Ebrêerinut 13:2 - Labrador Inuttitut Heritage Bible

² Siniktarvionermik puigorniarase, illangit, taimailioramik, ᴋaujimanatik Engelinut siniktarviolaungmatta.

Ebrêerinut 13:2 Iomraidhean Croise

Genesis 18:1

Nalekablo saᴋᴋervigivâ Mamrib napârtungine, tupperme pângane iksivatilugo uvlub kiaᴋadlarningane.

Genesis 19:1

Engelik magguk taipkoa Sodomamut tikkipuk unnulertilugo, Lotele Sodomab itertarviksoangane iksivavoᴋ. Lotiblo takogamigik, nikovipoᴋ pagreartorlugik, nunamut okkolerlune.

II Atannit 4:8

Nalliutomelo taipsomane pijoᴋalaukpok, Elisa Sunememut aingmat. Tagvane arnaᴋalaukpok akluitomik, tapsoma innapa nerriᴋovlugo tapsomane. Tagvûnarlaurangamelo ittervigitsainnarpa nerriᴋattigilâlo.

Hiobe 31:19

Kina takkolaukpigo asserorlune annorâkangimat? Aklujorlo agvertarᴋolaukpigo ulleᴋarane?

Hiobe 31:32

Tujormijak sillatânetuartuksaulaungilak, upkoarale upkoêlaukpara ingergajomut.

Jesaiase 58:7

Ammalo: Kâktoᴋ aitoruk nerᴋiksarnik, ajulertut inniksaᴋangitut iglomut itterᴋokit; annorâᴋangitomiglo takoleruvit, annorâᴋartileruk, uviniᴋaᴋatit allarniarnago.

Leviticus 19:34

Takorngartak nunaᴋartok akunapsingne ilingavigijaksarivase nuname inûlertotut, iliktullo nagligijaksarivat; ilipse takorngartaulaurapse nuname Egipteneme; Uvanga Nâlegauvunga Gûdise.

Mattêuse 25:35

Kâktilunga nerritilaurapsinga. Imeruktilunga imertilaurapsinga. Tujormitilunga iterᴋolaurapsinga.

Mattêuse 25:40

Nâlekablo kioniarpait oᴋautivlugillo: Âhamarik oᴋaupapse: Ukkua ᴋatangutima mikinerojut ilangat sumik pitinapsiuk, tamattominga uvanga pilaukpapsinga.

Mattêuse 25:43

Tujormitilunga iterᴋolaunginapsinga. Annorairsimatilunga annorârtilaunginapsinga. ᴋanimatilungalo parngnanairsimavingmêtilunga pullâlaunginapsinga.

Apostelit Piniarningit 16:15

Baptitauleramele iglomioᴋatingillo, tâpsoma kaiblarpâtigut, oᴋarlunelo: Okperasugigupsinga Nâlekamut, iteritse iglumnut, tagvanêtsainarluse, katsungaitomiglo iterᴋovâtigut.

Rômiunut 12:13

Ivsornaitut ajoᴋsarninginut angajoᴋauniaritse; siniktarviojomatitse.

Rômiunut 16:23

Gajusib, uvangalo ilagêktullo ilûnatik tujormiovigijapta salutipâse. Erastusib iglogasaksoarmiut kênaujanginik pairsijub salutipâse; taimaktauᴋ Kuartusib ᴋatangutib.

I Timôteusemut 3:2

Taimaimat ajoᴋertuinerôjok passijaksausuertuksauvok, arnab atautsib uinga, kamatsiatsainarlune, nâmatuinartomik pilune, ilusitsiariklune, siniktarviogajuklune, ajoᴋertuitsiarajuklune;

I Timôteusemut 5:10

Piloriktoᴋutaungmijok ajungitulinermik, ᴋitornganik perorsailaurune, siniktarviogajuklune, ivsornaitut (okpertut) itiganginik ubvalauklune, ajoᴋsartuniglo pitsialauᴋlune, ajungitunik tamainik pinasualauklune.

Titusemut 1:8

Siniktarviogajuklune, ajungitomiglo nagligosuklune, nâmatuinartomik pilune, idluarlunelo, ivsornailunelo, ikliguktaililunelo;

I Pêtrusib 4:9

Siniktarvioᴋatigêgitse avamugase.

III Johannesib 1:5

Naglingnartotit ômât! ᴋatangutigênut tujormianullo iliornît, nertornartomik pivotit.