Deuteronomy 9:3 - Labrador Inuttitut Heritage Bible

³ ᴋaujilerit tagva, Nâlegak Gûdît tâmnaungmat sivunerne ingergajok ikomamut nungutsijok; tâpsoma nungutsomârpait, tâpsomalo oggotitsomârpait sivunerne; taimaglo ᴋemâtitsomârpatit asserorsarailugillo, sorlo Nâlekab oᴋautingmatit.

Deuteronomy 9:3 Iomraidhean Croise

Exodus 23:23

Engelima sivorlerniarpâtit, tikitilutillo Amoriterinut, Hetiterinullo, Perisiterinullo, Kânaaniterinullo, Heviterinullo, Jebusiterinullo; tâpkoalo kippigomavakka.

Exodus 24:17

Nâlekablo pinarnarningata tautuᴋapoᴋ sorlo ikomatut nungutsijotut ᴋakᴋaub ᴋângane Israêlikut ijinginut.

Jesaiase 27:4

Ningarneᴋ illumnẽngilaᴋ. Ukpigait perornerdluktullo kakkilautiggit akkerartulinga! Sorsuklugit tikkitsomârpakka, illũnaita ikkillugit.

Jesaiase 30:27

Ahâk, Nâlekab attinga ᴋaningitomit aggerpoᴋ, ningausinga ikkoalavoᴋ ikkoalaningalo aᴋtornarpoᴋ, ᴋangasinâgik ᴋanningajârnermik pitalîk, oᴋangalo ikkomatut-ipoᴋ nungutitsijotut.

Jesaiase 30:30

Nâlekablo nippine nâlengnartoᴋ tussaksautitsomârpâ, takkuksautillugolo talline issamijoᴋ ᴋanningaumajârnikut ikkomablo nungutitsijub ikkoaladlarningagut kallukullo sillaluksoakullo nattarᴋonnatigullo.

Jesaiase 30:33

Ikkoalaviksoaᴋ itsaᴋsoarnit pijarêrsimavoᴋ, attanermuttauᴋ pijarêrsimavoᴋ, ittijôvlune nerrotovlunelo; ikkoalaviksoarlo ikkomaᴋarpoᴋ ikkomaksaᴋarlunelo amigangitunik. Nâlekab anerningata ikkitsomârpait, orᴋsorutitut kôktotut illingavlune.

Jesaiase 33:14

Idluitullijut Zioneme ᴋoaᴋsârput, piungitut sajungnermut tikkitauvut (oᴋarpullo): Nallipta ikkoma nungutsijoᴋ najorlugo ajungilâ? Nallipta ikkomaᴋsoaᴋ ᴋamisuitoᴋ najorlugo ajungilâ?

Migga 2:13

Serᴋomitsijoᴋ takpaungarpoᴋ sivuningine; serᴋomitsilauᴋput sivumuarlutiglo itertarvingmut, aningmilutiglo tagvûna; ataningat ingerarpoᴋ sivurngane, Nâlegarlo sivorlerpârivât.

Mattêuse 15:10

Inugasaksuillo ᴋaiᴋovait, oᴋautivlugillo: Nâlagitse tukkisilugolo.

Markuse 7:14

Inuillo tamaita ingminut ᴋaiᴋovait, oᴋautivlugit: Tamapse nâleksinga ômamigisiuglo.

Rômiunut 8:31

Taimaimatta tamakkoa, ᴋanoᴋ tagva oᴋartuksauvitâ? Gûdib illagikpatigut, kia akkerartorungnarpâtigût?

Efêsusemiunut 5:17

Tamanna pivlugo silairgotoniarase, tukkisilerlusele Nâlekab pijomajanganik.

Deuteronomy 1:30

Nâlegak Gûdise sivorlerijase sorᴋsulârpok pivluse, taimaluatsiak sorlo piniulaungmase Egipteneme ijipse sângine;

Deuteronomy 20:1

Unatariartoruvit ômigijingnik, takolutillo horsenik, ᴋamutiniglo unatautinik, inungniglo unorᴋijarnik, erᴋsigijaksarilungilatit, Nâlegak Gûdît tikiutjijît nunamit Egiptenemit ilingnêngmat.

Deuteronomy 20:4

Nâlekab Gûdipse ingergerᴋatigingmase, pivluse ômigijise sorᴋsugomavlugit, piulijomavluse.

Deuteronomy 4:24

Nâlegak Gûdît ikomauvok nungutsijok, Gûdeovlune ilungertortok.

Deuteronomy 7:16

Inôᴋatigêksuillo Nâlekab Gûdivît tunijomârtangit ilingnut tamaita nungutaksarivatit; ijivît nâpkigijaksaringilait, Gûdingoangillo kivgartoraksaringilatit; napperniutaunajarmatta ilingnut.

Deuteronomy 7:22

Nâlekablo Gûdivît inôᴋatigêksuit tâpkoa nelleᴋârdlutik ajaktoromârpait sângnit; tagvainak nungutaksaringilatit, nergjutit naternarmêtut unuksivalialuarᴋonagit ilingnut.

Deuteronomy 9:6

Taimaimat ᴋaujilerit, Nâlekab nuna tamanna piojok tunilungimago perᴋutauᴋovlugo ilingnut idluarnît pivlugo; inôᴋatigêksoangogapse ᴋeratajunik ᴋongaselit.

II Tessalônikamiunut 1:8

Ikomame ikoalajome, akkivigijartorlugit Gûdemik ᴋaujijomangitut, oᴋautsiniglo tussarnertunik Nâlegavut Jêsuse Kristuse pivlugo nâlagomangitut.

Ebrêerinut 12:29

Gûdivut ikomaungmat nungutsijoᴋsoaᴋ.

Josua 11:12

Tappilugillo attannit tapkoa iglugasaksoangit illunaita attannertangit illaliudlugit Josuab salagivait, ullimarlaitalo saviksub kênanganut, nungutipaillo, sorlo Mosese Nalekab kivganga perᴋojilaungmat.

Josua 11:8

Nalekablo tunnivait Israelitit agganginut, ullimarpaillo kemâtilaitalo Zidon angijok tikkidlugo, imiksuillo onartut tikkidlugit, Mizpiblo sania tikkilugo kittâne ullimarpaillo amiakoᴋarungnaiᴋârtinago tapkonangat.

Josua 14:12

Tagva tunnitsivigilaunga manna ᴋaᴋᴋanik ukkuninga, Nalekab oᴋautigilauktanginik uvlorme taipsomane; igvit tussarlaurangne uvlorme taipsomane. Enakimit nunaᴋarmatta takpâne, iglugasaksoaᴋarlutiglo angijunik songojuniglo; Nalekab illaginiarmangangma, aulartitsiᴋovlunga tapkoninga, sorlo Nalegak oᴋalaungmat.

Josua 3:11

Ahâk, attaniotitub sillaksoarmut tamainut angersimaningata iklerlervinga sivorleriniarpasse Jordanib illuanut.

Josua 3:14

Tagva manna innugasaksuit annitillugit tuppermingnit, Jordan iᴋâromavlugo ajochortuijullo angersimanerub iklervinganik akkigartillugit innugasaksuit sivornganne,

Idluarsaijut 4:14

Deborale Barakemut oᴋarpok: Atte! tamânna uvlôvok Nâlekab tunnijivinga Sisseramik aggangnut, Nâlegak sivorleriniarangne. Taimak Barak ᴋakᴋamit Thaboremit attersarpok, 10,000 dillo tapkoa mallikpât.