Deuteronomy 9:7 - Labrador Inuttitut Heritage Bible

⁷ Erᴋailerit, puigorniarnaglo, Nâlegak Gûdît ningarsâlaurangne sunaᴋajuitome; uvlormit aularkigijarnit nunamit Egiptenemit, tikiutinise tamaunga tikidlugo Nâlegak akkerartorpase.

Deuteronomy 9:7 Iomraidhean Croise

Exodus 14:10

Faraolo ᴋaglilermat, Israêlikut ijitik arlortipait, sunaubvalo, Egiptenemiut malikpait; kapiasudlalerpullo, Israêlikullo Nâlegak nipliadlarvigivât.

Exodus 14:11

Mosesemullo oᴋarput: Iluviksaᴋangimat Egipteneme aularutivitigût sunaᴋajuitome toᴋorᴋovluta? Sôk taimailiorvigivitigût, aularutiluta Egiptenemit?

Exodus 16:2

Ilagêllo Israêlikut ilûnnatik oᴋarnerlûtjivut Mosesemut Aronemullo sunaᴋajuitome;

Exodus 17:2

Taimaimat inuit Mosese oᴋarnerlûtivât, oᴋarlutiglo: Imermik tunitjivigitigut imerungnarᴋovluta. Mosesiblo akkivait: Sudluse oᴋarnerlûtivisingâ? Suna pivlugo Nâlegak ôktorpisiûk?

Exodus 23:21

Ileragiuk, nipingalo nâleklugo, sinaungasarniarnagolo; tappanise isumagijungnairniangimagit: atera tâpsomanêngmat.

Jesaiase 48:8

Tamanna tussalungilat, ᴋaujimalungilallo, siutîkiglo angmalungilak sivorngane, ᴋaujimagapkit nallâgôlunginavit, nutaraunernillo tappatojoᴋsôjomik taijaugavit.

Jeremia 11:10

Uterput atâtagilauᴋtangita, oᴋauserijamnik tuseromalaungitut, idluitulininginut; malikpullo Gudib assinginik, kivgartoromavlugit; Israêlib kinguvângita Judablo kinguvângita angiᴋatigêngneᴋ angerutigilauᴋtara atâtagijanginut, serᴋomipât.

Jeremia 32:30

Israêlib ᴋitorngangit Judablo ᴋitorngangit idluitulilaungmatta sâmne inôsungnermingnit; Israêlib ᴋitorngangita ningarsârtuinarmanga aggangita piniarninginut, oᴋarpoᴋ Nâlagaᴋ.

Jeremia 44:9

Puigorᴋisê atâtapse idluitulininginik, Judablo ataningita idluitulininginik, tâpkoalo nuliangita idluitulininginik, ilipselo idluitulinipsingnik, nuliapselo idluitulininginik, piniarnerijanginik Judab nunangane Jerusalemiblo apᴋosiniâlunginê?

Hesekiel 20:13

Israêlible ᴋitorngangita tapagilauᴋpânga sunaᴋajuitome; arvertalaungilat maligaksauᴋojamne ajaktuivulle perᴋojamnik, inûb tamakkoa piniarpagit inôjûtigilârpait; sabbatikkalo sôngojomik ivsornaijungnaitipait: oᴋarpunga tagva ningaumajârnera kovijomagapko tâpkonunga sunaᴋajuitome, nungutsomavlugit.

Hesekiel 20:43

Tagvanelo erᴋaijomârpose apᴋotigijapsingnik piniarnerijapsingniglo tamainik, ivsornartitsijutigijapsingnik ilipsingnik, maᴋojugilârposelo ilipsingnik, piungitulinerit piniartase tamaita pitjutigilugit.

Hesekiel 20:8

Tâpkoale tapagilauᴋpânga nâlegomanangalo; egitsijoᴋangilaᴋ ijingita maᴋojungnarutigijanginik, iperaingilallônêt Egiptenemiut gudingoanginik: oᴋarpunga tagva, kovisivigijomavakka ᴋaningaumajâdlarnimnik, nâmaksijomavlugo ningaumajârnera tâpkoninga tagvane Egipteneme.

Hesekiel 36:31

Tagva erᴋaumalârpose apᴋotipsingnik idluitunik, piniarnipsingniglo idluangitunik; maᴋojugilârposelo ilipsingnik takojapsingne idluitulinerilauᴋtase maᴋojungnartulinerilauᴋtaselo pivlugit.

Numbers 11:4

Takorngartallo sunatuinait tâpkoa akornganêtut ikligudlalerput; Israêlikullo ᴋeasungogivut, oᴋarlutiglo: Kia nerᴋejamik tunitjiviginiarpâtigût, nerriᴋovlutâ?

Numbers 14:22

Inuit makkoa ilûnatik tautulauᴋtut ânanaunimnik nelunaikutamniglo piniartamnik Egipteneme sunaᴋajuitomelo, 10ertorlutigle pikablâviᴋartut uvamnik, nipigalo nâlengnago;

Numbers 17:10

Nâlekablo Mosese oᴋautivâ: Aronib ajaupianga utertiuk kigligiutjineᴋtaliub sânganut, piulimajauᴋovlugo nelunaikutaksauvlune pikablâdlartut ᴋitornganginut, sorairtitisiᴋovlugit tâpkoa oᴋarniluteᴋarninginik uvamnik, toᴋoᴋonagit.

Numbers 21:5

Inugiartoᴋsuillo Gûdelo Moseselo oᴋarnilutigivakit, Suna pivlugo tikiutivitigût Egiptenemit toᴋoᴋovluta sunaᴋajuitomê? Niaᴋôjaᴋangimat imeᴋangimallo, tarniptalo nerᴋiksalugasait makkoa ariupait.

Numbers 25:2

Tâpkoa inuit innamagit tunerguserviksiorvingmingnut gûdingoamingnut; inuillo nerrivut, gudingoangillo tuksiarvigivait.

I Korintemiunut 15:9

Uvanga mingnerôvunga Apostelinit; nelopᴋotijunga taijaunermik Apostelemik; Gûdib ilagêktoᴋotingit unangmilaurapkit.

Efêsusemiunut 2:11

Taimaimat erᴋainiaritse, ilipse mattoma sivorngagut nalojôlaurapse uvinikut, kipimangitunik taijaumavluse ipkonunga taijaujunut kipimajunik uvinikut, aggangnut.

Deuteronomy 31:27

Nelunginapko tapajoksônît, ᴋongaseᴋarnîllo ᴋerratajomik; ahâk, uvlome sulle inôᴋatigigapse Nâlegak tapagiᴋattarpase; imaᴋa anginersamik tokuma kingorngane taimailârpose.

Deuteronomy 8:2

Erᴋaijuksauvotillo apᴋomik ilûnânik Nâlekab Gûdivît tesiorvigijanganik ilingnik jârit makkoa 40 nâvlugit sunaᴋajuitome, nikanarsârtitsomavlutit ôktoromavlutillo, ᴋaujijomavlune sunamik ômamiutaᴋarmangârpit, perᴋojat malingniarmangângne malingniangimangângnelônêt.

Deuteronomy 9:24

Nâlegak tapagitsainarpase, uvlormit ilitarᴋsitainarnimnit ilipsingnik.

Deuteronomy 9:4

Nâlekab Gûdivît ajaktorsimakpagit sivunernit, oᴋarniarnak ômatingne: Idluarnera pivlugo Nâlekab tamaungautipânga nuna tamanna pigilugo perᴋovlunga; inôᴋatigêksuit tâpkoa idluiningit pitjutigilugit Nâlekab ajaktorpait sivunernit.