Biblia Todo Logo
Bìoball air-loidhne

- Sanasan -




Deuteronomy 6:5 - Labrador Inuttitut Heritage Bible

5 Nâlegarlo Gûdît nagligijaksarivat ômatingnut tamânut, tarningnullo tamânut, pitsartunernullo tamainut.

Faic an caibideil Dèan lethbhreac




Deuteronomy 6:5
26 Iomraidhean Croise  

Salomoblo Nâlegak nagligiva, agvertarlunelo atâtame Davidib illuserilauktangit malliklugit; kisiane pôktojune tunnergutinik tunnijivok isserluanititsilunelo.


Atannekalaungilarlo adsinganik tapsoma sivorngane, taimak omamut tamânut, tarnemullo tamânut, pitsartunermullo tamânut sâlauktomik Nâlekamut, Mosesib perkojangit tamaita malliklugit; tapsomalo kingorngane adsinga sakkijarlaunginivok.


Angerᴋattigêkpullo, Nalegak atâtagijamik Gudingat ᴋenneromavlugo omamut tamânut, tarnemullo tamânut;


Attannerlo nangerpok innimine, angerᴋattigêngneᴋartitsivorlo Nalekab sângane, Nalegak malliklugo agvertaromagamik, perᴋojangillo, illusioᴋojangillo, idluarijangillo malligomavlugit omamut tamânut, tarnemullo tamânut, angernerub oᴋausertangit aglaksimajut aglangne tapᴋonane tamaita malliklugit pinniaromagamik.


Pillorikput tâpsoma kigligiutsininginik nâlektut, ᴋennertut tâpsominga ômamut tamânut.


Maksoatitse, tâpsomalo ômattisse nakkoksiligit, illunase Nâlekamik nerriuktose.


Atâtaminik anânaminiglônêt uvamnit naglingnersak, illaᴋarniangilak uvamnik. Ernerminiglo paningminiglo uvamnit naglingnersak, illaᴋarniangilak uvamnik.


Jêsusible kiovâ: Gûdingnik Nâlegarnik nagliktuksauvotit ômatingnut tamânut, tarningnullo tamânut, issumangnullo tamainut.


Gûdingnik Nâlegarnik nagliktuksauvotit ômatingnut tamânut, tarningnullo tamânut, issumangnullo tamainut, pitsartunernullo tamainut. Tâmna pijariaᴋarnerojoᴋ perᴋojanit tamainit.


Tâmna nagligilugo ômamut tamânut, issumanullo tamainut, tarnimullo tamânut, pitsartunernullo tamainut, inuᴋatine ingmitut nagligilugo, tagva ajunginersauvoᴋ tunergutiksanit ôtaksanit tamainit.


Kiovâ oᴋarlunelo: Gûdingnik Nâlegarnik nagliktuksauvotit ômatingnut tamânut, tarningnullo tamânut, issumangnullo tamainut, pitsartunernullo tamainut; inuᴋatingniglo iliktut nagliktuksauvotit.


Manalo, Israêl, Nâlegak sunamik pijomavâ ilingnît? Imâk kisiane: Nâlegak Gûdît sivôragigangne, arvertarniaravillo tâpsoma apᴋutauᴋojangine tamaine, nagligilugolo, Nâlegarlo Gûdît kivgartorniarangne ômatingnut tamânut tarningnullo tamânut.


Taimaimat Nâlegak Gûdît nagligijaksarivat, tâpsomalo pijomajanga, maligaksauᴋojangillo, idluarsautiksangillo, perᴋojangillo malitsiarlugit tamât.


Imaitsomarporlo, perᴋojakka perᴋojijutigijakka ilipsingnut uvlome kamagitsiarupsigik, Nâlegak Gûdise nagligilugo kivgartorlugolo ômatipsingnut tamânut tarnipsingnullo tamânut,


Nelautaijûb sinnartômajûblônêt tâpsoma oᴋauserijangit nâlagaksaringilatit; Nâlekab Gûdipse ôktormase, ᴋaujijomavlune Nâlegak Gûdise nagligimangâpsiuk ômatipsingnut tamânut tarnipsingnullo tamânut.


Nâlegak Gûdise maligaksarivase, tâmna sivôragilugo, tâpsomalo perᴋojangit piniarlugit, tâpsomalo nippinga nâleklugo, tâmnalo kivgartoraksarivase ungagilugolo.


Perᴋojak tamanna perᴋojijutigijara ilingnut uvlome ilûnât kamagijomagungne piniarlugolo, Nâlegak Gûdît nagligijomavlugo, arvertatsainaromavlutillo tâpsoma apᴋutauᴋojangine tamaine; tagva iglugasaksuit ukkua pingasuit ilajaksarivatit pingasuinik sulle ilingnut;


Nâlekab Gûdivît nippinga nâlegomagungne, maligomagungnelo tâpsoma perᴋojangit maligaksauᴋojangillo, aglaksimajut aglangne ukkunane perᴋojaᴋtalingne; sâgiaruvit Nâlekamut Gûdingnut ômatingnut tamânut tarningnullo tamânut.


Perᴋogapkit uvlome Nâlegak Gûdît nagligijaksarigangne, arvertartuksaugavit tâpsoma apᴋutauᴋojangine, maliktuksaugavit tâpsoma perᴋojanginik maligaksauᴋojanginiglo idluarsautiksanginiglo, inôᴋovlutit unuksiᴋovlutillo, Nâlegak Gûdît saimarsaiᴋovlugo ilingnik nuname aivigijarne pigijomavlugo.


Nâlegak Gûdît nagligijomavlugo, nippinga nâlagomavlugo, ungagijomavlugolo; tamanna inôgutigigangne, inutoᴋautigilugolo; ineᴋarᴋovlutit nuname Nâlekab angermariklune angerutigijangane atâtagijarnut, Abrahamut, Isaarmullo, Jakomullo, tunijomavlugo tâpkonunga.


Nâlekablo Gûdivît ômatit kinguvâvîllo ômatingit kipijomârpait, naglingniᴋovlutit Nâlekamik Gûdingnik ômatingnut tamânut tarningnullo tamânut, inôᴋovlutit.


Tagvangallo Nâlegak Gûdît ᴋenerungne, nagvâlârpat, ômamut tamânut tarnemullo tamânut ᴋenerungne.


Manale katsungailuse attaruilititse pinniarᴋovluse Nalekab perᴋojanga illusioᴋojangalo, Mosesib Nalekab kivgangata perᴋolauktanga illipsingnut malliklugo, nagliᴋovluse Nalegapsingnik Gudipsingnik, arvertarluselo apᴋosiningine tamaine, malliᴋovluselo perᴋojanginik, ungaluselo tapsomunga, kivgartorᴋovluselo tapsominga, omamut tamanut tarnemullo tamanut.


Gûdemik naglingniᴋ tamadja, piᴋojangit malikaptigik; piᴋojangillo ajornangilat.


Lean sinn:

Sanasan


Sanasan