Ebrêerinut 1:2 - Labrador Inuttitut Heritage Bible

² Kingorlermik Ernikut oᴋalauᴋpoᴋ uvaptingnut uvlune tamakkonane. Tâmna kingormgujijuksangortilauᴋpâ tamaitaᴋsoarnik, tâpsomûnatauᴋ silaᴋsoaᴋ pingortilauᴋpâ.

Ebrêerinut 1:2 Iomraidhean Croise

Genesis 49:1

Jakuble ernine ᴋairᴋovait oᴋarlune: Katimatitse, nalojungnairtitsomagapse tikkitautigijomârtapsingnik nalliutome pijomârtome.

Jesaiase 2:2

Uvluksat kingorlingine pijoᴋaromârpoᴋ imâk: Kaᴋᴋaᴋ, Nâlekab iglungata tungavia, ᴋaᴋᴋat ᴋângannẽtsomârpoᴋ poᴋtonersauvlune ᴋaᴋᴋârulangnit tamainit, nallojullo illunamasiatik akpangervigijomârpât.

Jesaiase 44:24

Nâlegaᴋ piulijit, pairijit anânavit timinganit oᴋarpoᴋ imâk: Uvanga Nâlegauvunga, tamainik piniartunga; kissima ᴋilak issivipara nunamiglo nerrototitsivunga, ikajorteᴋarnanga.

Jesaiase 45:12

Uvanga nuna sanavara, uvangalo inuit nunamẽtut pingortipakka, uvanga aggamnut ᴋilak issivipara, pitanginullo illũnamasianginut Nâlegauvunga.

Jesaiase 45:18

Imâk oᴋarpoᴋ Nâlegaᴋ, ᴋilangmik pingortitsijoᴋ, Gûdeojoᴋ, nunamik sanajoᴋ âᴋiksorlugolo tunganelivlugolo; — tamannalo pingortilungilâ inuᴋartailivlugo, inuᴋarᴋovlugole âᴋiksorpâ — : Uvanga Nâlegauvunga assimniglo Nâlegaᴋangilaᴋ.

Jeremia 30:24

Nâlakab ningaumajârninga uterniatsangilak piniarᴋârane nâmaksititsiᴋâranalo ômatime kajusijutigijanganik; uvluksane kingorliojune tukkisilârpase tamanna.

Jeremia 48:47

Uvlunele kingorliojune Moabib aularutijauningat utertitsomârpara, oᴋarpoᴋ Nâlagaᴋ. Moabib erᴋartortauninga kigleᴋarpoᴋ tamâne.

Hesekiel 38:16

Tikitsomârpotillo inuᴋotimnut Israêlikunut, nuvujatut nuna mattuvlugo; uvluksane kingorliojune tikiutijomârpagit nunamnut, inôᴋatigêksuit ᴋaujimaᴋovlugit ivsornaititaugama ilingne, Goge, tâpkoa ijingita sângine.

Daniel 10:14

Tikipungali mâna ajoᴋitoromavlutit naliutijomârtunik inuᴋotingnut uvluni kingorliojuni: takotitjut uvlut unuktut ᴋângipatta kissiani nalaulârpoᴋ.

Daniel 2:28

Kilangmili Gudeᴋarpoᴋ nalonaijaijomik nalonadlartunik, tâpsomalo ataniᴋ Nebukadnizari nalonaijaivigivâ pijomârtuksanik uvluni kingorlini. Sinnartômanît, niaᴋovîllo takotitjutigijanga iglini inangatilutit, imaipoᴋ:

Hosea 3:5

Kingorngane Israêlib ᴋitorngangit sâgiaromârput, Nâlegarlo Guditik Davidelo atanitik ᴋenerlugik; uvluksanelo kingorlerne sivôravlutik tikitsomârput Nâlekamut pitsiarninganullo.

Migga 4:1

Pijomarporle uvlune kingorliojune Nâlekab iglungata ᴋaᴋanga palangititaujomârmat pijariaᴋortonerpauvlune ᴋaᴋanit, ᴋagvertitauvlunelo ᴋaᴋanit; inôᴋatigêllo tagvunga ᴋerdlerutijomârput.

Numbers 24:14

Mânalo, ahâk, inôᴋatimnut ailerpunga; ᴋailerit, oᴋautitsomavagit inugiartoᴋsuit pinialârninginik inuᴋotingnut neliutome pijomârtome.

Mattêuse 13:39

Akkerartorte ukkuninga karngasuijok tagva Sâtanase. Katersivik tagva silaksûb mattoma naggatiksanga. Kibluijut tagva Engelit.

Mattêuse 17:5

Sulle taimâk oᴋartilugo, ahâk nuvujab ᴋaumajub ullikpait. Ahâglo, nippe nuvujamit oᴋarpok: Tagga ernera nagliktara, ᴋuviagijara, tâmna nâleksiuk!

Mattêuse 21:38

Perorsêvilerijulle erninga takogamitsuk, ingmingnut oᴋalerput: Tagga kingormgujijuksak; attê toᴋoniarlavut, kingormgutijaksangillo uvagut pigilerlugit.

Mattêuse 26:63

Jêsusele niplingilak. Ajoᴋertuijoksûblo kiovlugolo oᴋautivâ: Gûdib ômajub kênangata sângane aperivagit, oᴋautitigut Kristûseomangârpit, Gûdib Erninga.

Mattêuse 28:18

Jêsusible tikipait oᴋautivlugit oᴋarlunalo: Tunitjiviovunga pitsartunernik tamainik ᴋilangmelo nunamelo.

Mattêuse 3:17

Ahâglo, nippe ᴋilangmit oᴋarpok: Tagva ernera nagliktara, tâmna ᴋuviagijara.

Markuse 1:1

Tamadja oᴋautsit tussarnertut pigiarningat Jêsuse Kristusemik, Gûdib Erninganik.

Markuse 12:6

Sulle ernetauᴋarpoᴋ nagligijaminik; tâmna kingorliotilerdlugo tiligiva taipkonunga, oᴋarlune: Ernera ileraginiarpât.

Markuse 12:7

Perorsêvilerijulle ingmingnut oᴋarput: Tagva kingormgujijuksaᴋ; attê, toᴋoniarlavut, kingormgutijaksangillo uvagut pigilerdlugit.

Johannese 1:10

Silaᴋsoarmêlauᴋtok, silaᴋsoarlo tâpsomunga pingortitauvok; silaᴋsoarmiullo illitaringilât.

Johannese 1:14

Oᴋauserlo uviniolerpok, inôᴋatigilutalo, (ânanauningalo takolauᴋpavut, ernetuab Atâtamit pijub ânanauningatut) saimanelijartok, mikseᴋârnelijartorlo.

Johannese 1:3

Tamaitaᴋsuit tâpsomunga pingortitauvut, tâpsomalo assiagut pingortisimangilat pingortisimajut.

Johannese 13:3

Jêsuselo ᴋaujimagame, tunitjiviogame tamainik aggangminut Atâtamut, Gûdemillo pilaurame, Gûdemullo ainiarame;

Johannese 13:32

Gûde ânanausijaugune tâpsomane, Gûdibtauk ânanausiniarivâ ingmine, ânanausisârpâlo.

Johannese 15:15

Mattoma kingorngane oᴋangilanga kivgaugapse; kivgak ᴋaujimangimat angajoᴋâme piniarninginik. Ilipsele ilannârijimnik taimavapse; tamainik Atâtamnit tusalauᴋtamnik, nelojungnaitilaurapse.

Johannese 16:15

Tamaita Atâtab pigijangit pigivakka. Tamanna pivlugo oᴋautivapse: Pimnit tigusiniarpok oᴋautigilugolo ilipsingnut.

Johannese 17:2

Sôrlo pitsartunermik tunitjivigigangne uviningnut tamainut, inôtsemik nungusuitomik tunijerᴋovlugo ilûnnainut, tunijarnut tâpsomunga.

Johannese 3:16

Imâk Gûdib silaᴋsoarmiut nagligivait, Ernetuane tunilugo, ilûnnatik okpertut tâpsomunga asioᴋonagit, nungusuitomigle inôguteᴋarᴋovlugit.

Johannese 3:25

Tagva Johannesib ilinniartingit Jûdillo ingmingnut apersôtilerput sujungainermik (baptitaunermik).

Johannese 5:26

Sôrlo Atâta inôseᴋarmat ingmine, taimâktauk Ernine tunitjivigivâ inôseᴋarᴋovlugo ingmine.

Johannese 5:27

Pitsartunermiglo tunitjivigivâ, erᴋartuirᴋovlugotauk, Inûb Erneringmago.

Johannese 9:29

ᴋaujimavogut, Gûdib Môsese oᴋaᴋatigingmago; taimnale ᴋaujimangilavut, nakit pingmangât.

Apostelit Piniarningit 10:36

Oᴋautsit taipkoa Gûdib tilikliutigilauktangit Israêlib ᴋitornganginut ᴋaujimavase, oᴋautjauᴋongmagit ulapirsaumik Jêsuse Kristusekut, ilûnatik Nâlegangatigut.

Apostelit Piniarningit 2:17

Uvlut kingordlingine imaitsomârpok, Gûde oᴋarpok: Anernera kovijomavara inungnut ilûnainut; erniselo paniselo nalautsitiksanik oᴋaromârput, inôsuktoselo angutit takotitjutinik tautugomârput, ituselo sinnaktômajomârput.

Rômiunut 1:4

Pitsartunermulle nalonairsimajoᴋ Gûdib ernerijanga, Anernikut ivjornaititsijokut, makininganit toᴋungajunit,) tagva Jêsuse Kristuse Nâlegavut;

Rômiunut 8:17

Kitorngaugaptale, kingormgujijuksaugivoguttauᴋ, imaipoᴋ, Gûdemit kingormgujiluta, Kristuselo kingormgujeᴋatigilugo; kappianarnernik peᴋaᴋatigiguptigo, ânanauseᴋattaujomârᴋovlutatauᴋ.

I Korintemiunut 2:7

Gûdible ilisimaninga ijersimajok nelonartorlo oᴋautigivavut; tamanna Gûdib silaksoaᴋarᴋârtinago perᴋolaukpâ ânanausijaujutiksaptingnut.

I Korintemiunut 8:6

Taimaigalloartilugo, atausênarmik Gûdeᴋarpogut, Atâtamik; tâpsomangat ilûnnamatsiatik pivut, uvagullo tâpsomanêpogut; atausênarmiglo Nâlegaᴋarpogut Jêsuse Kristûsemik, tâpsomûna ilûnnamatsiatik pivut uvagullo tâpsomûna.

Galâtsiamiunut 4:4

Neliuningale neliusimangmat, Gûdib ernine tilivâ, arnamit erniangojoᴋ, perᴋojanik nâleklune;

Efêsusemiunut 1:10

Naliutikpatta uvlut oᴋautigijauᴋovlugo, tamaita ᴋilangmêtullo nunamêtullo atautsemut niaᴋomut katititsomavlugit Kristuseme, tâpsomuna nangmineᴋ;

Efêsusemiunut 3:9

Tamaitalo illitarsitiniarlugit nalonalauᴋtub ilinganinganik, silaᴋsûb pigiarninganit ijersimajomik Gûdeme, tamaitaᴋsoarnik Jêsuse Kristusikut pingortitsijome;

Deuteronomy 18:15

Nâlekab Gûdipse nelautaijomik tunitjivigijomârpâse ᴋatangutipsingnit, uvaptun-itomik; tâmna tusâgoraksarivase;

Deuteronomy 31:29

ᴋaujimagama toᴋuma kingorngane asserormarilârapse ilipsingnik, sangulârapselo apᴋomit perᴋojijutigimajamnit ilipsingnut; idluitûblo nelaulârpâse uvlune kingorliojune; pinialârapse Nâlekab idluigijanganik, tâmna ningarsarlugo aggapse sulianginut.

Deuteronomy 4:30

Kapiasungnermêguvit, tamakkoa ilûnatik tikipatit uvlune kingorlerne, uteromârpotit Nâlekamut Gûdingnut, tâpsomalo nippinga nâleklugo;

Ebrêerinut 1:5

Engelit nelianut oᴋarsimanermât: Ernerivagit, uvlome ernertârivagît? Imâglo: Atâtaginiarpânga, uvangalo erneriniarivarâ?

Ebrêerinut 1:8

Ernerle pivlugo oᴋarpoᴋ: Gûde, iksivautat issoᴋangitomit issoᴋangitomut itsainarpoᴋ; nâlegauvikpît ajaupianga opigijaujutiksaᴋ naggojôvlune opigijautiksauvoᴋ.

Ebrêerinut 11:3

Okpernermut illitarsivogut, silaᴋsoaᴋ Gûdib oᴋausinganut pingortisimangmat; takuksaujut tamaita pingortitaumangmatta sunaungitomit.

Ebrêerinut 2:3

ᴋanoᴋ uvagut ᴋemâjungnarᴋitâ, piulijauneᴋ taimak angitigijoᴋ kamagingikuptigô? Tamanna Nâlekab oᴋautigiᴋâlaungmago, tamattominga tussartut ᴋaujijautipât uvaptingnut.

Ebrêerinut 3:6

Kristusele Erniovlune (Gûdib) iglunganut nâlegauvoᴋ; iglunga tamadja uvagut, sungertûtiksaᴋ nerriungnerlo nertornautigijavut aulaijungnangeruptigik naggatânut.

Ebrêerinut 4:14

Ajoᴋertuinerôjoᴋsoaᴋarapta tagva, Jêsusemik, Gûdib erninganik, ᴋilangmut aimajomik; kigligiutsineᴋ (okperniptingnik) atavigênarlavut.

Ebrêerinut 5:8

Erniogalloardlune Gûdemut nâlengnermik illinialauᴋpoᴋ siorniortitaunerminut;

Ebrêerinut 7:28

Perᴋojat ajoᴋertuinerôjungortitsivut inungnik sangêtunik; oᴋauserle angermaringnermik illaᴋartoᴋ, perᴋojat kingorngatigut oᴋautaujoᴋ, Ernermik pititsivoᴋ, issoᴋangitomut nâmaksiviktomik.

Ebrêerinut 7:3

Atâtaᴋangitoᴋ, anânaᴋarminane, illaᴋanginivoᴋ, uvlungillo pigiarneᴋangilat, inôsingalo naggateᴋanginivoᴋ; Gûdible erninganut adsiotitauvoᴋ, ajoᴋertuijôtsainarlune issoᴋangitomut.

Ebrêerinut 9:26

Taimaikune âniatitauᴋattarajalauᴋpoᴋ silaᴋsûb pigiarninganit. Mânale silaᴋsûb naggatâne atausiardlune saᴋᴋerpoᴋ, ajornerit pêjariartorlugit, ingminik tunivlune.

I Pêtrusib 1:20

Tâmna sivorngagut issumaksarsiorutaumalauralloarpoᴋ silaᴋsoaᴋ tunganilijauᴋârtinago, saᴋᴋersimajorle neliunerit kingorlingine pivluse, tâpsomûna okpertose Gûdemut;

II Pêtrusib 3:3

Tamannalo ᴋaujilerᴋârsiuk, uvlut kingorlingine mitauteᴋartoᴋaromârmat, ikligunermingnut inôniartunik,

Jûdasib 1:18

Oᴋarvigingmase, uvlut kingorliksangine mitauteᴋartoᴋaromârmat, ikligunitik maliklugit inôniartunik, Gûde iperarlugo.