Deuteronomy 7:3 - Labrador Inuttitut Heritage Bible

³ Nuliarijaksaringilatit; panît tunijaksaringilat tâpsoma erninganut, tâpsomalo paninga tigujaksaringilat ernernut.

Deuteronomy 7:3 Iomraidhean Croise

Genesis 24:3

Nâlegarlo ᴋilaub Gûdinga nunablo Gûdinga taivlugo angermarikkinga, ernimnut nuliaksarsinianginavit Kânaanib panninginit nunaᴋatigijamnit.

I Atannit 11:2

Inuᴋatigêksoarnit taimaitunit Nâlekab oᴋautigilauktanginit: Aiviginiarasigik, tikkitailitissigiglo illipsingnut; nellonangitomik omatise sangutiniarpait, Gûdingoakotimingnut. Taimaitut Salomob ungagivait naglingnermut.

I Atannit 16:31

Suglugilaukpa agvertarame Jerobeamib Nebatib erningata idluiningine, nullianikpâlotauk Isebele Etbaalib Zidonemiut atanningata pania; Baalelo kivgartoriartorpâ, tuksiarvigivâlo.

Esra 10:3

Tagva manna Gudivut angerᴋattigilavut, nullit takkorngartat illunaita, erniangomajullo tapkonangat, apterlugit piᴋovluta nalekama (Esrab) attannertuininga malliklugo, tapkoalo Gudib perᴋojanginik sivurajut (attannertuiningit) perᴋojat malliklugo pinniartauᴋovlugo.

Esra 9:12

Tagva manna pannise tunnijaksaringilasse taipkoa erninginut, taipkoalo panningit tigujaksaringilasse ernipsingnut nulliangoᴋovlugit, ullapirsautiksangallo, idluarᴋutiksangallo ᴋenneraksaringilasse sorairase, sôngoᴋovluse, nerriᴋovluselo nunab pinginik, kingormgutijaksautilugolo ᴋittorngapsingnut, issoᴋangitomut.

Nehemia 10:30

Panivullo tunnijomanginaptigik inuᴋattigêksoarnut nunane, paningillonêt tigujomanagit erniptingnut;

Idluarsaijut 14:3

Atatangalo anânangalo oᴋarpuk tapsomunga: Arnakangilâk mânna ᴋatangutivit paningita akkorngane, inuᴋotivillo tamaita akkorngane, aigavit tigusilutillo arnamik Filisterinit kippisimangitunit? Simson oᴋarpok atâtaminut; Tamna tunniuk uvamnut, ijingma pinnaringmakko.