Deuteronomy 9:9 - Labrador Inuttitut Heritage Bible

⁹ Taipsomane ᴋakᴋamut majorarsimatilunga aglagvîk ujaraujûk tigujomavlugik, tagva aglagvîk Nâlekab angerᴋatigêngneliarimajangata ilipsingnut aglaksimaviak, ᴋakᴋamêlauᴋpunga uvlunik 40nik unnuaniglo 40nik; nerᴋiksamik nerrinanga imiksamiglo imernanga.

Deuteronomy 9:9 Iomraidhean Croise

I Atannit 19:8

Makkiporlo, nerrilunelo imerlarmelo, pisukporlo nerᴋiksab tamattoma nakkoksititsininganut, uvlut 40 git unnuallo 40 git nâlugit, Gûdib ᴋakᴋanga Horebe tikkilugo.

II Atannit 6:22

Tamna oᴋarpok: Ullimaraksaringilattit. Angujattit saviksoakotingnut, pittiksekotingnullo, taipkoa ullimarkit. Sâmiutsivigikit ᴋakᴋojanik immermiglo, nerriᴋovlugit immerᴋovlugillo, aularkolugillo angajoᴋakotinganut.

Exodus 24:12

Nâlekablo Mosese oᴋautivâ: Majorarit uvamnut ᴋakᴋamut, tagvanêtuarlutillo: tunitjivigijomavagillo aglaksimavingnik ujarᴋanik, maligaksaniglo perᴋojaniglo aglaktamnik; ajoᴋertuijungnarᴋovlutit tâpkoninga.

Exodus 24:15

Moseselo majorarpok ᴋakᴋamut, nuvujablo ᴋakᴋak ulikpâ.

Exodus 24:18

Moseselo nuvujab iluanut iterpok, majorarlunelo ᴋakᴋamut: Moseselo ᴋakᴋamêpok uvlunik 40nik unnuaniglo 40nik.

Exodus 31:18

ᴋiakᴋamelo Sinaime Mosese oᴋaᴋatigijarêramiuk tunitjivigivâ aglagvîngnik maggûngnik kigligiutjineᴋtalîngnik, aglagvîngnik ujarângnik, aglagviomajûngnik Gûdib tikinganut.

Exodus 32:1

Inuillo malugosugamik Mosese atersarnasârmat ᴋakᴋamit, inuit Aronemut katersorput, oᴋarvigivlugolo: Atê, gûdingoaliortigut sivuniptigut ingergajuksanik; Mosesele imna, angut majuartitivut nunamit Egiptenemit, nalovavut ᴋanoelingamangât.

Exodus 34:28

Tagvanêporlo Nâlegak ilagivlugo uvlunik 40nik unuarniglo 40nik; nerrilungilak imilungilarlônêt. Aglagvîngnullo aglakpait angeᴋatigêngnerub oᴋausertangit, perᴋojat 10.

Mattêuse 4:2

Uvlunalo 40 ine unnuanalo 40 ine nerringiname, kâlerpok.

Galâtsiamiunut 4:24

Tamakkoa oᴋautsit adsigêgutiksauvut. Tâpkonunga (taijaungmanik) Testamentik magguk; aipâ ᴋaᴋᴋamit Sinaimit pijoᴋ, kivgartortuksanik ernilijoᴋ; tagva Hagar.

Deuteronomy 8:3

Manigotitilauᴋpâtillo, kâktilutillo, nerritilauᴋpâtillo mannamik ilitaringitarnik, atâtavillônêt ilitaringitanganik; nelojungnaititsomavlutit inûb ᴋaᴋᴋôjatuinaᴋ inôtigingimago, Nâlekable oᴋausingit tamaita, ᴋaninganit anijut, inôtigingmagit.

Deuteronomy 9:11

Uvlullo 40 unnuallo 40 nângmatta, Nâlekab aglagvîk ujaraujûk maggûk ᴋaipâk uvamnut, tagva anerᴋatigêngnerûb aglaksimavingak.

Deuteronomy 9:15

Sanguvunga tagva atersârlungalo ᴋakᴋamit, ᴋakᴋarlo ikoâlavok ikomamut; angerᴋatigêngnerûblo aglaksimavîgik maggûk iglutorlunga tigumiarpâka.

Deuteronomy 9:18

Pâmakterpungalo Nâlekab sângane, sorlo sivorngane pilaurama, uvlut 40 unnuallo 40 nâvlugit; nerᴋiksamik nerringilanga imiksamiglo imingilanga; idluinise tamaita idluitulinerijase pivlugit, idluitomik piniarapse Nâlekab takkoane, tâmna ningarsârlugo.

Ebrêerinut 9:4

Tagvanêlauᴋpuk iluleᴋut isserluanititsivik goldeojoᴋ, iklerviglo kigligiutjineᴋtalik, ilûnane ᴋallersimajoᴋ goldemik; mattoma iluane iluleᴋuteᴋalauᴋpoᴋ goldemik, Mannanik pitalingmik, Aroniblo ajaupianganik nutaijoᴋtalilauᴋtomik, ujarᴋangniglo sâtungnik, angersimanerub aglaksimavîgingnik.