlugit, ajortorlo uviningmioᴋ erᴋartorpâ;

Rômiunut 8:32

Tâpsoma Ernine aglât ivlerinago tamaptale pivluta tunidlalauramiuk, tâmna illagilugo tamainik tunitsiviginajangilâtigût?

II Korintemiunut 5:15

Tâpsomalo tamaita toᴋotigivait, inôjut kingorngane nangminermingnut inôniaᴋonagit, tâpsomungale pivlugit toᴋolauᴋtomut makisimangmijômullo.

II Korintemiunut 5:21

Ajortomik ᴋaujimangitoᴋ ajortungortilaungmago pivluta; uvagut tâpsomane idluartungortitauᴋovluta Gûdib sângane nâmagijaujomik.

Galâtsiamiunut 4:4

Neliuningale neliusimangmat, Gûdib ernine tilivâ, arnamit erniangojoᴋ, perᴋojanik nâleklune;

I Timôteusemut 2:6

Ingminik tunilauktok piulijiksaujomavlune ilûnainut, tamanna oᴋâlatigijauᴋovlugo neliuningane.

Ebrêerinut 1:9

Idluarneᴋ ivlerivat, iluserlungnerillo ômigivatit; tamanna pivlugo Gûdib, Gûdivît mingoalauᴋpâtit orᴋsumut ᴋuviasûtiksamut, piluartomik illangnit.

Ebrêerinut 10:5

Tamanna pivlugo, silaᴋsoarmut pigame, oᴋarpoᴋ: Tunergutinik piliutiniglo pijomalaungilatit, timemigle âᴋiksoilauᴋpotit uvamnut.

Ebrêerinut 11:5

Okpernermut Enog aularudjauvoᴋ, toᴋo takonago, nenijaunanelo, Gûdib aularutingmago; aularutjauᴋârtinago kigligiutaungmat, Gûdemut ᴋuviagijaungmat.

Ebrêerinut 12:2

Jêsuse takunârlugo, okpernermik pigiarnikteolarmelo nâmaksititsijeojoᴋ; tâmna ᴋuviasûteᴋarungnarajalauᴋtoᴋ, seningajolik ᴋenuersârlune atorpâ, kangunarningalo kamagingillâ, mânalo iksivajoᴋ Gûdib iksivautaᴋsoangane, talerpiata tungâne.

Ebrêerinut 2:7

Anikitomik Engelinit mingnersauterᴋârdlugo, nertornarnermik nâlengnarnermiglo niaᴋôsilauᴋpat, aggakpîllo pingortitanginut Nâlegangortidlugo;

Ebrêerinut 7:25

Taimaimat tâpsomûna Gûdemut pijut, tâpsoma piulijungnarpait soraijunane; inôtsainarlarmelo tuksiarutivait.

Ebrêerinut 8:3

Ajoᴋertuinerôjulle atunit perᴋojauvut tunerguserᴋovlugit piliutinik tunergutiniglo; taimaimat tâmnatauᴋ piksaᴋartuksauvoᴋ, tunerguserungnarᴋovlugo.

I Pêtrusib 1:21

Gûdible toᴋungajunit tupaktipâ, ânanaujoᴋsoangartilugolo, Gûdemut okperᴋovluse, tatteᴋarᴋovluselo.

I Johannesib 2:2

Tâmnalo ullapirsautauvoᴋ ajornivut pivlugit; ajornivulli kissêtaungitut, silaᴋsoarmiullitauᴋ ilûnatik ajorningit pivlugit.

Takotitaunermik 19:12

Ijîgiglo ikomatut ikoalajotut-ipuk, unuktuniglo niaᴋôteᴋarpok niaᴋomine, aglaksimajomiglo ateᴋarpok kialônêt ᴋaujimangitanganik, nangminek kissime (ᴋaujimavâ).

Takotitaunermik 5:9

Imgerumiglo nutâmik imgerput oᴋâlavlutiglo: Igvit nelopᴋotingivitôvotit aglait tigulugit, naᴋitjutingillo angmarlugit; igvit toᴋotaugavit, aungnullo pisiarilauraptigut, Gûdemut perᴋutiksautiluta, sunatuinarnit kinguvârênit, oᴋauselingnillo, inugasaksoarnillo, nelojunillo;