23 Nippele tâᴋtoksûb iluanit tusarapsiuk, ᴋakᴋak ikoâlatilugo ikomamut, uvamnôrlauᴋpose, kinguvârêngnipse angajokângit ilûnatik erᴋanartoᴋutigijaselo;
Katjârilauᴋtatit Nâlekamit Gûdingnit Horebeme katimaniksûb uvlungane tamaita maliklugit, oᴋaravit: Nâlekab Gûdima nippinga tusarungnailago, ikomaᴋsoarlo tâmna takojungnailago kingorngane, toᴋoᴋonanga.
Oᴋautsit makkoa Nâlekab oᴋauserilauᴋpait ilagêngnipsingnut katimajunut ᴋakᴋame ikomab, nuvujablo, tâᴋtoksûblo iluanit, nipersoaᴋarlune: ilalungilaillo. Aglakpaillo aglagvîngnut ujaraujungnut maggûngnut, uvamnullo tunilugit.
Oᴋarposelo: Ahâk, Nâlekab Gûdipta ânanaunine opinartoksôninelo takojautipâk uvaptingnut, nippingalo tusarpavut ikomab iluanit: uvlorme tamattomane takovogut Gûdib inuk oᴋakᴋatigingmago, inôngmallo.
Sanguvunga tagva atersârlungalo ᴋakᴋamit, ᴋakᴋarlo ikoâlavok ikomamut; angerᴋatigêngnerûblo aglaksimavîgik maggûk iglutorlunga tigumiarpâka.