Deuteronomy 9:5 - Labrador Inuttitut Heritage Bible

⁵ Idluarnît pitjutigilugo ômativîllônêt nelâgôrninga pitjutigilugo itilungilatit nunangat piginiarlugo; inôᴋatigêksuille tâpkoa idluiningit pitjutigilugit Nâlekab Gûdivît ᴋemâtipait sivunernit, oᴋauserlo Nâlekab angermariklune oᴋautigijanga atâtagijarnut Abrahamut, Isaarmullo, Jakomullo soᴋosijuiᴋovlugo.

Deuteronomy 9:5 Iomraidhean Croise

Genesis 12:7

Nâlekablo Abra saᴋᴋervigivâ oᴋautilâlo: Kinguvâksarnut nuna manna tunijomârpara. Tagva tunerguserviliorpoᴋ tagvane Nâlekamut saᴋᴋervigijiminut.

Genesis 13:15

Nuna takojat ilûnât tunijomavara perᴋutautsainartilugo illingnut kinguvâksarnullo.

Genesis 15:16

Ernerêlle kingorlerêt sittamaingit tamaunga utteromârivut, Amoriterit idluituliningat sulle nâmaksingimat.

Genesis 15:7

Oᴋautivâlo: Uvanga Nâlegauvunga aularᴋojijoᴋ illingnik Uremit Kaldeamêtomit, nuna tamanna tunijomagapko illingnut, perᴋutaurᴋovlugo illingnut.

Genesis 17:8

Nunalo tujormiangovigijat, nuna Kânaane ilûnât, illingnut tunijomârpara kinguvâksarnullo kingunikkut, perᴋutautsainarᴋovlugo (tâpkonunga), Gûdigijomârpângalo.

Genesis 19:29

Gûdible iglugasaksuit nunab tamattoma erᴋânêtut asseroramigit, Abraha erᴋaumavâ, Lotelo aulartipâ iglugasaksoarnit mumiktaminit, Lotib nunagilauᴋtanginit.

Genesis 26:4

Kinguvâksatillo unuksivalliatitsomavakka ᴋilaub uvloriangititut, kinguvâksarnullo nunat tamakkoa tamaita tunijomavakka. Kinguvâksakullo inôᴋatigêksuit nunamêtut ilûnamatsiatik saimausertaujomârput,

Genesis 28:13

Sunaubvalo, Nâlegaᴋ ᴋollâne nangerpoᴋ oᴋarlunelo: Uvanga Nâlegauvunga, atâtavit Abrahab Gûdinga, Isaablo Gûdinga. Nuna innangavigijat tunijomavara illingnut kinguvâksarnullo.

Exodus 32:13

Abraha, Isaarlo, Israêlelo, kivgatit, erᴋaumalaukit, tâpkonunga angermarilauravit ilingnik taivlutit, oᴋautilugillo: Kinguvâksase unuksititsomavakka sorlo ᴋilaub uvloriangititut, nunalo tamanna oᴋautigijara ilûnnane tunijomavara kinguvâksapsingnut, tâpkoalo kingormgutijaksarivât isoᴋangitomut.

Hesekiel 20:14

Piniarpungale attera issumagivlugo, tâmna ivsornaijungnaititauᴋonago inôᴋatigêksuit aularutjivigilauᴋtama tâpkoninga sângine.

Hesekiel 36:22

Tamanna pivlugo Israêlib ᴋitorngangit oᴋautikit: Imâk oᴋarpoᴋ Nâlegaᴋ Nâlegaujoᴋ: Ilipse pivluse, Israêlib ᴋitorngangit, tamanna pinialungilara, aterale ivsornaitoᴋ pivlugo, ivsornartitase inôᴋatigêksuit aivigijapse akorngane.

Hesekiel 36:32

Ilipse pivluse taimailiolungilanga, oᴋarpoᴋ Nâlegaᴋ Nâlegaujoᴋ, tamanna ᴋaujijaksarivase; iktôdlaritse kangusukluselo iluserijase pivlugit, ilipse Israêlib ᴋitorngangit.

Leviticus 18:24

Tamakkoa nalianelônêt ivsornartiniarase ilipsingnik; tamakkonane tamaine inôᴋatigêksuit, ungolartoromajakka sivunarsingnit, ivsornartitaungmatta;

Leviticus 18:25

Nunalo ivsornartitauvok; taimaimallo idluitoksôningit akkiniarutigijomavakka tâpsomunga; nunablo inuᴋotine merriarpait.

Migga 7:20

Nertornarnît unertutigilârpat Jakomut, nâpkiningnîllo Abrahamut, angerutigilauᴋtatit atâtagijaptingnut itsarsoarme.

Apostelit Piniarningit 3:25

Nalautaijut angersimanerublo ᴋitorngarivâse, Gûdib pilauktangata atâtagijapsingnut, Abrahamut oᴋalaurame: kinguvâksarnut inuᴋatigêksuit ilûnamatsiatik saimartitaujomârput.

Rômiunut 11:28

Oᴋautsit tussarnertut maliklugit ômigijauvut (Gûdemut) ilipse pivluse; anerimanerle maliklugo nagligijauvut, atâtat pivlugit.

Rômiunut 15:8

Oᴋarpungale: Jêsuse Kristuse kivgaulauᴋpoᴋ kipineᴋartunut, Gûdib mikseᴋârninga pivlugo angersimaneᴋ atâtanut pijoᴋ soᴋosijuerᴋovlugo.

Deuteronomy 1:8

Ahâk, nuna angmarpara ilipsingnut; tagvungarluse pigilersiuk nuna angerutigilauᴋtara atâtapsingnut, Abrahamut, Isaarmullo, Jakomullo, tunijomavlugo tâpkonunga kinguvânginullo kinguningine inôjunut.

Deuteronomy 12:31

Taimailiortuksaungilatit Nâlekamut Gûdingnut; tagva Nâlekab maᴋojugijanginik ômigijanginik tamainik Gûditik piniarpait; aglât ernitik panitiglo ôtautipait ikomamut Gûdimingnut.

Deuteronomy 18:12

Taimailiortut tamaita Nâlekab maᴋojugingmagit; maᴋojungnartulinerillo tamakkoa pitjutigellugit Nâlekab Guvidît ᴋemâtipait sivunernit.

Deuteronomy 18:9

Tikisimaguvit nunamut Nâlekab Gûdivît tunijanganut ilingnut, iliniartuksaungilatit inôᴋatigêksuit tâpkoa maᴋojungnartuliningit igjaromavlugit.

Deuteronomy 20:18

Ajuᴋertuiᴋonagit ilipsingnik maᴋojungnartulinermik piniarnerijangit Gûdimingnut maliklugit; taimailiorluse Nâlegak Gûdise idluituliviginajarapsiuk.

Titusemut 3:5

Idluartulinerit pinialauktavut pitjutiginagit, nâpkigosungnerminulle tâpsoma piloriktilaukpâtigut, erniangupsârnerub ubvautânut, Anernerublo ajunginerûb nutângortitsininganut,