Deuteronomy 5:1 - Labrador Inuttitut Heritage Bible

¹ Mosesiblo Israêlikut tamaita ᴋaiᴋovait, oᴋautilugillo: Ilipse, Israêlikut, perᴋojat maligaksallo, oᴋautigijakka uvlome siutipse sângane, tusarsigik ilinialugillo, puigorniarasigiglo, tamakkoa maliklugit piniarᴋovluse.

Deuteronomy 5:1 Iomraidhean Croise

Imgerut 78:7

Tattiksamingnik tungaᴋovlutik Gûdemut, puigornatiglo Gûdib pinniarninginnik, perᴋojanginniglo naleᴋovlugit.

Exodus 15:26

Oᴋarlunelo: Nâlekab Gûdivit nipinga nâletsiaromagungne, piniaromavlugillo tâpsoma sângane idluarijaujut, siutit manijomagungne tâpsoma perᴋojanginut, maligaksaurᴋojangillo maligomagungne, ilijivigijomangilagit ᴋanimaserit nalianiglônêt tikitilauktamnik Egiptenemiunut: Uvangaugama Nâlegak inûliklertît.

Exodus 18:20

Ajoᴋertoraksarivatillo maligaksaurᴋojaujunik perᴋojaniglo, unertûtijaksarivatillo apᴋomik arvertarvigijaksarijanginik, piniarnerniglo piniaraksarijanginik.

Mattêuse 23:3

Taipkoa atorᴋojangit ilipsingnut, tamaita nâleklugillo malingniarsigik; piniarningille malingniarasigik; oᴋaralloartut piniaratiglo.

Deuteronomy 1:1

Tamadja oᴋautsit Mosesib oᴋauserijangit Israêlikunut tamainut Jordanib ungatâne, sunaᴋajuitome, naᴋsarsoarme Sufib nelâne, Pâraniblo, Tôfeliblo, Lâbaniblo, Hâzarotiblo, Di-zahâbiblo akorngane.

Deuteronomy 11:1

Taimaimat Nâlegak Gûdît nagligijaksarivat, tâpsomalo pijomajanga, maligaksauᴋojangillo, idluarsautiksangillo, perᴋojangillo malitsiarlugit tamât.

Deuteronomy 12:1

Tamadja maligaksat idluarsautiksallo kamagijaksarijase piniarlugillo nuname, Nâlekab, atâtagijapse Gûdingata, tunimajangane perᴋutauᴋovlugo ilingnut, uvlut nunab ᴋângane inôvigijaksase tamaita nâvlugit.

Deuteronomy 17:19

Najortigijaksarivaillo, atuaraksarivaillo inôsime uvlungit nâvlugit; iliniarᴋovlugo sivôranermik Nâlekamik Gûdiminik, perᴋojat maligaksallo makkoa nâleklugit piniarlugillo;

Deuteronomy 28:15

Nâlekable Gûdivît nipinga nâlagomangikungne, perᴋojangit maligaksauᴋojangillo tamaita, perᴋojijutigijakka ilingnut uvlome kamagitsiaromanagit piniaromanagillo; tagva ôminarsinerit makkoa ilûnatik tikilârpâtit nelaudlutillo.

Deuteronomy 29:10

Nangerpose ilûnase uvlome Nâlekab Gûdipse sângane; Angajoᴋârijase, kinguvârêᴋotise, erᴋarnartoᴋotise, aulatsijigijaselo, tagva Israêlekut angutingit ilûnatik,

Deuteronomy 29:2

Mosesiblo Israêlekut tamaita ᴋaiᴋovait, oᴋautilugillo: Takolauᴋpose tamainik Nâlekab piniarnerijanginik ijipse sângine nuname Egipteneme Faraomut, kivganginullo tamainut, nunanganullo tamânut;

Deuteronomy 4:1

Manalo, Israêl, maligaksat idluarsautiksallo Ajuᴋertûtigijakka ilipsingnut tusarsigik, piniarᴋovluse tâpkoninga; inôᴋovluse, iterᴋovluselo nunalo Nâlekab, atâtapse Gûdingata, tunijanga ilipsingnut pigilugo.

Deuteronomy 4:49

Naᴋsarsoarlo ilûnane Jordanib ungatâne taunane, naᴋsarsûb imarbinga, Pisgab atsangajângita timâne, tikidlugo.

Deuteronomy 4:5

Ahâk, ajuᴋertorpapse maligaksanik idluarsautiksaniglo, sorlo Nâlekab Gûdima perᴋongmanga, taimailiorᴋovluse nuname aivigijapsingne pigijomavlugo.

Deuteronomy 5:2

Nâlekab Gûdipta angerᴋatigilauᴋpâtigut Horebeme.

Deuteronomy 6:17

Katsungaivluse nâlektuksauvose Nâlekab Gûdipse perᴋojanginik, kigligiutsininginiglo, maligaksanginiglo, perᴋolauᴋtanginik ilingnut.

Josua 1:8

Aglaillo makkoa perᴋojaktaggit ᴋannernit nûlerᴋoniarnagit, nautsertorkille uvlorme unnuarmelo, mallitsiarᴋovlutit pinniarmariᴋovlutillo aglaksimajut tamakkonane malliklugit. Tagva sullitsiarniarpotit sillatutsiarlutillo piniarungnarniarpotit.