Deuteronomy 5:12 - Labrador Inuttitut Heritage Bible

¹² Uvlok Sabbateojok erᴋaruk, ivlerijauᴋovlugo ilingnut, sorlo Nâlekab Gûdivît perᴋongmatit.

Deuteronomy 5:12 Iomraidhean Croise

Nehemia 13:15

Nalliutome taipsomane Judame takᴋovunga Weineliksat iptêjaivinganik tullertunik Sabbatib uvlungane ᴋeppitaniglo kakkojaksanik ittertitsingmatta, siutekoktôjuniglo nangmalingnik Weinemik, Weineliksallo paunganginik, Feigeniglo, nangmaniglo pittalingnik sunatuinarnik ittertitsingmatta Jerusalemut Sabbatib uvlungane. Tennersarpakkalo uvlorme taipsomane nerᴋiksanik niorvgusingmatta.

Exodus 16:23

Tâpsomalo oᴋautivait: Gûdib, tagga, oᴋautigisimajanga: ᴋaupat Sabbateojok ivlernartok, merngoerserviksase Nâlekamut naliutivok. Otitsomajase ôtiniarsigik uvlome, igajomajaselo iganiarsigik; amiakoa torᴋorsiuk uvlâmut piksaᴋumitarilugo.

Exodus 16:30

Taimaimat inuit merngoerserput uvlut 7ingane.

Exodus 31:13

Oᴋarittauk Israêlikunut, oᴋarlutit: Udjertoritse Sabbateᴋotikka erᴋagitsiarlugit perᴋovluse: Nalunaikutaungmat uvangalo ilipselo akunaptingne kinguvâpsigut; ᴋaujimarᴋovluse uvangaugama Nâlegak ivsornaititsijok ilipsingnik.

Exodus 31:15

Uvlut 6it suliviksauvut, uvlulle 7ninga Sabbateovok merngoerservik, ivjornaitok Nâlekamut; nalliallônêt suliaᴋartok uvlorme Sabbateme toᴋotaudlartuksauvok.

Jesaiase 56:6

Takorngartallo Nâlekamut sâgiarsimajut kivgartoromavlugo attingalo ungagijomavlugo, kivgauleromavlutiglo tâpsomunga, illũnaita sabbatemik ivlersijut attornerdlugomanago piniaraksaurᴋojamniglo ivlersijut,

Jesaiase 58:13

Ittikkatit udsertorungne sabbateme, sullijaksatit piniarnagit uvloᴋotimne ivsornaitome; sabbate ᴋuvianarnerarungne, Nâlekablo (uvlunga) ivsornaitoᴋ ivlernarnerarungne opigivlugolo, apᴋutigijomajatit attornagit, sullijaksatit piniarnagit, oᴋautsit piungitut attornagit,

Jeremia 17:22

Iglupsingnillônêt anitsiniarase oᴋumaitunik Sabbateme, sumiglônêt suliaᴋarniarase; Sabbatele ivjornaitisiuk, sorlo atâtagilauᴋtase perᴋolaurapkit;

Markuse 2:27

Oᴋautivaillo: Inuk pivlugo sabbate pingortisimavoᴋ, sabbatele pivlugo inuk pingortitaungilaᴋ,

Deuteronomy 5:13

Uvlut sixit kingorlerêklutik senajuksauvotit, suliaksatillo tamaita piniarlugit,