Deuteronomy 7:6 - Labrador Inuttitut Heritage Bible

⁶ Inuᴋutaugapse ivsornaitut Nâlekamut Gûdipsingnut; Nâlekab Gûdivît annerivâtit inôᴋatigêksoarnit tamainit nunab ᴋânganêtunit inuᴋutauᴋovlutit adseungitok tâpsomunga.

Deuteronomy 7:6 Iomraidhean Croise

I Atannit 3:8

Kivgaillo inugasaksuit annerilauktavit akkornganêpok, taimâk unuktigijôjut kititaujungnangimatta, aglagutigijaujungnangimattalo unnumut.

Esra 9:2

Tapkoa panningit tigulaungmagit nulliangoᴋovlugit ingminut ernermingnullo, kinguvaillo ivsornaitut akkumavait nunat innuᴋattigêksoanginut. Angajoᴋaunerôjullo aulatsijullo aggangit idluitullinerme tamattomane sugaluluarlaukput.

Imgerut 114:2

Tagva Judakut ivsornaitoviôlaukput tâpsomunga, Israelekullo nâlegauviôlaukput.

Imgerut 135:4

Nâlekab Jako annerilaungmago ingminut, Israelelo perᴋotiminut.

Imgerut 50:5

Ivsornaitoᴋotikka kattersorsigik uvamnut, angilauktut uvamnut tunnergutiksak pitjutigellugo.

Exodus 6:7

Ilalioromârpapselo inuᴋotigijomavluse, Gûdeojomavungalo ilipsingnut: Tukisijuksauvoselo uvangaugama Nâlegak Gûdise aularutijise Egiptenemiut siorniortitsininginit.

Jesaiase 41:8

Igville Israêle kivgara, Jâko anerijara, Abrahab nagliktima kinguvânga,

Jesaiase 41:9

Nunaᴋsûb issuanit ailauᴋpagit, ᴋairᴋovlutit kiglinginit, oᴋarvigivlutillo imâk: kivgarivagit, anerigapkit nachoginak.

Jesaiase 6:13

Inuille unurningita tallimaujortungit tagvanẽtsomârput sulle; taipkoa pititaujariaᴋaromârivut ikkomamut, kissianele — sôrlo terebintemut aigemullo kippaᴋarmat (kippijaukpanik) — taimak taipkoa kippangat kinguvâksauvoᴋ ivsornaitoᴋ.

Jesaiase 62:12

Taijaujomârpullo inûᴋatigêksoarnik ivsornaitunik Nâlekab piulijanginik, igvillo taijaujomârpotit iglugasaksoarnik takojartortauvaktunik, ᴋemaktauniangitunik.

Jeremia 2:3

Israêle ivsornaitoᴋutaulauᴋpoᴋ Nâlakamut, perorsijaᴋotingita innerᴋârtungit; nungûtsijut tâpkoninga passijaksaulârput, tikitaulârput ogguarnartomut, Nâlagaᴋ oᴋarpoᴋ.

Hesekiel 20:5

Oᴋautikillo: Imâk oᴋarpoᴋ Nâlegaᴋ Nâlegaujoᴋ: Uvlorme ipsomane Israêle annerilaurapko, aggakkalo ᴋolangiutitigapkit Jakokut kinguvânginut, ᴋaujijautilauramalo tâpkonunga nuname Egipteneme, aggakka ᴋolangiutitigapkit tâpkonunga, oᴋarlunga: Uvangauvunga Nâlegaᴋ Gudise;

Leviticus 20:24

Oᴋautilauᴋpapsele: Tâpkoa nunangat kingormgutijaksarivase, tunijomavaralo ilipsingnut, perᴋutigilugo piᴋovluse, nuna kôlik imungmiglo igupsaujârtullo orᴋsuanik; Uvangauvunga Nâlegak Gûdise, ingmigolingatilauktise inôᴋatigêksoarnit.

Leviticus 20:26

Ivsornaituksauvoselo sâmne, Uvanga Nâlegaujunga ivsornainama, ingmigolingatipapselo inôᴋatigêksoarnit perᴋutauᴋovluse uvamnut.

Amos 3:2

Ilipse kissipse ᴋitorngarêksoarnit tamainit nuname ilitarijatuarivapse: tamanna pivlugo idluitulinise tamaita akkiniarutigijomavakka ilipsingnut.

Mâlaki 3:17

Perᴋutigijomârpakkalo, oᴋarpoᴋ Nâlegaᴋ Zebaot, uvloᴋ adseungitoᴋ perᴋutiksaliorviga neliutikpat; nikagijomârpakkalo, sôrlo angutib ernine kivgartortine nikagingmago.

Apostelit Piniarningit 13:17

Inuit ukua Israêlitit Gûdingata atâtagijavut anerilaukpait, inuillo tâpkoa ivlernartilaukpait, takorngartaulaungmatta nuname Egipteneme; taikangallo anitilaukpait talermut pitsartujoksoarmut.

Rômiunut 9:4

Tâpkoa Israêlemit kinguvângovut, ᴋitorngaunermiglo, ânanaunermiglo, angeᴋatigêngnermiglo, perᴋojaniglo, kivgartornermiglo Gûdemut, angersimanermiglo pitaᴋarput;

Deuteronomy 14:2

Inôᴋatigêngogapse ivsornaitut Nâlekamut Gûdingnut, Nâlekablo annerivâse inuᴋutauᴋovluse adseungitunik nangminerminut, inôᴋatigêksoarnit tamainit nunab ᴋânganêtunit.

Deuteronomy 14:21

Ingminik toᴋojomik nerrijuksaungilase; tujormiamut itertarvingnêtomut tunituinariaᴋarpat, tâmna nerriᴋovlugo tâpsominga; aulaijungnarpallônêt takorngartamut; ilipsele inôᴋatigêngovose ivsornaitut Nâlekamut Gûdipsingnut. Tuktungajoarak amâmaktok sulle igajaksarilungilat.

Deuteronomy 26:18

Nâlekablo uvlome kigligiutjivigivâtit inuᴋotigijomagamitit nangminerijomavlutit, sorlo angervigilaungmatit, malitsiartuksaugavillo tâpsoma perᴋojanginik tamainik;

Deuteronomy 26:19

Anginersautitsomagamitillo inôᴋatigêksoarnit pingortitaminit tamainit nertortaunerme unipkautaunermelo opigijaunermelo; inôᴋatigêngoᴋovlutit ivsornaitut Nâlekamut Gûdingnut, sorlo oᴋalaurame.

Deuteronomy 28:9

Nâlekab tungatilârpâtit inuᴋutauᴋovlutit ivlernartut nangminerminut, sorlo nelautsimariktomik angervigingmatit; Nâlekab Gûdivît perᴋojangit maligungne, arvertarlutillo apᴋutauᴋojangine.

Deuteronomy 33:3

Âhamarik, inôᴋatigêksuit nagligivait; ivsornaitoᴋotingit ilûnatik aggangnêput; ingipullo itikavît sângine; ilûnatik piksarsilutik oᴋausernit.

Deuteronomy 4:20

Nâlekab ilaliormase anitiluselo kikiangmik auktitsivingmit, Egiptenemit, inuᴋutauᴋovluse kingormgutijaksamik tâpsomunga, sorlo uvlome igapse.

Deuteronomy 4:37

Atâtatillo nagligilauramigit, tamanna pivlugo tâpkoa kinguvângit annerivait kingorngane, Egiptenemillo tikiupâtit najornerminut pitsartunerminut;

Titusemut 2:14

Ingminik tunnilauktub pivluta, piulijomavluta idluitunit tamainit, ivsornaititsijomavlunelo nagminek inoᴋutiksaminik, ataruilijinik piniarnernut ajungitunut.

I Pêtrusib 2:9

Ilipsele inuᴋatigêngovose anerimajut, ajoᴋertuijut ataniviksôlutik inuit ivsornaitut, tâpsoma inuᴋotingit; ilipsingnik ᴋairᴋojijub piniarningit ajungitut oᴋautigilugit pijuksauvose, tâᴋtomit ᴋairᴋongmase ᴋaumanerminut tatamnartomut.

II Pêtrusib 2:5

Silaᴋsoatoᴋaujorlo pidlartaililaunginamiuk, Noale idluarnermik oᴋâlajoᴋ, illangillo sittamaujortôvlutik piulilauramigit, ullitornivaksoaᴋ pitidlugo silaᴋsoarmiunut Gûdeᴋaromangitunut;

II Pêtrusib 2:9

Tagva Nâlekab Gûdemik nâlektut piulidlarungnarpait ôktortaunermit, idluitulle ᴋumergusiudlugit erᴋartuiviksamut, pidlartauᴋovlugit;

I Samuel 12:22

Nalekable innuᴋotine ᴋemmalungilait, attine angijoksoak pivlugo; Nalegak pigiarlaungmat illipse innuᴋotingortiluse ingminut.