Deuteronomy 8:2 - Labrador Inuttitut Heritage Bible

² Erᴋaijuksauvotillo apᴋomik ilûnânik Nâlekab Gûdivît tesiorvigijanganik ilingnik jârit makkoa 40 nâvlugit sunaᴋajuitome, nikanarsârtitsomavlutit ôktoromavlutillo, ᴋaujijomavlune sunamik ômamiutaᴋarmangârpit, perᴋojat malingniarmangângne malingniangimangângnelônêt.

Deuteronomy 8:2 Iomraidhean Croise

Genesis 22:1

Mattoma kingorngagut Gûdib Abraha ôktorpâ oᴋarvigivlugo: Abraha! Kiovâle: Mânêpunga.

II Kronika 32:31

Babelemiulle attanningita tillijangit tikkinamik tattamnartok pilauktok nuname apperᴋutigilugo, Gudib taimak ᴋemakpâ ôktoramiuk, illitarileromavlugit tamaita omattingata illumigijangit.

II Kronika 33:12

Kappianartomênamelo ᴋennuvok Nalekamut Gudiminut mannigotitilunelo Nalekab atâtagijame Gudingata sângane.

II Kronika 33:19

Tuksiarningillo, ᴋannorlo tussartauninga, ajorningillo, idluitulliningillo, innillo sannavigilauktangit poktojunik, nappartuniglo Gudingoalingnik, Gudingoaniglo, manigotitiᴋârtinago, ahâk, tamakkoa aglaksimavut takkojut unipkausingine.

Nehemia 9:19

Sullele sunakajuitome ᴋemalaungilattit napᴋoatoksônit pitjutigilugo, nappajorlo nuvujaujok nulaungilak taipkonangat uvlotilûgo, tessiorlugit apᴋome, nappajorlonêt ikkomaujok unnuame, ᴋaumarlugit apᴋome ingergavigijangane.

Hiobe 33:17

Inuk sangutilugo kajusimaninganit pijomavlune sapputilugolo piojorinermit;

Imgerut 103:2

Tarnîk Nâlegak nertoruk, puigorniarnaglo sunamik ajungitullivigilaungmattit.

Imgerut 106:7

Atâtagilauktapta Egipteneme tattamnartullinitit tukkisijomalaungilait; pitsiarnersoarnît erᴋalaungilât, tappatôlaukpullo imarbingme, imarbingme iviktalingme suvlulingnik.

Imgerut 136:16

Inukotiminik tassiornilauktok sunaᴋajuitokut; pitsiarninga îtsainarmat issoᴋangitomut.

Imgerut 77:11

Tamanna pivlugo Nâlekab pinniarningit erᴋarpakka, ila tattamnartullinilauktâttit itsaksoarme erᴋaumavakka.

Imgerut 81:7

Kappiasungnerne nipliavigilauramga tagva iᴋajulaukpagit; tussalaukpagit sillarnerlungme, ôktulaukpagillo Meribab imingane, Sêla.

Exodus 15:25

Tâpsomalo Nâlegak ᴋaigarsugvigivâ, Nâlekablo unertutivâ napârtomik, tâmnalo egigamiuk imermut, imek mamaktungortitauvok. Tagvane perᴋojaliorpait maligaksaliorlugillo, tagvanelo ôktorpait,

Exodus 16:35

Israêlikullo nerrivut Mannanik jârit 40 nâvlugit, tikkerᴋârtinagit nunamut inulingmut; nerrivut Mannanik tikkerᴋârtinagit nunab Kânaanib kiglinganut.

Exodus 16:4

Nalekab tagva Mosese oᴋautivâ: Ahâk, ᴋakᴋôjamik piksapsingnik silalurᴋojijomavunga ᴋilangmit, inuillo anijuksauvut katersoivlutiglo uvlub piksanganik ᴋaut tamât, ôktoromagapkit arvertaromamangâta perᴋojamne pijomangimangâtalônêt.

Exodus 20:20

Mosesiblo inuit oᴋautivait: Erᴋsiniarase: Gûde tikisimangmat ôktoromavluse, sivôranarningalo kênapse sânginêrᴋovlugo, idluitulerᴋonase.

Salomob Okâl 17:3

Sôrlo ukkusib Silber kiaksautiblo Golde, taimâk Nâlekab ommatit oktorpait.

Jesaiase 2:17

(Tagva) inuit piojoriningat suksaujungnairtitaujomârpoᴋ, inuillo pimmariuterningat serᴋomitaujomârpoᴋ, Nâlegarlo kissime angijôjomârpoᴋ nalliutome taipsomane.

Jeremia 2:6

Oᴋangilallônêt: Nanekâ Nâlagaᴋ takpaungartilauᴋtivut nunamit Egiptenemît? Tassiortivut sunaᴋajuitokut, nunakut inuᴋajuitokut itersâluᴋadlartokût? Nunakut ipterilingajokut toᴋublo taggalininganik pitalikkut, nunakut inungmut arvertarviovangitokut nunaksaungitokullô?

Hesekiel 20:19

Uvanga Nâlegaugama Gudise; arvertaritse maligaksauᴋojamne nâlekluselo perᴋojamnik, tamakkoa piniarlugit;

Amos 2:10

Majorartilaukpapselo nunamit Egiptenemit, inuᴋajuitokullo tesiolaukpapse jârit 40 nâvlugit, Amoriterit nunangat perᴋutigilugo piᴋovluse.

Numbers 14:33

Kitorngaselo saksâlârput sunaᴋajuitome jârit 40 nâvlugit, nangmalârposelo assiniarnipsingnik timise nungutauᴋârtinagit sunaᴋajuitome.

Lukase 18:14

Oᴋaupapse: tâmna aipaminit ajornerminit issumagijaujungnainersauvlune atersârpok iglominut. Ingminik angijorortitok miklilertitaujomârpok, ingminiglo miklilertitok angijorortitaujomârpok.

Johannese 2:25

Inungmiglo nelojungnaititaujariaᴋangilak kimullônêt; ᴋaujimatsiarame inûb ilumigijanginik.

Deuteronomy 1:3

Jârillo 40ingita takᴋingita eleveningata uvlungita sivorlerpângane, Mosesib Israêlikut oᴋâlavigivait perᴋojanik tamainik Nâlekab tunijanginik tâpkonunga tâpsomuna.

Deuteronomy 1:33

Sivorlertok ilipsingnik apᴋome tangmârviksarsiorluse, ikomakut unnuarme, unertutjivigijomavluse apᴋotiksapsingnik, nuvujakullo uvlôtilugo.

Deuteronomy 13:3

Nelautaijûb sinnartômajûblônêt tâpsoma oᴋauserijangit nâlagaksaringilatit; Nâlekab Gûdipse ôktormase, ᴋaujijomavlune Nâlegak Gûdise nagligimangâpsiuk ômatipsingnut tamânut tarnipsingnullo tamânut.

Deuteronomy 2:7

Nâlekab Gûdivit pilluangorᴋosimangmatit aggakpît piniarningine tamaine; ingergarnît sunaᴋajuitokut mattomûna ilisimavâ; jârit makkoa 40 nâvlugit Nâlekab Gûdivît najorpatit; sumiglônêt ajoksalungilatit.

Deuteronomy 29:5

Jârillo 40 nâvlugit tesiorpapse inuᴋajuitome; annorâse atijase nutaungitôlilaungilat, kammise nutaungitôlilaungilat itikapsingne.

Deuteronomy 32:7

Uvlut itsarnitat erᴋaumalersigik; kinguvârêt tuglerêt unuktut inôvigijangit issumaksarsiorutigisigik; atâtait apertsoruk, tâpsoma nelonaijaiviginiarpâtit; angajoᴋâtillo, tâpkoa oᴋautiniarpâtit.

Deuteronomy 7:18

Erᴋsigijaksaringilatit; erᴋaitsiartuksauvotit Nâlekab Gûdivît piniarnerilauᴋtanginik Faraomut Egiptenemiunullo tamainut;

Deuteronomy 8:16

Nerrititsijigijat sunaᴋajuitome mannanik, atâtagijavit ilitarilungitanginik; nikanarsârtitsomavlutit, ôktoromavlutillo, ajungitulivigijomavlutit kingorngane;

Jâkobusib 1:3

ᴋaujimavluse, okpernipse ôktortauninga ᴋenuersârnermik pakᴋertitsingmat.

Jâkobusib 4:10

Nikanarsâritse Gûdib sângane, tâpsoma tagva angijorortitsomârpâse.

Jâkobusib 4:6

Anginersamigle saimarsaumik tunijidlarpok. Taimaimat aglait oᴋarput: Piojorijut Gûdib akkerartorpait, piojorijuitullo saimauserpait.

I Pêtrusib 1:7

Okpernise idluartôvlune, angijomiglo pivianarnersauvlune goldemit nungujomârtomit, ikomamut ôktortauvaktomit, naipitauᴋovlugo nertornarlune nelâgôrlunelo, nâlengnarlunelo, Jêsusib Kristusib saᴋᴋerviksangane;

Takotitaunermik 2:23

ᴋitorngangillo anauvlugit toᴋotsomavakka. Illagêllo ilûnatik nelojungnainiarpânga, taᴋtuniglo ômatiniglo kiglisiniartok uvangaugama, ilûnaselo atunit piniarvigijomârpapse iliornerijase maliklugit.

Idluarsaijut 2:22

Oktorᴋovlunga Israelitinik tapkonane, Nâlekab apkosininganênarmangatta, agvertarlutiglo tamattomane, sorlo atâtagijangit tamattomanênarlaungmatta, pingimangattalonêt.

Idluarsaijut 3:4

Tapkoa amiakolaukput, Israelitit oktorlugit tapkonane, Sakᴋijarᴋovlugo Nâlekab perᴋojangit Nâlengmangagit, atâtagijanginut perᴋolauktangit Mosesekut.