Deuteronomy 6:6 - Labrador Inuttitut Heritage Bible

⁶ Oᴋautsillo ukkua, perᴋojijutigijakka ilingnut uvlorme tamattomane, ômamiutarijaksarivatit;

Deuteronomy 6:6 Iomraidhean Croise

Genesis 18:19

Kaujimavara pitjutigilâllo, perᴋojerᴋovlugo ᴋitorngaminik inuᴋotiminiglo kinguvâksaminik, Nâlekab apᴋutiksaurᴋojanginik malerᴋovlugit, idluartulivlutik ajungitulivlutiglo, Nâlegaᴋ nâmaksititserᴋovlugo Abrahamut oᴋautigijaminik.

II Samuel 22:23

Idluarijangit illunaita ijingma sângangnêput, perᴋojangillo egilungilakka uvamnit.

Imgerut 119:11

Oᴋautsitit torᴋorpakka ômattimne, idluitullerᴋonanga illingnut.

Imgerut 119:13

Kangasinâmnut ᴋannerpit idluarijangit tamaita unipkautigijomavakka.

Imgerut 119:30

Mikseᴋârnerub apᴋosininga annerilaukpara, idluarijattit pitilaukpakka sâmnut.

Imgerut 119:98

Perᴋojavît illissimanersautipânga ômigijimnit; perᴋutigitsainarapkit issoᴋangitomut.

Imgerut 37:31

Gûdingata malligaksauᴋojangit ômattinganêput; ablorningit uniorksilungilat.

Imgerut 40:8

Pijomajat Gudiga piniarânérivara, malligaksauᴋojattillo ômattimnêput.

Salomob Okâl 3:5

Nâlegak tettigiuk ômamut ilûnânut, silatunîllo tettiginago pit.

Salomob Okâl 7:3

ᴋellaksorkit aggangnut, aglakillo ommativit iluanut.

Jesaiase 51:7

Tussalersinga illipse idluarnermik illitarᴋsijose, nunaᴋatigêktose perᴋojamnik õmamiutaᴋartose. Sivoraniarase, inuit suangadlarpasse, ᴋoaᴋsârniaraselo oᴋauserludlarningit pitjutigivlugit.

Jeremia 31:33

Tamadja angerutiga Israêlikunut, uvlut tamakkoa kingorngatigut pijomârtara, oᴋarpoᴋ Nâlagaᴋ: Perᴋojakka issumanginut pititsomavakka, ômatinginullo aglagomavakka; taipkonungalo Gudeojomavunga, tâpkoalo inuᴋotigijomârivakka.

Lukase 2:51

Illagivlugiglo tâva taununga Nazaretemut aivok nâleluarlugiglo. Anânangatalo oᴋausingit makkoa tamaita ômatimine torᴋorpait.

Lukase 8:15

Ivjoriktomulle pijut, tâpkoangovut, oᴋautsinik tussartut, torᴋorlugillo ômamingne idluartome, sulugaineᴋtârlutiglo sanaugaksatalingnik ᴋenuêdlutik.

II Korintemiunut 3:3

Nelonarungnaititaujose, Kristûsib aglagingmase, idluarsarsimajose kivgartorniptigut, aglaksimajose aglaumu-ungitoᴋ, Gûdible ômajub Anerninganut; aglagvingnut ujaraujunu-ungitoᴋ, aglagvingnulle uviniojunut, tagva ômatinut.

Deuteronomy 11:18

Taimaimat oᴋauserijakka makkoa torᴋorsigik ômoatipsingne tarnipsingnelo; aggapsingnullo ᴋelaksorlugit sorlo nelunaikutarijaksarivase, nêneraksarivaselo ijipse akornganut.

Deuteronomy 11:20

Aglagaksarivatillo iglovît upkoangata napajûgingnut, itertarvingnullo;

Deuteronomy 32:46

Oᴋautivait: Oᴋautsit tamaita kigligiutigijakka ilipsingnut uvlome ômamiutarisigik; ᴋitorngaselo kamatsiarᴋolârpase piniarᴋovlugit perᴋojat makkoa oᴋauserijanginik tamainik.

Kolossamiunut 3:16

Kristûsib oᴋausingit ineᴋartisigik angijomik ilipsingne, ilisimanartunut tamainut (ilingavluse); ajoᴋertortigêgitse erᴋaititsijigêkluselo imgerutinut nertordlerutiksanut, tuksiarutsinullo anernelingnut, imgerluselo tussarnertunut ômatipsigut tuksiarluse Nâlekamut.

II Johannesib 1:2

Mikseᴋârneᴋ iluptingnêtsainartoᴋ issoᴋangitomullo uvaptingnêtsainaromârtoᴋ pivlugo.