Deuteronomy 8:14 - Labrador Inuttitut Heritage Bible

¹⁴ Omatit pingijaiᴋonago, Nâlegak Gûdît tikiutijigijat nunamit Egiptenemit, iglomit kipaloviojomit puigorlugo perᴋonak;

Deuteronomy 8:14 Iomraidhean Croise

II Atannit 14:10

Edomiterit salagilaukpattit, tamanna omattivit piojorijutigiva. Nertornaut tamanna pigiuk, nunangnêtuarlutillo, sôg ᴋanoêtoksiorkît, ochoᴋovlutit Judialo ilagillutit?

II Atannit 17:38

Angerᴋattigêngnerlo angernerilauktanga illipsingnut puigorniarassiuk, Gûdib atingit sivuragilugit pikonase;

II Kronika 26:16

Sôngoleramele omattinga piojorilerpok asserortaujutiksaminut. Idluitullivorlo Nalekamut Gudiminut, ailunelo Nalekab Tempelinganut, isserluanititsijomavlune isserluanititsiviub Altaringane.

II Kronika 32:25

Hiskiable ajungitullivionine akkiniarutigilaungila, omattingale ᴋagverpok, tamanna pivlugo ningautsib tamna, Judamiullo, Jecccrusalemiullo tikkipait.

Imgerut 106:21

Gûde piulijitik puigorpât, taimak angijôtigijomik pinnialauktok Egipteneme;

Imgerut 78:7

Tattiksamingnik tungaᴋovlutik Gûdemut, puigornatiglo Gûdib pinniarninginnik, perᴋojanginniglo naleᴋovlugit.

Exodus 13:3

Tagva Mosesib inuit oᴋautivait: Erᴋaumalersiuk uvlok tamanna, anivigijase Egiptenemit, iglomit kipalûtitauvigijapsingnit; aggangnut pitsartujunut Nâlekab tagvangat aulartilaungmase: sêrnarsarsimajomik ᴋakᴋôjaktortoᴋartuksaungilak.

Jeremia 2:31

Kinguvârêngojose ilipse, kamagitse Nâlakab oᴋausinganik. Sunaᴋajuitôlauᴋsimavingâ, nunatullônêt tâᴋtoᴋsoaliktut ilingalauᴋsimavingâ Israêlimût? Suna pivlugo inuᴋotikka oᴋarᴋât: Pitûdjarpogut; tikitsomairpogut ilingnût?

Jeremia 2:6

Oᴋangilallônêt: Nanekâ Nâlagaᴋ takpaungartilauᴋtivut nunamit Egiptenemît? Tassiortivut sunaᴋajuitokut, nunakut inuᴋajuitokut itersâluᴋadlartokût? Nunakut ipterilingajokut toᴋublo taggalininganik pitalikkut, nunakut inungmut arvertarviovangitokut nunaksaungitokullô?

Jeremia 23:27

Issumaᴋartut inuᴋotikka puigortitsomavlugit attimnik sinnaktomanermingnut unipkâᴋattigêgutigijamingnut, sorlo atâtangita attera puigolaungmatsuk Baal pivlugo.

Daniel 11:12

Sorᴋsuktoᴋatigêksuillo aularutijaujomârput, tâpsomalo ômatinga piojorijomârpoᴋ; tausendioᴋâtartuniglo oggotitsijomârpoᴋ, sâlaᴋaromângilarli.

Hosea 13:6

Nerrinasugvitik maliklugo, taimak aᴋᴋeartorput; aᴋᴋeartorput, ômatingillo pingijaidlarput; taimaimallo puigorpânga.

Numbers 15:39

Nivingasulâᴋutigijaksarivaselo, takonârᴋovluse tâpkoninga erᴋailuselo Nâlekab perᴋojanginik tamainik, piniarlugillo; arvertarᴋonaselo ômatise ijiselo maliklugit, tâpkoa atorapsigik assiniaromavluse;

Deuteronomy 13:6

ᴋatangutivit, anânavît erningata, ernivîllônêt, panivîllônêt, nuliavîllônêt sagvingmiutarijavît, ilanârijavîllônêt tarniktut ilingatitavît, angigutjivlune uerisarpatit, oᴋarlune: Gûdib assinginik kivgartoriartulerta, igvit atâtagijavîllônêt ilitaringitapsingnik;

Deuteronomy 17:20

Omatinga pingijaiᴋonago ᴋatangutine naggogilugit, perᴋojamiglo allaiᴋonago talerpingmullônêt saumingmullônêt; unuksititsiᴋovlugo uvluminik ataniovingmine, tâmna ᴋitorngangillo, Israêleme.

Deuteronomy 4:9

Udjertortuinarit ilingnik, tarnîllo katsungaidlutit pairiuk, puigorᴋonak pisimajunik ijîkpît takojangangnik, pêjarᴋonagillo ômatingnit uvlut inôvigilârtatit tamaita nâvlugit; ᴋaujijautikille ᴋitorngarnut ᴋitorngavillo ᴋitornganginut;

Deuteronomy 5:6

Uvanga Nâlegauvunga Gûdît, âtsisimajok ilingnik nunamit Egiptenemit, iglomit kipalovingmit.

Deuteronomy 6:11

Iglullo tatatut perᴋutinik piojunik tamainik, itârᴋalaungitarnik, imeᴋtarvillo senamatsiartut, senalaungitatit perorsêvillo vaineliksatalit, perorsêvillo orᴋsuliksatalit, ililaungilatit, nerriguvillo aᴋeartorniarlutillo;

Deuteronomy 8:11

Udjertorit puigorᴋonak Nâlekamik Gûdingnik, tâpsoma perᴋojangit, idluarsautingillo, maligaksauᴋojangillo, uvlome perᴋojijutigijakka ilingnut, maligungnailugit perᴋonak;

Deuteronomy 8:13

Tuktuvaᴋotitillo saugakotitillo unuksikpatta, silberelo goldelo unuksikpatta, perᴋutitillo tamaita unuksikpatta;

Idluarsaijut 3:7

Idluitullilutiglo Nâlekab sângane, Nâlegarlo Gûditik puigorlaukpât, kivgartorlutiglo Baalemik, perorsêvingniglo nappartolingnik.