Deuteronomy 6:7 - Labrador Inuttitut Heritage Bible

⁷ Katsungailutillo ajuᴋertûtigijaksarivatit ᴋitorngarnut, oᴋautigijaksarivatillo iglungne iksivaguvit, arvertartilutillo apᴋosinerme, inangatilutillo, makisimatilutillo.

Deuteronomy 6:7 Iomraidhean Croise

Genesis 18:19

Kaujimavara pitjutigilâllo, perᴋojerᴋovlugo ᴋitorngaminik inuᴋotiminiglo kinguvâksaminik, Nâlekab apᴋutiksaurᴋojanginik malerᴋovlugit, idluartulivlutik ajungitulivlutiglo, Nâlegaᴋ nâmaksititserᴋovlugo Abrahamut oᴋautigijaminik.

Hiobe 8:10

Taipkoa ajuᴋertorniarpâtit tamattominga, oᴋautiniarlutillo, oᴋâlanerillo sakᴋerniarpait ômattimingnit:

Imgerut 119:13

Kangasinâmnut ᴋannerpit idluarijangit tamaita unipkautigijomavakka.

Imgerut 119:46

Kigligiutsinitit oᴋautigivakka attanît sângine, sillasiungilangalo;

Imgerut 129:8

Sannerᴋotullo oᴋarniaratik: Nâlekab pitsartutitsiningata ᴋollangiarlise, saimausertauᴋovapse Nâlekab attingane!

Imgerut 37:30

Idluartub ᴋaningata illissimanek oᴋarutigivâ, oᴋangatalo idluarnek ajochertutigivâ.

Imgerut 71:17

Gûde igvit innuosungnimnit ajochertorlaukparma; mannalo tikkidlugo tattamnartullînitit oᴋautigivakka.

Salomob Okâl 10:21

Idluartub kangasinâgik unuktunik nakoksititsivuk; silaitulle toᴋojomârput silainermingne.

Salomob Okâl 15:2

Ilisimajut oᴋangit ajuᴋertutsinnik atorominartitsivut silaitut ᴋaningit silainetuinarmik annititsivut.

Salomob Okâl 15:7

Ilisimajut ᴋaningit ilitarksinermik karngasoivut, silaitulle ommatingit taimailiutsengilet.

Salomob Okâl 6:22

Pissuleraivit, tapᴋonunga tessiortauᴋovlutit; inilaleraiguvit, tapᴋonunga sapputijauᴋovlutit; tuppaleraiguvit oᴋausiksauᴋovlugit ilingnut.

Jesaiase 38:19

Inôjut, illa inôjut nertorpâtit, sôrlo uvanga pigama uvlome. Atâtab nertornarnit ᴋaujijautilârpâ ᴋitorngaminut.

Mâlaki 3:16

Tagva Nâlekamik sivôrajut oᴋaᴋatigêlerput: Nâlegarlo nâlakpoᴋ tusarlunelo, aglaillo erᴋaumajutiksat aglaktauvut tâpsoma sângane, Nâlekamik sivôrajut pivlugit, attinganiglo erᴋaijut pivlugit.

Mattêuse 12:35

Inuk ajungitok ajungitunik sakᴋertitsivok ômatime tattatjutinginit ajungitunit; inuglo piungitok piungitunik sakᴋertitsivok ômatime tattatjutinginit piungitunit.

Lukase 6:45

Inuk ajungitok ajungitunik sakᴋertitsivok ômatime tattatjutinginit ajungitunit; inuglo piungitoᴋ piungitunik sakᴋertitsivok ômatime tattatjutinginit piungitunit. Omatib tattatjutinginik ᴋanek oᴋajôngovok.

Efêsusemiunut 4:29

Oᴋausilungmik ᴋanipsigut anitsitailileritse, idluartomigle oᴋauseᴋarniaritse âᴋiksûtiksamik pijariaᴋartune, tussartune tussarominartomik.

Efêsusemiunut 6:4

Ilipselo angajoᴋaujose, ᴋitorngase ningaᴋsarniarasigik, inugoiniarsigigle nâlektilugit, Nâlekablo oᴋausinginik ᴋaujitilugit.

Deuteronomy 11:19

Ajuᴋertûtigijaksarivaselo ᴋitorngapsingnut, oᴋâlautigilugit iglungne iksivatilutit, arvertartilutillo apᴋome, inangatilutit, makisimatilutillo.

Deuteronomy 6:2

Sivôraᴋovlutit Nâlekamik Gûdingnik maligaksauᴋojangit perᴋojangillo, perᴋojijutigijakka ilingnut, maliklugit piniarᴋovlutit, igvit, ernîllo, erngutallo, uvlut inôvigijatit tamaita nâvlugit; uvlutillo unuksititauᴋovlugit.

Kolossamiunut 4:6

Tussarominartunik oᴋauseᴋatsainaritse tarêrsimajunik; ilûnainut kiojariaᴋarnipsingnik nalunginiarᴋovluse.

I Pêtrusib 3:15

Nâlegarle nertorsiuk ômatipsingne. Opalungairsimatsainaritsele akiorlugit ilûnaita ᴋaujititaujomajut nerriungnerijapse ilupsingnêtub tungaveᴋarninganik;

Ruth 2:12

Nâlekab pinniarnerilauktat akkilêjutigiliuk illingnut, akkilertaunîllo namâmarigle Nâlekame Israelib Gûdingane, tikkivigijarne; esarᴋungita attâne Sungertutiksaᴋaromavlutit.

Ruth 2:4

Ahâglo, Boase Bethlehemit pivok, oᴋarlunelo kibluijunut: Nâlekab illagilise! Tapkoa kiovut: Nâlekab saimartilitit!

Ruth 4:11

Inugaseksuillo itterviksoarmelauktut, angajoᴋajat Illagêllugit oᴋarput; Kigligiudsijôvogut. Nâlekab arnak tamna, iglungnut piniartok Raheletut Leatullo îtiliuk, tamarmîk Israelib iglunganik sennalauktutitut, pivalliadlarlelo Efrateme, nertortaulelo Bethleheme.