Deuteronomy 8:11 - Labrador Inuttitut Heritage Bible

¹¹ Udjertorit puigorᴋonak Nâlekamik Gûdingnik, tâpsoma perᴋojangit, idluarsautingillo, maligaksauᴋojangillo, uvlome perᴋojijutigijakka ilingnut, maligungnailugit perᴋonak;

Deuteronomy 8:11 Iomraidhean Croise

Imgerut 103:2

Tarnîk Nâlegak nertoruk, puigorniarnaglo sunamik ajungitullivigilaungmattit.

Imgerut 106:21

Gûde piulijitik puigorpât, taimak angijôtigijomik pinnialauktok Egipteneme;

Salomob Okâl 1:32

Ilisimaitut ikligijamingnut toᴋotaungmatta, silaitullo pilloriᴋornermingnut nungutaulermatta.

Salomob Okâl 30:9

Nâmaksiluarajaruma missiarajarpunga, oᴋarajarlungalo: Nâlegak kinauva? Ubvalo akluluarajaruma, tiglinajarpunga, attornerlugajarlungalo Gûdima atinganik.

Jesaiase 51:13

Nâlegarlo puigorpat pingortitit, ᴋilangmiglo issivitsijoᴋ, nunamiglo tungaviliorijoᴋ. Kaut tamât erᴋsitsainarpotit aksorôtjijub ningaumajârninganik, kajusimangmat asseroromavlutit. Aksorôtjijub ningaumajârninga naûk?

Jeremia 23:27

Issumaᴋartut inuᴋotikka puigortitsomavlugit attimnik sinnaktomanermingnut unipkâᴋattigêgutigijamingnut, sorlo atâtangita attera puigolaungmatsuk Baal pivlugo.

Leviticus 13:48

Pergaimajômangât tajaliogaumangâllônêt, ivaloksajaumangâllônêt merᴋoliomangâllônêt; ᴋisingmêmangât, ᴋisijarmêmangâllônêt;

Mâlaki 4:4

Erᴋarsigik kivgama Môsesib perᴋojangit, perᴋojijutigilauᴋtakka tâpsomunga Israêlikut tamaita pivlugit Hôrebeme, maligaksallo idluarsaijutiksallo.

Numbers 15:39

Nivingasulâᴋutigijaksarivaselo, takonârᴋovluse tâpkoninga erᴋailuselo Nâlekab perᴋojanginik tamainik, piniarlugillo; arvertarᴋonaselo ômatise ijiselo maliklugit, tâpkoa atorapsigik assiniaromavluse;

Deuteronomy 11:32

Maligaksallo idluarᴋutiksallo ilijakka sâpsingnut uvlome, kamagijaksarivase piniarlugillo.

Deuteronomy 4:1

Manalo, Israêl, maligaksat idluarsautiksallo Ajuᴋertûtigijakka ilipsingnut tusarsigik, piniarᴋovluse tâpkoninga; inôᴋovluse, iterᴋovluselo nunalo Nâlekab, atâtapse Gûdingata, tunijanga ilipsingnut pigilugo.

Deuteronomy 4:5

Ahâk, ajuᴋertorpapse maligaksanik idluarsautiksaniglo, sorlo Nâlekab Gûdima perᴋongmanga, taimailiorᴋovluse nuname aivigijapsingne pigijomavlugo.

Deuteronomy 4:9

Udjertortuinarit ilingnik, tarnîllo katsungaidlutit pairiuk, puigorᴋonak pisimajunik ijîkpît takojangangnik, pêjarᴋonagillo ômatingnit uvlut inôvigilârtatit tamaita nâvlugit; ᴋaujijautikille ᴋitorngarnut ᴋitorngavillo ᴋitornganginut;

Deuteronomy 6:11

Iglullo tatatut perᴋutinik piojunik tamainik, itârᴋalaungitarnik, imeᴋtarvillo senamatsiartut, senalaungitatit perorsêvillo vaineliksatalit, perorsêvillo orᴋsuliksatalit, ililaungilatit, nerriguvillo aᴋeartorniarlutillo;

Deuteronomy 7:11

Taimaimat kamagijaksarivatit perᴋojat, maligaksallo, idluarsautiksallo, perᴋojarijakka ilingnut uvlome, piniarlugillo.

Deuteronomy 8:14

Omatit pingijaiᴋonago, Nâlegak Gûdît tikiutijigijat nunamit Egiptenemit, iglomit kipaloviojomit puigorlugo perᴋonak;

Idluarsaijut 3:7

Idluitullilutiglo Nâlekab sângane, Nâlegarlo Gûditik puigorlaukpât, kivgartorlutiglo Baalemik, perorsêvingniglo nappartolingnik.