Ebrêerinut 2:1 - Labrador Inuttitut Heritage Bible

¹ Taimaimat oᴋauseᴋ tussartavut nâleluariaᴋarpavut tamarᴋonata.

Ebrêerinut 2:1 Iomraidhean Croise

I Kronika 22:13

Tagva pilloridlarniarpotit, kamatsiaruvit Gûdib perᴋojangit, idluarijangillo, Nalekab perᴋolauktangit Mosesekut Israelitinut malliklugit pinniarᴋovlutit. Maksoalerit mungotaililutillo, sivoraniarnak, ᴋoaksanganaglo!

Imgerut 119:9

ᴋannok innuosuktok apᴋosinermine passijaksaunane arvertarniarᴋâ? Oᴋautsitit malliklugit piniarune.

Salomob Okâl 3:21

ᴋitorngâk, (ilisimanek) nûtailitiuk ijingnit; silatunermiglo issumaksarsiornermiglo ivlersilerit.

Habakûb 1:6

Tagva, âhâk, Kaldêamiut, inôᴋatigêksuit erᴋsinartut kajusidlartullo, makititsomârpakka; nunaᴋsûb silingningagut ingeraromârtut, nunat pigilungitatik pijomavlugit.

Habakûb 2:16

Nertornaumik pinak naggonaumik ilumertauvotit; igvittauᴋ imerit, kipimaneᴋangitotullo îlerit; ᴋajûtaᴋ Nâlekab talerpingmiutanga ilingnut sangutitaulârpoᴋ, nertornautigijallo saujaulârpoᴋ kangusungnermut mamaidlartomut.

Mattêuse 16:9

Sulle tukkisingilasê? Erᴋaumangilase ᴋakᴋôjanik tallimanik ipkoninga, 5,000 inût? Amârgaujat ᴋapsit tattalaukpisigîk torᴋorlugillô?

Markuse 8:18

Ijeᴋarluse takolungilasê, siuteᴋarluse tussangilasê, erᴋainaselônêt ipsomingâ?

Lukase 8:15

Ivjoriktomulle pijut, tâpkoangovut, oᴋautsinik tussartut, torᴋorlugillo ômamingne idluartome, sulugaineᴋtârlutiglo sanaugaksatalingnik ᴋenuêdlutik.

Lukase 9:44

Oᴋautsit ukkua siutipsingnut tussarsigik, Inûb Erninga pititaujariaᴋarmat inuit agganginut.

Johannese 8:59

Tagva ujarᴋanik tigusivut milloromavlugo. Jêsusele ijerpok anilunelo katimavingmit, akorngatigut.

Deuteronomy 4:23

Udjertoritse nangminipsingnik, puigorᴋonase Nâlekab Gûdipse angerutigijanganik ilipsingnut, adsingoaliorᴋonaselo sunab adsinganik Nâlekab Gûdivît inerterutigijanganik ilipsingnik.

Deuteronomy 4:9

Udjertortuinarit ilingnik, tarnîllo katsungaidlutit pairiuk, puigorᴋonak pisimajunik ijîkpît takojangangnik, pêjarᴋonagillo ômatingnit uvlut inôvigilârtatit tamaita nâvlugit; ᴋaujijautikille ᴋitorngarnut ᴋitorngavillo ᴋitornganginut;

Ebrêerinut 12:5

Puigorêrpaselo oᴋauseᴋ taimna nakoᴋsinadlartoᴋ ilipsingnut, ᴋitornganut sorlo pijoᴋ Ernîk, Nâlekab sugiarninga nachoginiarnago, mungunganiarnaglo, tâpsomunga pidlartauguvit.

II Pêtrusib 1:15

Pinasuaromavungale tamattominga erᴋaumajaksaᴋatsainarᴋovluse kingunimne.

II Pêtrusib 3:1

Tamadja aglangma aipangit ilipsingnut, naglingnartose; tamakkonunga tupaktiluselo erᴋaitipara issumase nelâgôrtoᴋ;