Deuteronomy 8:8 - Labrador Inuttitut Heritage Bible

⁸ Nunamut senaugaksatalingmut, senaugakuluksatalingmullo, vaineliksatalingmullo, paungatannaktalingmullo, paungatalingmullo granâtenik taijaujunik; nunamut paungatalingmut orᴋsuksanik, igupsaujârtullo orᴋsuanik pitalingmut;

Deuteronomy 8:8 Iomraidhean Croise

Genesis 49:11

Siuterᴋortojoᴋotine vaineᴋutimut pittukpâ, siuterᴋortojoᴋotimelo piaranga vaineᴋutib akkerunganut; annorâne ergortorpâ vainemut, ulliksoarnelo vaineᴋutib paungangita iptinganut.

II Samuel 4:6

Tikkipuglo iglub illuanut, ᴋakᴋojaksanik Waizenik aiklejûjâjumavlutik, kappivâglo nângagut ᴋemâlutiglo.

I Atannit 5:11

Salomoble Hirame tunnitsivigiva Korinik 20,000 dinik Weizenik, nerᴋiksanik tapsoma kivganginut. Koriniglo 20 ginik orksumik togarsimajomik. Taimaitunik Salomo tunnijivok Hiramemut jârine tamaine.

II Atannit 18:32

Tikkikârtinanga ailuselo nunamut, nunapse adsinganut, pittalingmut ᴋakᴋojaksanik, Weineliksablo paungangita iptinganik, ᴋakᴋojamiglo, perorsêvingniglo nappartolingnik Weineliksanik, nappartuniglo orksulingnik, orksumiglo, igupsaujartullo orksunginik, innoᴋovluse toᴋokonnaselo. Hiskia nâlengniarassiuk, tapsoma uiveringmasse, oᴋarlune: Nâlekab piuliniarpâtigut.

Imgerut 147:14

Ullapirsauteᴋartitsivok kiglilervingne, namaksitipâtillo ᴋakᴋôjaksatsiangonerpangôjunut.

Imgerut 81:16

Uvangalo nerritinajarpakka ᴋaᴋᴋujaksanik namanerpânik, namaksitinajarlugillo igupsaujârtut orksuanut ᴋairtomit pijomut.

Jesaiase 7:23

Nalliutome taipsomane imaitsomârpoᴋ: perorsêvît napârtoᴋartut vaineliksanik 1,000 dinik, kênaujaniglo 1,000 dinik akkiksaᴋartut ukpigaᴋaromârput kakkilautilingnik perornerdluktuniglo kakkilautilingnik.

Jeremia 2:7

Uvangale tikiutilauᴋpapse nunatsiariktomut, nerriᴋovluse perortunginik perᴋutinginiglo; iterapsele nunaᴋutiga ivsornartilauᴋpase, kingormgutijaksaralo maᴋojungnartilauᴋpase.

Jeremia 5:17

Nerrijomârpullo katersortarnik perorsêvingnit, niaᴋôjarniglo, ernivît panivîllo nerᴋiksanginik; nerrijomârput saugaᴋotingnik nergjutiᴋotingniglo; nerrijomârput vaineliksaᴋotivit paunganginik paungatannaᴋotingniglo, asseroijomârpullo iglugasaksoaᴋotingnik avaluliorsimajunik tatigijarnik, saviksoarmut.

Hesekiel 27:17

Judakut Israêlitillo niuverniarᴋatigivâtit, perᴋutitit akkileromavlugit ᴋaitsilauᴋput senaugaksanik Minitimit pijunik, mamaktuniglo, igupsaujârtullo orᴋsuanik, orᴋsumiglo, mingoarutiksaniglo.

Hosea 2:22

Nunablo senaugaksat kiojomârpait, vainelo, orᴋsorlo; tâpkoalo Jesreele, tamadja: Gudib karngasortangit, kiojomârpât.

Hosea 2:8

Kaujimalaungimat uvanga tunitjivigilaurapko senaugaksanik, vainemiglo, orᴋsumiglo, avâgigapkolo goldemik silberemiglo, atortanginik Baale adsiliorlugo.

Migga 4:4

Ilûnatigle atunit iksivajomârput vaineᴋautimik atâne, paungatannaᴋautimiglo atâne, sivôrasârijoᴋarniangilarlo tâpkoninga: Nâlekab Zebaotib ᴋaningata oᴋauseringmago.

Habakûb 3:17

Napârtoᴋ paungatannaᴋut nuvugulâᴋtâlungikaloarpat, vaineliksataliglo paungatâlungipat, orᴋsuliub napârtunga sulijungnaigaloarpat, perorsêvillo nerᴋiksanik sakᴋêlungipatta, saukat ungalulingmit nungugaloarpatta, nergjuteᴋaullo nergjutetaᴋangipat;

Numbers 13:23

Tikipullo Eskolib naᴋsanganut, tagvanelo vaineliksab akkerungita paungaliksuit ilangat nakkappât, magguglo akkigarpâk akkigautikut; neksarputtauᴋ paungâlungnik pomegranatenik taijanik paungatannaniglo figenik taijanik.

Johannese 6:13

Tagva katersoilutik amârgaujat 12 it tattapait amiakunik, ᴋakᴋôjanit tellimanit, nerrilauktut kikilauktanginik.

Johannese 6:9

Nukappiaᴋarpoᴋ ovane ᴋakᴋôjânik tellimanik mingeriangniglo maggûngnik pilingmik; kisianele unuktoᴋsoarnut tâpkoa suglunarput.

Deuteronomy 32:13

Nunab ᴋakᴋangitigut ᴋemuksertipâ, nerrivorlo perorsêviub perorsianginik; miluksitipâ igupsaujârtut orᴋsuanik ᴋairtomit, orᴋsumiglo ujarᴋamit sitijomit;

Deuteronomy 32:14

Tuktuvait imungata orᴋsuanik, saugârsuillo imuanik, saugârsuillo tunnuanik, angusâlunginiglo Bâsanemit, tuktungajuniglo, senaugaksaniglo pionerpânik, vainetorpotillo vaineliksat iptinginik.

Deuteronomy 6:3

Nâlagit, taimaimat, Israêl, kamagitsiarlugo piniarᴋovlutit; piloridlarᴋovlutit, unuksivaliaᴋovlutillo sôngojomik, sorlo Nâlekab, atâtagijavît Gûdingata, angervigingmatit, nuname imungmik igupsaujârtullo orᴋsuanik kôlingme.

Deuteronomy 8:7

Nâlekab Gûdivît tikiutilermatit nunamut piojomut, nunamut imermik kôlingmut, puilavilingmullo, itinelingmullo, puilajunik naᴋsarne ᴋakᴋanelo;

Deuteronomy 8:9

Nunamut nerᴋiksaᴋarviginiartarnut amigangimariktomik, sunamiglônêt ajoksarniangilatit; nunamut kikiamik ujaralingmut, ᴋakᴋanginillo ᴋaᴋorlermik pêjailârpotit.