Deuteronomy 5:10 - Labrador Inuttitut Heritage Bible

¹⁰ Nâpkiningnermigle saᴋᴋertitsivunga tausendeoᴋattartune nagligijimne perᴋojamniglo nâlektune.

Deuteronomy 5:10 Iomraidhean Croise

Imgerut 103:17

Nâlekable saimaveᴋarninga soraijuipok issoᴋangitomit issoᴋangutomut, sivôragijinginnut; idluarningallo ᴋittorngat ᴋittornganginut;

Exodus 20:5

Taimaitut tuksiarvigijaksaringilatit kivgartornagillo: Uvanga Nâlegaujunga Gûdît ilungertudlarlunga Gûdeogama, atâtat idluitulininginik pidlarnikteojunga ᴋitorngangine uvamnik omisuktune ernerêt kingorlerêt pingajungit sitamangillo tikidlugit:

Exodus 34:7

Naglingnermik soᴋosertailitsijok tausendeoᴋatartunut, idluitulinernik tappatonerniglo ajornerniglo isumagijungnainiktok, pidlartailitsingitorle ᴋaᴋialerneᴋangitunik; atâtat idluitulininginik pidlarniktok ᴋitorngane, ᴋitorngallo ᴋitorngangine, ernerêt kingorlerêt pingajungit sitamangillo tikidlugit.

Jeremia 32:18

Nâpkiningnermik saᴋᴋertitsijotit tausandeoᴋattartunut, pidlarnikteojotillo atâtat idluitulingininik ᴋitorngangita sagvinginut, kingorngatigut pijunut; Gudemik angijomik pitsartujomiglo, Nâlakamik Zebaotemik atteᴋartotit;

Daniel 9:4

Tuksiarpungalo Nâlekamut Gudimnut, kigligiksarlungalo oᴋarlunga: Nâlegaᴋ, Gudeojotit angijoᴋ sivôranartoᴋsôjorlo, angirutigijarnik nâpkiningnimiglo nalautsititsijotit nagligijingnut piᴋojarniglo nâliktunut;

Numbers 14:18

Nâlegaᴋ ᴋenuêdlarpoᴋ nâpkiniktoᴋsôvlunelo, issumagijungnainikpoᴋ ajornernik tapatonerniglo, pidlartailitsingitorle ᴋaᴋialerneᴋangitunik; atâtat idluitulininginik pidlarnikpoᴋ ᴋitorngane, ernerêt kingorlerêt pingajungit sitamangillo tikidlugit.

Johannese 14:15

Nagligigupsinga, perᴋojakka malingniarsigik.

Johannese 15:14

Ilipse ilannârivapse, piniarutjigupse perᴋojamnik.

Rômiunut 8:28

Kaujimavogulle Gûdemik nagligosuktut ᴋanoelinganerit tamaita idluarᴋutigingmagit, (Gûdib) issumasimaninganut ᴋaiᴋojaumajut.

Galâtsiamiunut 5:6

Kristuse Jêsuseme kipimanerlônêt kipimanginerlônêt atungimanik; okpernerle naglingnikut piniarnernik saᴋᴋertitsijoᴋ.

Deuteronomy 4:40

Maliluaraksarivatillo tâpsoma maligaksangit perᴋojangillo, uvlome ilingnut perᴋojarijakka, pilluangoᴋovlutit, igvit ᴋitorngatillo kingunerne, uvlutillo unuksiᴋovlugit nuname Nâlekab Gûdivît tunijangane ilingnut soraijuitomik.

Deuteronomy 7:12

Imailarporlo, idluarsautiksat makkoa tusârangne, kamagilugillo, piniarlugillo, Nâlekab Gûdivît angerutigijane nâpkiningninelo oᴋautigimariktane atâtagijarnut, nelautsitilârivait;

Deuteronomy 7:9

Taimaimat ᴋaujijuksauvotit Nâlegak Gûdît Gûdeongmat; Gûde nelâgôrtok nelautsititsilune angerutigijaminik nâpkiniklunelo nagligijiminik perᴋojaminiglo nâlektunik kinguvârêt tausendit tikilugit.

Jâkobusib 1:25

Ullernairsitsiartorle perᴋojamik nâmamariktomik kivgaujungnaititsijomik, tâpsomanêdlunelo sorairane; tâmna puigorsârane tussatuinangilak, nâleklugole piniarpok; tamailiornermine tâmna piloringniarpok.

Josua 22:5

Manale katsungailuse attaruilititse pinniarᴋovluse Nalekab perᴋojanga illusioᴋojangalo, Mosesib Nalekab kivgangata perᴋolauktanga illipsingnut malliklugo, nagliᴋovluse Nalegapsingnik Gudipsingnik, arvertarluselo apᴋosiningine tamaine, malliᴋovluselo perᴋojanginik, ungaluselo tapsomunga, kivgartorᴋovluselo tapsominga, omamut tamanut tarnemullo tamanut.

I Johannesib 1:7

ᴋaumajomili arvitarupta, sorlo tâmna ᴋaumajomêngimat, illagêngniᴋarpogut uvaptingnut; Jêsusiblo Kristusib, tâpsoma erningata, aungata ubvarpâtigut ajortunit tamainit.