Deuteronomy 7:8 - Labrador Inuttitut Heritage Bible

⁸ Nâlekable nagligidlarmase, angerninelo oᴋautigimariktane atâtapsingnut serᴋomitsomanginamiuk, Nâlekab tamaungautipâse aggangnut pitsartujunut, piuliluse iglomit kipalovingmit, Faraub, Egiptenib ataningata, agganginit.

Deuteronomy 7:8 Iomraidhean Croise

Genesis 19:16

Tuavilukatailingmalle, angutîk aggangitigut tiguvâk, Lote nuliangalo pannîgiglo, Nâlekab nâpkigingmago, aulartipâglo. Iglugasaksuille avatânêtilugo ᴋemakpâk.

Genesis 19:29

Gûdible iglugasaksuit nunab tamattoma erᴋânêtut asseroramigit, Abraha erᴋaumavâ, Lotelo aulartipâ iglugasaksoarnit mumiktaminit, Lotib nunagilauᴋtanginit.

II Samuel 22:20

Tapsoma annitilaukpânga innitôjomut; nussulaukpânga ᴋuviagilauraminga.

I Atannit 10:9

Nertortaule Nâlegak Gûdît, ingitilaungmatit Israelib iksivautanganut, Nâlekab Israelitit nagligingmagit soraijuitomik, tamânna pivlugo igvit atanningortilaukpâtit, namanermik idluarnermiglo sakᴋertitsiᴋovlutit.

I Kronika 16:16

Angernerilauktanga Abrahamut, oᴋarmaringningalo Isaangmut;

II Kronika 9:8

Nalegak Gudit nertortaule nagligijit, iksivautaᴋotiminut ingitilaungmattit attannertut, Nalegak Gudit pivlugo. Gudivit Israelitit nagligingmagit, soᴋᴋosijuititsomavlugit soraijuitomik, igvit attanningortilaukpâtit tapᴋonunga, namanermik idluarnermiglo attorᴋovlutit.

Imgerut 105:42

Oᴋautsinne ivsornaitut erᴋaumangmagit kivgaminut Abrahamut oᴋauserilauktane.

Imgerut 44:3

Nuna saviksoarmingnut nangmineliutiluangimatsuk, tallingitalo iᴋajulaungilait, tallerpikpîlle, tallivîllo kênavîllo ᴋaumaningata; igvit ᴋuviagilaurangne.

Imgerut 44:4

Igvit tâmnatsainak attannerivagit, Gûdîk; Jakokut ikajorneᴋartikit!

Exodus 13:14

Mattomalo kingorngagut ernerpit aperikpatit, oᴋarlune: ᴋanok tukkeᴋarᴋâ tamanna? Oᴋautijaksarivat: Aggangnut pitsartujunut Nâlekab anitilauᴋpâtigut Egiptenemit, iglomit kipalûtitauvigijaptingnit:

Exodus 13:3

Tagva Mosesib inuit oᴋautivait: Erᴋaumalersiuk uvlok tamanna, anivigijase Egiptenemit, iglomit kipalûtitauvigijapsingnit; aggangnut pitsartujunut Nâlekab tagvangat aulartilaungmase: sêrnarsarsimajomik ᴋakᴋôjaktortoᴋartuksaungilak.

Exodus 20:2

Uvanga Nâlegauvunga Gûdît, âtsisimajok ilingnik nunamit Egiptenemit, iglomit kipalôvingmit.

Exodus 32:13

Abraha, Isaarlo, Israêlelo, kivgatit, erᴋaumalaukit, tâpkonunga angermarilauravit ilingnik taivlutit, oᴋautilugillo: Kinguvâksase unuksititsomavakka sorlo ᴋilaub uvloriangititut, nunalo tamanna oᴋautigijara ilûnnane tunijomavara kinguvâksapsingnut, tâpkoalo kingormgutijaksarivât isoᴋangitomut.

Exodus 6:6

Tamanna pivlugo Israêlikunut oᴋarit: Uvanga Nâlegauvunga Egiptenemiullo siorniortitsininginit aularutijomârpapse, nûtiluse kivgartortitsininginit, piulivluse talikut isamijokut, sugiartauviksoakullo.

Jesaiase 43:4

Erdlingnartoᴋsôgavit ijîmnut ivlernadlarlutillo, uvangalo nagligigapkit, taimaimat inuit tunivakka pivlutit inugasaᴋsuillo tarnit pivlugo.

Jesaiase 63:9

Kappiasûtigijangit tamaita kappiasûtigivaittauᴋ, kênangatalo engelingata piulivait. Nagligigamigit nâpkigivlugillo, ᴋelluvait. Kiviklugillo erᴋsukpait uvlut tamaita itsaᴋsoarnit.

Jeremia 31:3

Nâlagaᴋ saᴋᴋilauᴋpoᴋ uvamnut ungasiktomit, oᴋarlune: Naglingnermut soraijuitomut nagligivagit, taimaimat pitsiarnermut amuarasuarpagit.

Hesekiel 36:22

Tamanna pivlugo Israêlib ᴋitorngangit oᴋautikit: Imâk oᴋarpoᴋ Nâlegaᴋ Nâlegaujoᴋ: Ilipse pivluse, Israêlib ᴋitorngangit, tamanna pinialungilara, aterale ivsornaitoᴋ pivlugo, ivsornartitase inôᴋatigêksuit aivigijapse akorngane.

Migga 6:4

Tikiutilaurapse nunamit Egiptenemit, piulilauᴋpapse iglomit kipalovingmit; Moseselo Aronelo Miriamelo ilipsingnik sivorliotilauᴋpakka.

Migga 7:20

Nertornarnît unertutigilârpat Jakomut, nâpkiningnîllo Abrahamut, angerutigilauᴋtatit atâtagijaptingnut itsarsoarme.

Sefania 3:17

Nâlegak Gûdît ilingnêpok, pitsartudlartok piulikleromajok: ᴋuviasungnermut serrijûtigilârpâtit, nagligosungnermine nunanijâlârpok, imgerutinut serrijûtigilârpâtit.

Mâlaki 1:2

Nagligilaukpapse, oᴋarpoᴋ Nâlegaᴋ. Oᴋarposele: Sumut nagligivitigût? Jâkob Esaue angajugilaungilaûk? oᴋarpoᴋ Nâlegaᴋ; Jâkole nagligilauᴋpara;

Mattêuse 11:26

Ilâ, Atâtak, taimâk sângne idluarᴋolaurangne.

Lukase 1:55

Sorlo angilaurame atâtaptingnut Abrahamut kinguvânginullo issoᴋangitomut.

Rômiunut 11:28

Oᴋautsit tussarnertut maliklugit ômigijauvut (Gûdemut) ilipse pivluse; anerimanerle maliklugo nagligijauvut, atâtat pivlugit.

Deuteronomy 1:8

Ahâk, nuna angmarpara ilipsingnut; tagvungarluse pigilersiuk nuna angerutigilauᴋtara atâtapsingnut, Abrahamut, Isaarmullo, Jakomullo, tunijomavlugo tâpkonunga kinguvânginullo kinguningine inôjunut.

Deuteronomy 10:15

Nâlekable atâtagijatit ᴋuviagilaukpait nagligijomavlugit, tâpkoalo kingorngane kinguvângit annerivait, tagva ilipse, inôᴋatigêksoarnit tamainit, sorlo uvlome ingmat.

Deuteronomy 23:6

Ulapirᴋsautiksanginik idluarᴋutiksanginiglônêt ᴋenerniangilatit uvlutit tamaita nâvlugit soraingitomik.

Deuteronomy 33:3

Âhamarik, inôᴋatigêksuit nagligivait; ivsornaitoᴋotingit ilûnatik aggangnêput; ingipullo itikavît sângine; ilûnatik piksarsilutik oᴋausernit.

Deuteronomy 4:20

Nâlekab ilaliormase anitiluselo kikiangmik auktitsivingmit, Egiptenemit, inuᴋutauᴋovluse kingormgutijaksamik tâpsomunga, sorlo uvlome igapse.

Deuteronomy 4:34

Gûdelônêt tigusinasualauᴋsimavâ inôᴋatigêksoarnik nangminerijomajaminik inôᴋatigêksuit tâpkoa assingita akornganit, ôktornernut, nelunaikutanut, tatamnartulinernut, unatarnermut, aggangnut pitsartudlartunut, tallermullo issamijomut, kapianartovaksoarnullo, sorlo Nâlekab Gûdipse piniulaungmase Egipteneme ijipse sânginê?

Deuteronomy 4:37

Atâtatillo nagligilauramigit, tamanna pivlugo tâpkoa kinguvângit annerivait kingorngane, Egiptenemillo tikiupâtit najornerminut pitsartunerminut;

Deuteronomy 5:6

Uvanga Nâlegauvunga Gûdît, âtsisimajok ilingnik nunamit Egiptenemit, iglomit kipalovingmit.

I Johannesib 4:19

Nagligilavut, tâpsoma nagligiᴋârmatigut.

I Samuel 12:22

Nalekable innuᴋotine ᴋemmalungilait, attine angijoksoak pivlugo; Nalegak pigiarlaungmat illipse innuᴋotingortiluse ingminut.