Deuteronomy 7:13 - Labrador Inuttitut Heritage Bible

¹³ Nagliginiarpâtillo, saimarsarniarpâtillo, unuksitiniarpâtillo; timivîllo paungangit nunavîllo paungangit saimarsarniarpait, senaugaksatillo, vainiksatillo, orᴋsutillo, tuktuvaᴋotivîllo piarangit, saugakotivîllo piarangit, nuname oᴋamariklune angerutigijane atâtagijarnut tunijomavlugo ilingnut.

Deuteronomy 7:13 Iomraidhean Croise

Nehemia 9:32

Mânnalo Gûdivut, Gûdeojoksôjotit, sôngojotit kappianadlartotillo, nallautsititsijotit angerᴋattigêngnermik, napkiningnermiglo, siorniornartut tamaita tikkitautigijavut, atannivullo, angajoᴋaunerôjovullo, ajoᴋertortivullo, nallautaijovullo, atâtavullo, inuᴋotitillo tamaita, Assiriamiut atanningita nalliuninginit uvlok tamânna tikkidlugo, mikkijonasugitailikittôk.

Hiobe 1:10

Nangminek tâmna, iglunga, pigijangillo tamaita avaluliulaukpattit. Aggangita pinniarningit tamaita pitsartutilaukpattit, perᴋutingillo siamarsimavut nuname.

Hiobe 42:12

Nâlekablo kingorngane Hiobe pitsartutinersarilaukpâ sivurnganemit, peᴋartilugolo sauganik 14,000 dinik; Kamêliniglo 6,000 dinnik, tuktuvangniglo aiparênik ᴋakᴋautinnut 1,000 dinnut, siuteᴋoktojunniglo 1,000 dinik.

Imgerut 1:3

Tâmma nappârtotun-îpok illijaumajotut kôgut (imiggit) sinânut, paungalertotut nalliunermine; millukattanginniglo kunulerviolungitotut; sannaningillo sullitsiarput.

Imgerut 107:38

Pitsartutipaillo unnuksivalliadlarᴋovlugit, nergjutingillo ikkitôtilungilait;

Imgerut 11:7

Nâlegak idluarmat, idluarnerlo ᴋuviagivâ, kênangata idluitailijut takkonârpait.

Imgerut 127:3

Ahâk, ᴋittorngat Nâlekab tunnergutigivait, timiblo singainga pilliusiangôvok.

Imgerut 146:8

Nâlekab tautungitut tautuktipait. Nâlekab kattalungajut maksoatipait. Nâlekab idluartut nagligivait.

Exodus 23:25

Nâlegarlo Gûdise kivgartoraksarivase, tâpsomalo nerᴋiksatit imiksatillo saimartitsomavait; ᴋanimaserillo pêjaromavakka akunapsingnit.

Salomob Okâl 10:22

Nâlekab pitsartutitsininga akluititsivok Siorniorneᴋarane.

Salomob Okâl 15:9

Gûdeᴋangitub apᴋutinga Nâlekab makkojugiva, idluarnermigle pinnasuartok, tamna nagligiva.

Leviticus 26:9

Uvangalo kamagitsiaromavapse, kinguvâᴋartitsomavapselo unuksitiluselo; angerneralo ilipsingnut atsungersoromavara.

Mattêuse 6:33

Gûdib nâlegauvinga idluarningalo pinasuarᴋârsigik, tagva tunitjivioniarpose tamakkoninga tamainik.

Johannese 14:21

Perᴋojamnik pilik, maliklugillo, tâmnauvok nagliktok uvamnik. Uvamnigle nagliktok nagligijauniarpok Atâtamnut, uvangalo nagliginiarpara nelojungnaitilugolo uvamnik.

Johannese 15:10

Perᴋojakka malikupsigik, naglingnimnêtsainarpose, Sôrlo uvanga Atâtama perᴋojangit malikapkit, naglingninganêtsainarlungalo.

Johannese 16:27

Nangminek Atâtab nagligingmase, nagligigapsinga, okperluselo, Gûdemit pilaurama.

Deuteronomy 1:8

Ahâk, nuna angmarpara ilipsingnut; tagvungarluse pigilersiuk nuna angerutigilauᴋtara atâtapsingnut, Abrahamut, Isaarmullo, Jakomullo, tunijomavlugo tâpkonunga kinguvânginullo kinguningine inôjunut.

Deuteronomy 13:17

Nungutaksallo ilanganik sunamiglônêt nipingajokartuksaungilak aggangnut; Nâlegak allaiᴋovlugo ningarnime katsungaininganik, saᴋᴋêvigilutillo nâpkiningnermik, ilapjugilutillo, unuksitilutillo, sorlo atâtagijatit angervigilaungmagit;

Deuteronomy 28:1

Katsungaidlutillo Nâlekab Gûdivît nipinga nâlagungne, ilungertorlutillo piniarungne perᴋojangit tamaita perᴋojijutigijakka ilingnut uvlome, Nâlekab Gûdivît pilluangotilârpâtit inôᴋatigêksoarnit nunamêtunit tamainit;

Deuteronomy 28:11

Nâlekablo piᴋangârtitsomârpâtit idluarᴋutaujunik, timivît paunganginik, nergjuteᴋotivît paunganginik, nunavîllo paunganginik, nuname, Nâlekab nelautsimariktomik angerutigilauᴋtangane atâtagijarnut, ilingnut tunijomavlugo.

Deuteronomy 30:5

Nâlekablo Gûdivît tikiutilârpâtit nunamut atâtagijavît pigilauᴋtanganut, igvillo pigilârpat; tâpsomalo ajungitulivigilârpâtit, unuksitilutillo piluartomik atâtagijarnit.

Deuteronomy 7:7

Nâlekab ungagilaungilâse annerilaungilâselônêt ununersaugapse inôᴋatigêksoarnit assipsingnit tamainit; ikinerpaulaurapse inôᴋatigêksoarnit;