Deuteronomy 9:18 - Labrador Inuttitut Heritage Bible

¹⁸ Pâmakterpungalo Nâlekab sângane, sorlo sivorngane pilaurama, uvlut 40 unnuallo 40 nâvlugit; nerᴋiksamik nerringilanga imiksamiglo imingilanga; idluinise tamaita idluitulinerijase pivlugit, idluitomik piniarapse Nâlekab takkoane, tâmna ningarsârlugo.

Deuteronomy 9:18 Iomraidhean Croise

II Samuel 12:16

Davidiblo Gude tuksiarvigiva nukapiarârsuk pivlugo, nerritaililunelo itterporlo, pamangalunelo unnuak nâlugo netterme.

I Atannit 19:8

Makkiporlo, nerrilunelo imerlarmelo, pisukporlo nerᴋiksab tamattoma nakkoksititsininganut, uvlut 40 git unnuallo 40 git nâlugit, Gûdib ᴋakᴋanga Horebe tikkilugo.

Esra 10:6

Esralo Gudib iglungata sânganit nûpok, itterlunelo Johananib Eliasib erningata inninganut; itteramelo tagvunga nerritailivok niaᴋojamik, immertaililunelo immermik, taipkoa parngnanairsortaumalauktut idluitulliningit sanikterijutigigamigit.

Imgerut 106:23

Oᴋalaukporlo, nungutsomavlugit; Môsesib tâpsoma annerimajangata ᴋoppak sângerlaungipago sângane, ᴋaningajârninga sangutilugo, asseroimarerᴋonago.

Exodus 34:28

Tagvanêporlo Nâlegak ilagivlugo uvlunik 40nik unuarniglo 40nik; nerrilungilak imilungilarlônêt. Aglagvîngnullo aglakpait angeᴋatigêngnerub oᴋausertangit, perᴋojat 10.

Exodus 34:9

Oᴋarporlo: Saimaneksiguma ijîkpit sângangne, Nâlegak, Nâlekama ilagilitiguttôk; Inuit ukoa tapatojoksôngmata; idluitulinivullo ajornivullo isumagijungnailaukit, kingormgutijaksautitigullo ilingnut.

Deuteronomy 10:10

ᴋakᴋarmelo noᴋangalauᴋpunga, sorlo sivorlermik pigama, uvlunik 40nik unnuaniglo 40nik; Nâlekablo tusarpânga tamattomanetauk; Nâlekab asseroromangilâtit.

Deuteronomy 9:17

Aglagvîglo tâpkoa maggûk itgûdlarpâka egilugiglo aggamnit tamangnit, serᴋomipâkalo ijipse sângine.

Deuteronomy 9:25

Taimaimat pâmakterpunga Nâlekab sângane uvlut 40 unnuallo 40 pâmangavigijakka nâvlugit; Nâlegak oᴋarsimalaungmat nungutsomagamise.

Deuteronomy 9:9

Taipsomane ᴋakᴋamut majorarsimatilunga aglagvîk ujaraujûk tigujomavlugik, tagva aglagvîk Nâlekab angerᴋatigêngneliarimajangata ilipsingnut aglaksimaviak, ᴋakᴋamêlauᴋpunga uvlunik 40nik unnuaniglo 40nik; nerᴋiksamik nerrinanga imiksamiglo imernanga.