Deuteronomy 5:9 - Labrador Inuttitut Heritage Bible

⁹ Taimaitut tuksiarvigijaksaringilatit kivgartornagillo; uvanga Nâlegaujunga Gûdît ilungertudlarlunga Gûdeogama, atâtat idluitulininginik pidlarnikteojunga ᴋitorngangine, uvamnik ômisuktune, ernerêt kingorlerêt pingajungit sitamangillo tikidlugit;

Deuteronomy 5:9 Iomraidhean Croise

II Atannit 17:35

Nâlekab angerᴋattigingmagit, perkolaitalo, oᴋarlunelo: Gûdib assingit sivuraginiarassigik tuksiarviginagillo, kivgartorassigiglo, tunijitaililuselo tunnergutinik tapᴋonunga;

Exodus 34:14

Gûdib asianut tuksiartuksaunginavit, Nâlegak, Illungertortomik atelik, Gûdeongmat ilungertortok:

Exodus 34:7

Naglingnermik soᴋosertailitsijok tausendeoᴋatartunut, idluitulinernik tappatonerniglo ajornerniglo isumagijungnainiktok, pidlartailitsingitorle ᴋaᴋialerneᴋangitunik; atâtat idluitulininginik pidlarniktok ᴋitorngane, ᴋitorngallo ᴋitorngangine, ernerêt kingorlerêt pingajungit sitamangillo tikidlugit.

Jeremia 32:18

Nâpkiningnermik saᴋᴋertitsijotit tausandeoᴋattartunut, pidlarnikteojotillo atâtat idluitulingininik ᴋitorngangita sagvinginut, kingorngatigut pijunut; Gudemik angijomik pitsartujomiglo, Nâlakamik Zebaotemik atteᴋartotit;

Numbers 14:18

Nâlegaᴋ ᴋenuêdlarpoᴋ nâpkiniktoᴋsôvlunelo, issumagijungnainikpoᴋ ajornernik tapatonerniglo, pidlartailitsingitorle ᴋaᴋialerneᴋangitunik; atâtat idluitulininginik pidlarnikpoᴋ ᴋitorngane, ernerêt kingorlerêt pingajungit sitamangillo tikidlugit.

Deuteronomy 4:16

Aseroiᴋonase ilipsingnik, ilipsingnullo inungoaliorᴋonase sunalônêt adsilivlugo, angutingoarmik arnangoarmiglônêt,

Deuteronomy 4:24

Nâlegak Gûdît ikomauvok nungutsijok, Gûdeovlune ilungertortok.

Deuteronomy 6:15

Nâlegak Gûdît akunapsingnêtok Gûdeongmat ilungertortok; Nâlekab Gûdivît ningarninga ilingnik katsungailiaᴋiᴋonago, pêrᴋsiᴋonagolo ilingnik nunab ᴋânganit.

Deuteronomy 7:10

Omigijinele akkiniarpait sagvartomik, asseroromavlugit; kassunganiangilarlo ômigijiminut, akkinialârpâ sagvartomik.